Numbers 7:89 - Ohiatonhseratokénti

⁸⁹ Nónen ne Mahís atohsehrákon niaháre ne Roiá꞉ner thaʼnitháren, wahothóntene ne Roiá꞉ner rotharáni thóh èhneken ne tsi iotenonhtékon Naterihwaʼseronhniátshera oneró꞉kwah, né tsi natehiátere ne teníhiase ne teninerahónhtsonhton tenironʼhiakeronnonhkówa.

Numbers 7:89 ပူးပေါင်းရင်းမြစ်များ

1 Kings 6:23

Né tèkeni teninerahóntionhte tenirhio né꞉ne ionhniáton ne iakenhiewátha óiente tánon thóh nónhwe nikáien tsi nónhwe ne Kwáh Iotokénti Ít꞉ken, né skát꞉tsons 15 iawénhre niwashí꞉take nitiótʼthes.

Psalms 80:1

Satahónsatat, Ó sehnón꞉ne nʼIsraerʼró꞉nons, í꞉se ne waʼtsiasárihne ne Só꞉se tsi ní꞉ioht ne teiotinakaronhtónha! Sítskote ne sanitskwáhrane éhʼneken ne tsi tehanerahontiónhtons ne raronhiakerononʼkówa,

Psalms 99:1

Roiá꞉ner séh ne ronnonhtí꞉io í꞉ken, ánion iakoiatí꞉sont nonkweʼshón꞉has! Raonitskwárare rénhskote thóh éhʼneken tsi niʼnikonhrare iotokentis; ánion tehiahontsíʼshont!

Exodus 40:34

Ethòne otshá꞉ta wakarorókste natóhsehra tánon ne tehiohaseraswáʼthe wakánane tsi nónhwe nihénteronh ne Roiá꞉ner.

Exodus 40:35

Né kíʼ wakarihónhni, ne Mahís iáh tehiotónhʼon natohsehrákon iahotawehiáʼtonhke.

Leviticus 1:1

Ne Roiá꞉ner atohsehrákon tahawenhnhínekenʼne tsi nónhwe nihénteron, Mahís iahó꞉nonhke tánon tahá꞉wenh ne tekontahsonhterónh꞉nions kaianerénhseras

Numbers 1:1

Ne tiotenhniseraʼtsherénhton ne tekeníhaton wenhnítare né tekeníhaton ioseráte nó꞉nen nonhkweshón꞉ʼas NIsraerʼronónke èhren shonhsahónnete ne Egypt, ne Roiá꞉ner wahothárase ne Mahís thóh rahothohserákon tsi nónhwe nihenténhron ne Roiá꞉ner né꞉ne iahonwentsaʼthènke ne Sinai nónhwe. Wahénron,

Numbers 11:17

Kwáh entʼkátsnenhte tánon thóh nónhwe natenʼtenithá꞉ren, tánon ostónha enskónhkwah nonikonhratokénti ne tkonhiáwi tánon roʼnónha thetekhéhion. Ethòne kíʼ enhathikwéni nahiesaiénawase nashaʼterihwakéthaʼte kí꞉ken onhkweshón꞉ʼa akorihwáke, tánon iáh sonhá꞉aʼkhók thasatkéthate.

Numbers 12:8

Káti ne tenhiakenithá꞉ren kwáh kíʼ tehiatsiaʼtatkonhsakánere, tshiehióken tánon iáh tekarihwaséhton; kwáh ó꞉ni rotʼkháton tsi nitieronhtó꞉ten! Tsi nishaʼnikonhraʼtsháni tsi nitsiatkónte nakenáhtsera Mahís!”

Numbers 8:1

Ne Roiá꞉ner wahawénhase ne Mahís,

Hebrews 4:16

Áhnion kíʼ ionkwahnikonrahnirónhak, káti, tánon ákta ítewet ne Rawenni꞉io raoniskwáhrahne, thóh nónwe tkáien ne kenténrat. Thóh nónwe entewahiénna ne ataniténron ó꞉ni entewahtiénri ne kenténrat naionkwahiénawahse nónen thenionkwahtonontióseh.

1 Tiér 1:12

Rawenni꞉io wasakorihotáshiase kí꞉ken rothitókense nètho rahothihioténsera tsi iáh ronónha tehotihiatakenhátsera, nók í꞉se sewáwenk, tsi nihonatáti kí꞉ken nahorihoténsons ne tsi ónen ietʼtsiwennarónken ne ronteriwanótʼthas rononhá꞉a rothirihowanáton ne kariwí꞉ios thóh rahosatsʼtenserákon ne Ronikonratokénti tsi nitohtheniéton ne karonhiáke. Neh kíʼ nahorihothénsons séhkon ne kwá ratironhiakerónons enhatinónwene nahothinikonraiéntane.

1 Samuel 4:4

Shók꞉kiʼ ne ronterí꞉ios iahonwanaténieʼte Shiloh, tánon thohʼnónwe nahontahatíhaʼwe ne oneró꞉kwah ne raoʼteriwaseronniátshera ne Sakoiá꞉ner ne ratiʼronhiakeró꞉nons, raónha thóh rénskote tsi natehiátere ne niʼnikonhrare iotokentis. Ne tenihiá꞉se raoʼnekenteróntsheras ne Eli, Hophni tánon Phinehas, ronón꞉ha nihnikonráraʼkwe nonerokwahtokénti skát꞉ne tsi taʼhón꞉ne.