Numbers 5:23 - Ohiatonhseratokénti

²³ Ethòne ó꞉nen ne ratsihénstatsi kahiatonhseráke enhaʼhiáton kí꞉ken karewatáhtshera tánon thóh kák꞉sakon enhanóhare ne kaʼnekáksen nahonsonhterá꞉kewe ne kahiáton.

Numbers 5:23 ပူးပေါင်းရင်းမြစ်များ

2 Chronicles 34:24

né kén ní꞉ioht aterihwanothátshera né꞉ne Roiá꞉ner nón꞉we nitsawé꞉non: “Kwáh entré꞉waʼte ne Jerusalem tánon akwé꞉kon nahonkweʼtaʼshón꞉a né꞉ne karewathátshera tsi nikahiá꞉ton ne kahiatonhserákon né꞉ne ronwahwenhnanhó꞉tani ronnontí꞉io.

Job Tánon ne Raoronhiakensera 31:35

Tó꞉ka ne saíá꞉ta khók ahakatahonsáthate? Kén꞉en waʼkatatsénhnare! Aʼnion ne Roshatstenhserowá꞉nen tehakeriwahserákwas! Tánon á꞉nion neh rakeriwáros rahiá꞉ton tsi nihakeriwáros!

Psalms 51:1

Takiténhrat Ó Sewenní꞉io, né tsioianénhaf ne iorihwaʼtó꞉ken sanoronkwátshera; né tsioianénhaf tsi niʼiawetowánen í꞉ken ne sanitenhrá꞉tshera sasehrón꞉ko nakerihwanerahát꞉tshera.

Psalms 51:9

Satarónhtiens akwékon nakerihwaʼnerahát꞉tseras, tánon sasehrón꞉ko akwékon naketerihwatewatónhtshera.

Exodus 17:14

Ethóne ne Roiá꞉ner wahawénhaʼse ne Mahís, “Shiá꞉ton kí꞉ken tsi nahá꞉wenhne kí꞉ken atesenhniéntshera, káti né nahiakerarastákwahʼke. Sró꞉ri ne Joshua tsi kwáh enkhehiáʼtonthe ne Amalekró꞉nons.”

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Numbers 5:22

Aiáwens kí꞉ken onékanos senekwénhtakon niáwe tánon ne akarihónhni naʼsatenekwénto tánon ne sheniʼtshake nahonkʼtóhkerihke.” Ne iónhkwe tsi tenhkarihwasehráko, “Waʼkerihwanónhwene; aiáwenhs ne Roiá꞉ner thóh nihá꞉ier.”

Numbers 5:24

Nohénton narónhnien ne iónkwe nakanekíhra nonèkanos, né tsi nonhtiérek ne enkarihónhni kwáh íken tsi enhionhnonhwaʼtáten,

Acts 3:19

Sasewatatʼréwat, káti, tánon Niióʼne nionsásewe, neh nahónte nahonsahonikónren ne sewariwaneraháktseras. Tho꞉ka thóh nen sewáiere,

Deuteronomy 31:19

“Ó꞉nen, shiá꞉ton kí꞉ken karén꞉na. Sehrihónhnien nonhkweshón꞉as ne Israerʼró꞉nonhke, ne káti ne kwáh thaká꞉taʼne tsi enhiakoriwaní꞉ratse tsi nokwáh ne ronón꞉ha.

Revelation 20:12

Tánon waʼkhé꞉ken ne ronenhé꞉ion, ratisennhowá꞉nens tánon ken nihatisénhnasas, ronhné꞉te ohénton tsi wanitskwaratseró꞉te, tánon ne kahiatonseraó꞉kons ontenhotonkonháton. Shé꞉kon ó꞉ni ó꞉ia kahiatónsera ontenhotónko, né꞉ne kahiatónhsera ne iónhnhe. Tánon ne ronenhé꞉ion wathonwatiiatórehte ne tahioianenhá꞉we tsi nihotiiotenhseró꞉tens, ne tsi nikaiá꞉ton ne kahiatonhserá꞉kons.