Numbers 9:14 - Ohiatonhseratokénti

¹⁴ “Tó꞉ka ne thiʼhononhontsátes ne skát꞉ke sewanákere rónhnere nahonhnenhtaʼnóronste ne èhneken watohetstáhkwah, ónenk kíʼ tsi orihwakwékon enhonhnenhtanó꞉ronsthe tsi nikaianerenhseró꞉tens ó꞉ni tsi niʼkarihoténhsons. Onhkwetakwékon né sahaʼkohianerénhseras íken, né꞉ne thóh ratiʼnakerehónhwe khès ne thiʼhononhontsátes.”

Numbers 9:14 ပူးပေါင်းရင်းမြစ်များ

Ezra 6:21

Ne wateskónhte kwáh ratikwé꞉kon wahón꞉neke nʼIsraerʼró꞉nons tsi niká꞉ien ne sóhti ne ronanahkerá꞉kwenhne, tánon ki ó꞉ni tsi kwáh onhkweʼtakwé꞉kon wahonwanatsiatárase tánon wahonthatsiatotháro tsi natehiakohiathátsons ne thóh nón꞉we nihiohontsá꞉ien nihatinákere, ók ne tsi nihá꞉ti ne thoné꞉non ne nahonwashén꞉naien ne Roiá꞉ner Rawenni꞉io ne Israerró꞉nonke.

Exodus 12:43

Ne Roiá꞉ner washaʼkawénhaʼse ne Mahís ó꞉ni ne Aaron, “Ne kí꞉ken ne watoʼhetstákwa ahoianerénseras: Iáh ónhka ne thihiaʼkahontsàte thatahionskáʼhon ne watoʼhetstákwa kákhwa,

Exodus 12:47

Kwáh onhkweʼtakwékon ne ienáhkere ne lsraeró꞉nonhke ónenk tsi enhiontenikonhró꞉ri kí꞉ken kaʼkhwáhere,

Leviticus 19:10

Tó꞉sa thóh nionhshá꞉se ne tsi sanenharaiéntʼthon nahonshaʼsenenharaʼrórohke tsi níkon ne tehiakahowískwahton tsi iakohnenhará꞉kwen tánon ne ionaharénhseron; né nènhne seiénhras ne iakóten tánon ne thihononhontsátes. Í꞉i ne Watiá꞉ner Sewaní꞉io íken.

Leviticus 22:25

Tó꞉sa ne iasehwát꞉kaf ne ká꞉khwa ahiotenathónhkwen ne katshénen ne tihononhontsáte nónhwe nithitsisehwahiaténha. Né nikanaskóten ne rotenathónkwen iáh tsehahiataiéri tánon iáh thahónton nahonwaiéna.

Leviticus 24:22

Kí꞉ken kaianerénsera sewakwékon satesewaríhwaʼke, Nisraerʼró꞉nons tánon ne tihononhontsátes ne skát꞉ke sewanákere, tsioríhwa tsi Í꞉i ne Watiá꞉ner Sewaní꞉io í꞉ken.”

Leviticus 25:15

Tsi nihionhontsanó꞉ron né entsiohianénhaʼwe tóh niʼioseráke nonhóntsa enkakwéni nahonthaʼkáhawe ne kaientʼthótsheras tsi nióre ienskáheʼwe nó꞉ia tsioseráte nahonshahionhontsiaʼserónhnike.

Numbers 15:15

Asèken tsi nénhwe, ehʼnenhiotónhake tsi sewatwehnónhni níse tánon ne tehononhontsátes. Níse tánon ne ronhnónha kwáh ne sáka ne Roiá꞉ner tsi tetshiʼsewakánere;

Numbers 15:16

ne sakaianerénhseras tánon tsi nikaianerenhseró꞉tens sewaró꞉ron níse tánon ne roʼnónha.

Deuteronomy 29:11

konhnónkwe, ratikshaokónhas, ó꞉ni ne tihononhontsá꞉tes ne skátke sehwanákeres ne teieshaientsiákse ó꞉ni ne ieshanekakareniénhnis.

Deuteronomy 31:12

Iaséhnonhk sehiatharó꞉rok ratikwé꞉kon ne ronhnónkwe, konhnónkwe, tánon ne ratikshaokón꞉a, ó꞉ni ne tihononhontsá꞉tes ne sewaná꞉takons ratiʼterón꞉ton, ne káti nonhkweʼtakwé꞉kon ahiakothónhteʼne tánon nahatiweientéhtaʼne nahonwakwénienste ne Roiá꞉ner sewaNí꞉io ó꞉ni nahontewénhnaraʼkwe ne rahorihonhnienhní꞉tsheras ahioriwatokénhake.