Numbers 8:22 - Ohiatonhseratokénti

²² Ne nonhkweshón꞉ʼas kwáh akwékon thóh nahatíiere tsi kíʼ nihoríhonte ne Roiá꞉ner ne Mahís tsi nòkwah ne Levites. Tánon káti ne Levites ónen iahatiʼhiataiérihne nahotihióten natosehrákon né꞉ne Aaron tánon sakohiohʼokónhas enthonwatiʼniarotárohke.

Numbers 8:22 ပူးပေါင်းရင်းမြစ်များ

2 Chronicles 30:27

Né ratiʼtsihénstatsis ó꞉ni ne Leviró꞉nons wahonwarihwanónhtonhse ne Roiá꞉ner nashakohiatatériste nonhkweʼshón꞉as. Né tsi thénhteron ne karonhiáke né Rawenni꞉io wahothónhteʼne ne raonaterénhnaient tánon washakoiéna.

2 Chronicles 31:2

Né Ronnonhtí꞉io Hezekiah shaʼsakotiokwahseronniánion ne ratitsihénstatsis ó꞉ni ne Leviró꞉nons, né꞉ne satihiatátʼtions katokénston tsi nenhotihiotenhseroténhake. Thóh í꞉kare nahonhtsaháthake ne tkaiesthánions ó꞉ni ne sakaríhwa í꞉ken tsi tkaiesthánions, nahonhterihwatsʼtérisʼte Nononsatokentiʼkówaʼne ahonterénhnaien, tánon tsi naʼtehonhtenonhweratónhnions ó꞉ni tehontenonhwerátons tsikʼnonwésons nihionatʼthéhions nononsatokentiʼkówaʼne.

Exodus 12:50

Ratikwékon ne lsraeró꞉nons wahontewénhnarahʼkwe ó꞉ni thóh nahaʼtí꞉iere tsi nahó꞉ten ne Roiá꞉ner sakorihónte ne Mahís ó꞉ni ne Aaron.

Numbers 1:50

Khéʼkenk, ne Levites né sehrihónten nahonterihwatsʼtériste Natóhsehra tsi nónhwe niʼkíteron tánon akwékon tsi niwatsʼtasónhas. Ronhnónha enhatíhawe tánon tsi niwatsʼtasónhas, thóh enhotiʼhióten, tánon thóh aktóntie enhontená꞉taien.

Numbers 8:15

Né nó꞉nen sehsenikonhrasehrónh꞉ni tánon sehiatateríston ne Levites, kwáh kíʼ enhotirenhnahónhake nahotihióten natohsehrákon.

Numbers 8:21

Ne Levites sahotinikonhríhione ne iatehatihiáti tánon sahatinóhare ne rahonaʼtsherónhnias, tánon ne Aaron washaʼkohiatatériste tsi ní꞉ioht ne katokénston atatawítshera rahó꞉henton ne Roiá꞉ner. Káti ó꞉ni kwáh ne wahaterihwaténtiaʼte ne orihwakaionhnéha tionʼthonhnakanonʼniatákwah ne rahotirihwàke.

Numbers 8:23

Ne Roiá꞉ner wahawénhase ne Mahís,