Numbers 9:13 - Ohiatonhseratokénti

¹³ Ók tó꞉ka ónhkak tsi nítsion ne shiʼhiorihwakáion satesehwahiatátsion tánon iáh kaʼnèka tshieʼsehwénon tánon iáh tesewenhtanorónstha ne èhneken watohetstáhkwa, iáh kí ónenh né tahonseʼsewatenaʼtónkwen Í꞉i akonhkwetashón꞉ʼas akènhake, tsioríhwa tsi iáh othènen teteskwáhwi ne shiaʼkáhewe. Ónenk kíʼ tsi ensewaronhiáken tsi nienhiáwenhne ne sewarihwaneraháktsheras aorihwáke.

Numbers 9:13 ပူးပေါင်းရင်းမြစ်များ

Genesis 17:14

Ónhka ne roskenʼrakéhte né iáh tehonwaʼwahrakwé꞉taron kwáh kíʼ iáh ráonha tewakonkwé꞉ta té꞉ken, tiorí꞉wa tsi iáh tehoteweièn꞉ton nakateriwahseronniáhtsera skátne Ní꞉i.”

Exodus 12:15

Ne Roiá꞉ner wahénron, “Asèken tsáta nikaríwes tó꞉sa othènnen senátarak ne iontʼtenkwátha tekaiéston tsi kanaʼtarónhni—nék khók senátarak ne iáh thaʼtekaiéston ne ionhtʼtenkwátha. Nʼentewaʼtenhniserahʼtiérenhthe akwékon íseh iasehwáti ne ionhttenkwátha ne sewanonskónhʼsons, asèken tó꞉ka ónhka enhieʼnataràke ne ionhtʼtenkwátha tekaiéston ne tsáta nónhta nikaríwes, né kí enhoʼtenatónkwen iáh Í꞉i tesewakonhkwéta tèsken.

Exodus 12:19

Asèken tsáta nónhta nikaríwes kwáh tó꞉sa othènen akakʼtsiénhron ne iontʼtenkwátha ne sewanonskónhʼsons, asèken tó꞉ka ónhkaʼk, né ienakerehónwe tó꞉ka ó꞉ni tihiakahontsáʼte, enhienátarahke ne iontʼtenkwátha tekaiéston, né kí enhatenáhtonkwe iáh Í꞉i tesewahkonhkwé꞉ta.”

Exodus 12:47

Kwáh onhkweʼtakwékon ne ienáhkere ne lsraeró꞉nonhke ónenk tsi enhiontenikonhró꞉ri kí꞉ken kaʼkhwáhere,

Exodus 30:33

Ónhka né kwáh ètho ní꞉ioht tsi enhiakónhni tó꞉ka ó꞉ni né thènen áhionsthe nónhkak iehiatháke né꞉ne iáh tehietsihénsthatsi kwáh kíʼ iáh né tahonsakénhake Ní꞉i akonkwéta akénhake.’”

Exodus 30:38

Tó꞉ka ónhka enhiaʼkónhni né kwáh nesáka akénhake tánon né áhionsthe nahiontsiatakonhónsthaʼkwe, kwáh kíʼ iáh né tahonsahotenahthónkwen Ní꞉i akonhkwéta akénhake.”

Ezekiel 23:49

Tánon ní꞉se ki tesehnihiáse tsatatekénha—kwáh enkeniréhwate tsi nòkwah né seniriwahnerahákʼtshera tánon ne seniriwáhneren né tsi ietʼtsiʼsénhnaien ne kahiatonhnisónhas. Ethòne entsiateriéntarahne tsi Í꞉i ne Wakenonhrí꞉io Watiá꞉ner.”

Leviticus 17:10

Tó꞉ka ónhka Nisraerʼró꞉nonhs tó꞉ka ó꞉ni ne tehononhontsátes ne skátʼne ratinákere enhatiwáraʼke ne shé꞉kon iotenekwénsa, ne Roiá꞉ner enshaʼkhók karathéni kíʼ tánon iáh kíʼ shé꞉kon Rawenni꞉io rahonkwéta tahonsahonatenathónkwen.

Leviticus 20:20

Tó꞉ka ne rónhkwe skát꞉ke enhiáraʼte ne roʼnonhwáha ró꞉ne, wahotéhaʼte kíʼ ne roʼnonhwáha, rahónha tánon ne iónhkwe kwáh enhnikáriaʼke ne karewatátshera; iáh ónhka ne tenihiáse nonhwénhton tahotiwiraiénhtaʼne.

