Numbers 7:10 - Ohiatonhseratokénti

¹⁰ Ne sakotiʼhenténhse tahatiʼhá꞉sheron ó꞉ni tsi nahoténsons nahón꞉ste nahontenikonhró꞉riaʼte tsi enkonhwatonhnahé꞉raʼse ne ietsienharákwah. Nónen sahontaʼteweienénhtaʼne niahatiʼrónhnion ne rahonaʼthatawítsheras ne ietsienharakwáhke,

Numbers 7:10 ပူးပေါင်းရင်းမြစ်များ

1 Kings 8:63

22,000 nikanonhtsísʼtakes tiononhskwahrons wahonwanateskónhten tánon 120,000 niháti teiotinakaronhtonhʼa neʼnènhʼne ne sakaríhwa í꞉ken. Tánon káti ne ronhnonhtí꞉io ó꞉ni ratikwékon nonhkweshón꞉as wakonwatonhnahé꞉raʼse Nononhsatokentiʼkówa.

2 Chronicles 7:5

Tsi washakoteskónten 22,000 nikóntiʼkwe ne teiohtinhónskwaronte tánon 120,000 nikónti teiotinaʼkarontón꞉a né nenhʼné꞉e tsi skaríhwa í꞉ken tsi tahatí꞉ieste. Tánon kíʼ ne rahónha ó꞉ni ratikwé꞉kon nonhkweʼshón꞉as waʼkonwatonhnhahéraʼse Nononsatokentikowa.

2 Chronicles 7:9

Tsáta nón꞉ta nikaríhweskwe tsi waʼkonhwatonhnahéraʼse ne ietienharákwah tánon shé꞉kon nóia tsáta nón꞉ta ne tsi kakhwáhrakwe. Tánon nonakénhkha wenhniseráteʼkwe né꞉ne wahonterihwathéntsaʼte tsi onhtenó꞉ton ne watenikonhró꞉rihne,

Nehemiah 12:27

Tánon tsi nonsakonwatonhnaherá꞉se nasón꞉ta ne Jerusalem, ne Levites wahonwatihiatisákon kwáh tsi akwé꞉kons tsi nonwéhsons nihotinataiéntons, ne nahontahonwatihiaʼténhawe Jerusalem ne nakonwatonhnaheráse tsi tánon tahontenonhweratónhnion tánon nahatirihwakwáhnion né꞉ne ienakwahétta ahónste, né꞉ne washerihiothotarókon tánon nonhowahkó꞉was.

Nehemiah 12:43

Tánon ne wahonterihwathéntsiaʼte ne kowá꞉nen tsi tahatí꞉ieste né꞉tho wenhniserá꞉tekwe tánon wahontonhnarónhnion, tiorì꞉wa tsi Ní꞉io wahsakahón꞉nien nahontonhná꞉ren né꞉ne kowá꞉nen atonhnharáhtshera. Tánon ne konhnón꞉kwe ó꞉ni ne ratitshaʼokón꞉as kwáh nonhné꞉e wahontonhnahrónhnion tánon tsi nihiakoktsenhnónhni ne Jerusalem iahakotónhteʼne ahinonhkó꞉wa niió꞉re.

Psalms 30:1

Kwáh enkonsenhnakaráthate, Ó Saiá꞉ner, asèken ʼI꞉se sestsiatákwen, tánon iáh tesherihwáwi ne hiónkshions nahiontsénhten.

Numbers 7:1

Né wenhniserátehkwe ne Mahís sahá꞉sa wahaʼtosehraʼkétsko tsi nónhwe nihénteron ne Roiá꞉ner, wahaʼrihwanírate tánon wahaʼhiatatéristhe natóhsehra ó꞉ni akwékon tsi niwatsʼthasónhas, ó꞉ni ne ietsienharákwah ó꞉ni akwékon tsi niwatsʼtasónhas.

Numbers 7:11

ne Roiá꞉ner wahawénhase ne Mahís, “Shé꞉rori niatewenhniseráke né꞉ne tèkeni ia-wénhre niwenhnisehráke nikaríwes shaʼtihiatáʼtshons ne sakotiʼhenténhse ienhontkaʼwá꞉nion ne rahonatatawítsheras tsi enkonhwatonhnahérase ne ietsienharákwah.”

Numbers 7:84

Né tkaʼkwéktons ne thoʼthiʼiesthánion ne tékeni-iawénhre niháti sakotihenténhse né nakonwatonhnahérase ne ietsienharákwah kén ní꞉ioht thá꞉nions: tèkeni-iawénhre nikakshákes kawistarákens tánon tékeni-iawénhre nikakshákes kawistarákens ionhtsioharetákwah norihwakwékon né꞉ne ká꞉nonh ne thó꞉wa iá꞉iak niwáhsen nikakonhtsheráke nihiókste tékeni-iawénhre nikákshakes owistanóron né꞉ne ká꞉non ne kaiéri nikakonhtsheráke nihiókste, titkáhere kanethanóron tekeni-iawénhre niháti té꞉ro, tekéni iawénhre niháti teiotinakaronhtónʼas ratítsinn, tánon tèkeni-iawénhre niháti teiotinakaronhtónhas owíras, ó꞉ni í꞉shinónhwe ne onátsias aorihwáke né konhtiʼkwekonhátie, né꞉ne hionhteskonhtáhkwahs tekeni-iawénhre niháti kaiatákeras né꞉ne karihwáneren aorihwáke tewáhsen-kaiéri niháti té꞉ros, ia-iak niwáhsenh niháti teiotinakaronhtónʼa ratítsinns, ia-iak niwáhsenh niháti kaiatákeras, ia-iak niwáhsenh niháti teiotinakaronhtónʼas owíra, né꞉ne skaʼríhwa íken aorihwá꞉ke.

Deuteronomy 20:5

“Ethò꞉ne ne ratisenhnowá꞉nens enshakotiʼthárase ne ronhnónkwe tánon enhonhní꞉ron, ‘Ónhka ken ne rónhkwe kén꞉en í꞉res nónhwak kók rotenonhsón꞉ni, ók iáh arè꞉ko tehatonhnará꞉ni? Tó꞉ka tho ní꞉ioht, ó꞉nenk tsi enshahténti. Tó꞉ka iáh, Tó꞉ka enhonwanonhwarià꞉kon ne tsi waterí꞉io, ónhkak akò꞉ren enkonhwatonʼnahé꞉rase ne tsi ronónhsohte.