Numbers 9:15 - Ohiatonhseratokénti

^15-16 Né tewenhnisehráteʼkwe natóhsehra ne tsi nónhwe nihénteron ne Roiá꞉ner sontkétsko, otsíkera ónhwe tánon né wakaróhroksʼte. Né shiʼhiokaráhon né tsi iotsíʼkerare thóh niʼiohtónhne tsi ní꞉ioht nó꞉tsire.

Numbers 9:15 ပူးပေါင်းရင်းမြစ်များ

Nehemiah 9:12

Tánon ní꞉se wasehiasá꞉rihne ne washátste ne tsi nihiotsikeró꞉te ne tsi niwenhní꞉seres, tánon noʼkarasnéha ne tsi nihiotsiró꞉tons nó꞉tsires noʼkarasné꞉ha, tsi wateseswathéten tsi nihiohahó꞉ten ahonthahí꞉tha.

Nehemiah 9:19

Ók shé꞉kon kíʼ, thóh tsi nihiawetowá꞉nen ne sanitenhrátshera, ní꞉se iáh tesheiatewenhtéton thóh tsi iahonwenhtsathénhake. Ne iotsikeró꞉te iáh kíʼtehiakotsiatontakwén꞉ni ne tsi niwenhní꞉seres, ne nahiakohenténhse tsi niahonenonhátie. Iáh ó꞉ni ne iotsiró꞉te ne tsi niwashón꞉tes ne tahiakoswathè꞉ten ne tsi iohá꞉te tsi nón꞉we ahó꞉wenk niahón꞉ne.

Psalms 105:39

Né Rawenni꞉io éhʼneken waʼhatʼtsátaien tsi rónhne né ahotiró꞉rohke, tánon ótsire né tahiakoswaʼthéten nokarasnéha.

Psalms 78:14

Rawenni꞉io otsáta raotihénton tahaténiete ne tsi niwenhníseres ne ká꞉ti nahonateriénhtarake kaʼnónhwe niaʼhonenonhátse. Tánon ne tsi niwasónhtes né꞉ne watsiakoswát꞉thete ne ótsire aioswatʼthetétsera.

Exodus 13:21

Ne tsi niwenhníseres ne Roiá꞉ner rahoʼtihénton niaʼhá꞉re tsi iotsikeró꞉te nasakonahʼtónʼhaʼse tsi niehiotʼthahínon, tánon ne tsi niwaʼsónhtes rahoʼtihénton niaʼhá꞉re tsi iotsiró꞉te né taʼsakoswatʼthèten, né káti nahónton ne nahsonhtʼthènnen ó꞉ni nenhtiéʼkehne tahontháhaʼkwe.

Exodus 13:22

Ne tsi iotsikeró꞉te kwáh tsiókonhthe tsi rahotiʼhénton nonhkweshón꞉ʼas í꞉wesʼkwe ne tsi niwenhnísehres, tánon nʼiotsíroʼte tsi né niwashón꞉tes í꞉wesʼkwe.

Exodus 14:24

Kwáh onenhtó꞉wa sahiórenhne ne Roiá꞉ner tsi iotsiro꞉te ó꞉ni tsi iotsikero꞉te ehtàke wásakoken ne Egyptró꞉nons ronhterí꞉ios tánon watesakahonhʼnhaʼríkhon.

Exodus 40:2

“Nentewaʼtenhniseratiérenʼthe ne tsiotierén꞉ton wenhní꞉tare saʼtoserakétsko tsi nónhwe nihénteron ne Roiá꞉ner.

Exodus 40:34

Ethòne otshá꞉ta wakarorókste natóhsehra tánon ne tehiohaseraswáʼthe wakánane tsi nónhwe nihénteronh ne Roiá꞉ner.

Exodus 40:35

Né kíʼ wakarihónhni, ne Mahís iáh tehiotónhʼon natohsehrákon iahotawehiáʼtonhke.

Exodus 40:38

Tsi nikaríwes wahothiʼnatenhawíson ronhʼtkátoskwe ne tsi tehiottshátaien ne tsi niʼwenhnísehres tsi nónhwe nihéntheronh natohsehrákon ne Roiá꞉ner tánon ótsire iotékha èhneken natóhsehra nokarasnéha.

Isaiah 4:5

Eʼthó꞉ne ne Roiá꞉ner kwáh enhatenatónhni ne tsi iokwénhraʼre ne tsi Ionónhte ne Zion tánon ne tsi nónhwe nihiontʼkenhnisaáhkwah nenhonterénhnaien tenhiotsátahienʼke ne tsi niwenhníseres tánon enhiotsiokwahronhníhake ó꞉ni tsi nateioswát꞉te notónkwah ne ótsire nokarasnéha. Kwáh kí akwékon ne kaiatanerakwáhtshera kwáh enwatoseróhronhke.

Numbers 10:34

Tsi ní꞉ioht tsi wathonhnatakwáhnion tsi nonhwésons nihonahnataiénthaʼkwe, né Roiá꞉ner rahotsìkera ne tsi niwenhnísehres é꞉neken íweskwe tsi nónhwe nihónhnes.

Numbers 14:14

enshaʼkotiroriánion nonhkweshón꞉ʼas ne ienákere ne kénʼen ionhóntsaien. Kí꞉ken onhkweshón꞉ʼas ónenk roʼtirihwarónhken ní꞉se, Saiá꞉ner, tsi tewakwékon, kwáh tshiewéne tsi waheshá꞉ken nó꞉nen né shaʼtsíkera èhneken watʼkátane tsi nónhwe nihiákweskwe, tánon tsi í꞉se ohénton nienhénse tsi iotsikero꞉te notsíkera ne tsi niwenhnísehres ó꞉ni tsi niʼiotsiro꞉te nótsire nokarasnéha nikaháwi.

Numbers 17:7

Ne Mahís ethòne akwékon naténhnits atohsehrákon iaháhionte ohénton waʼháien tsi nónhwe nikáien ne Roiá꞉ner Raonerókwah Naterihwasehronhniátshera í꞉wa.

1 Corinthians 10:1

Tewahkatonwenhtióni naisewehiárahke, tewatenroʼshón꞉a, tsi nihotihiatawénhon ne ietʼthishótʼtahokonkén꞉en tsi niháti ne ronnwahnonteráhtiesʼkwe ne Mahís. Ratikwékon ne iakononstátiesʼkwe ne tsi iotsikerahrónnions, tánon ratikwékon skénnon tsi wahthonthóhetsthe ne onekwéntarah nikaniataróhten.

Deuteronomy 1:33

ethosàne tsi tiókonhte raónha ohénton niehawé꞉non nahtsisewanaktatsénhriaʼse kaʼnónhwe nahisewanáhtaien. Naʼtsisewanahtónhase tsi niehiothahí꞉non, sewahénton íhre tsi nihiotsiro꞉te noʼkarasnéha ók ne tsi niwenhníseres ahé꞉ren nénhne nihiotsikero꞉te.