Leviticus 22:9

“Ratikwékon ne ratitsihénstatsis tsi enhontewénhnarakwe kí꞉ken kaianerénseras iewakatkáwen. Ne kíʼ, enkarihónhni enhotínike tánon enhonnhíheie, tsioríhwa iáh tehonatewenhnarákwen ne iotokénti kaianerénhseras. Í꞉i ne Watiá꞉ner tánon Í꞉i khehionhniénʼnis nahotiʼtokenhtíke.

Leviticus 24:15

Ethóhʼne seró꞉ri nonhkweshón꞉as Nisraerʼró꞉nonhke né nónhka enhonwakenrenhserónhni ne Rawenni꞉io ónenk tsi enharonhiáken tsi nenhiáwenhne

Numbers 19:13

Tsi nihiákon ienhiehiéna nawenheiónhtha tánon iáh tahonsahionhtiató꞉hare tenhiakohiathationhtónhake kíʼ, tsioríhwa nonékanos ne tionhthonakanonhnitákwah tsi iáh tehonwatinekósehren. Wathatíʼtsionhte ne Roiá꞉ner rahotóhsera, tánon kíʼ iáh ne tahonsahonwatinatónkwahke Rawenni꞉io rahonkwetashón꞉ʼas.

Numbers 19:20

Tsi niháti kwáh sahonatkweniénstane tánon iáh teshonatenikonhrasehrónhni iahatikónhtakwe kíʼ iáh teshonatkwéniens, tsioríhwa nonékanos ne tsontonhnakanonhnitákwah iáh tehonwatinekósenhren. Waʼthatítsionsthe ne Roiá꞉ner rahohtóhsehra tánon iáh shé꞉kon ne tahonsahonatenátonkwe Rawenni꞉io rahonkwéta íken.

Numbers 5:31

Ne shaʼkoksténha kwáh kíʼ enshaʼtiatotaríhsi tsi nahonhí꞉konhke, ók ne iónhkwe, tó꞉ka hioʼnhí꞉kon, ónenk kíʼ tsi enkaronhiáken tsi nienhiáwenhne.

Numbers 9:7

tánon wahonníron, “Iáh tehionkwatʼkwéniens tsioríhwa tsi kenʼniehionhkwaiéren nawenhehiónhtha, ók onhkáti nènhne nahó꞉ten aoríhwa tsi iáh thaʼhónton nahiakhiʼhiatiatáraʼse ne ronátiakes NʼIsraerʼró꞉nons ne thènen iahionhkwáʼienhke rahohénton ne Roiá꞉ner?”

Hebrews 12:25

Shatatenhnikónrahʼrak, káti, tóh꞉sa shatarónti natiatahónsatathe tsi nikáien ne róthaʼre. Tsi niháti nenhontarónti nahonwahtahónsatathe tsi nithohtkáwenh ne Rawenni꞉io raoteriwahnotáhtshera ne tsi ionwentsiáte iáh tehothiniakén꞉en. Thóh ní꞉ioht tsi sénha káron nahitewahniákenʼne, káti, tóhkaʼ entsitewahtaróntiense tsi nikáien ne karonhiáke nónwe thathá꞉re!

Hebrews 2:3

Onhkáti, ne ní꞉ioht, tsi aitewahié꞉na kénhʼne tóhka iáh taitewahtennikonráhratʼte né꞉e nikowáhnen kaiatakenátshera? Rahonhatsíwah ne Roiá꞉ner tohtierénton rorihowahnáton kí꞉ken kaiatakenátshera, tánon tsi niʼiákon ronwahtontéʼon ionkwahterihwahniráti tsi tóhkenske íken.

Hebrews 6:6

Tánon wahonthewénhthete né rahonetakwéntshera! Kwáh ionikonrókʼtha né sékon tahontahonwahnák꞉tate ne sékon ahonshahontatʼréwahte, tioríhwa tsi sékon teshonwahiasónʼtha ne Ní꞉io roiénha tánon onhkwé꞉ne niehonwahiaténhas nahonwahtéhathe.

Hebrews 9:28

Kwáh ne sahoríhwah Kerístos ó꞉ni rothatátkawen naharonhiáken nénska iakaiénthe ne iakotiokowáhnen akoriwaneraháktsera. Sékon tekeníhaton ienkaiénthe enshatotáshion, iáh tahastéristhe ne karihwáhneren, nók né nasakoniákenthe tsi nihiákon ne ronwáhrahre.