Numbers 4:32 - Ohiatonhseratokénti

³² tánon ne kanawahʼáhtes, ne waniʼtskarónhkwas, owastesónhas, tánon nasehrihʼiesónhas ne átstes natenhénrakon ne tehiokwahtaséhton natóhsehra, né tsi niwatsthasónhas nahionhtohsehróten. Satiʼhiatáʼtshions ne ronhnónhkwe enhonwatiʼrihónten nahatíhawe kwáh tó꞉ken tsi nahóten akènhake.

Numbers 4:32 ပူးပေါင်းရင်းမြစ်များ

1 Chronicles 9:29

Né ronátiakes né꞉ne ratiʼnikonhráhraʼkwe ne iotokéntis ronsthákwas, tánon nothèsera, notsítsa ienekiráhtha, iakeniewátha kénhie, kanethanórons, ó꞉ni ne iekwahkonhonstákwas.

Exodus 25:9

Tsiónhni tánon akwékon tsi nihiéiens ne kanónskon sewá꞉ser tsi ní꞉ioht tsi enkwahnatónhase.

Exodus 27:9

“Natohserákon tsi nónhwe níkes né tsiónhniat thakawanátʼthonke ne kwáh waniatarí꞉ios ahonteʼniatharaniʼhiónten. Nentiéne nokwáhti né ioniatharénton 50 niwáhsen niwathatseráke nahiónsonhke,

Exodus 38:17

Tsitʼkonhtírahthe ne kanawahatesónhas né꞉ne tehiotwístaron notsínekwar karístatsi ionhniáton, tánon noniókwahs, ne wateristhorókstha, tánon ne wateroróks꞉tha ne é꞉neken ne kanawahatesónhas kawistaráhken nènhne ionhniáton. Akwékon nonawahatesónhas ne tehiokwahthaséhton né tehionathatienawáhkonhs ne kawistaráhkens karístatsis.

Exodus 38:21

Kènʼen kahiatónhnions tsi níkonh ne karísthatsis wátston tsi nónhwe nihénteron ne Roiá꞉ner, tsi nónhwe ne tekenstenráhke niwateweniéntons né꞉ne tsi nónhwe nikahiatónhnions ne oiéri nihawénhnake. Ne tsi kahiatónhnion Mahís rotenhnáhon tánon né꞉ne Levites ronónhni né꞉ne tsi nihotenhnikonhrahráton ne Ithamar né꞉ne Aaron roiénha né rokháres.

Numbers 3:36

Né ronhwatiʼhiatharaʼkwáhton nahonterihwatsʼtériste nahoʼnikonharaʼshónhas natóhsehra, ne tewatʼrenhwákwas, kanawahʼathaʼshónhas, tsi kárate, tánon tsi niwatsʼthasónhas. Roʼnónha ronaterihwaiénhni ne tahatʼirihwásnieʼne nahonterihwatsʼtériste tsi niwatsʼthasónhas kí꞉kens.

Numbers 3:8

Né enhonʼtenhnikonhráren akwékon tsi niwatsthaʼshónhas natóhsera tánon né ronhterihwaténtsiat tsi naʼtehioʼtonhotsóhon ne roʼnátsiakes NʼIsraerʼró꞉nons.

Numbers 4:31

Ronnónha enhonterihónten nahatíhaʼwe nonikónhara, ne tewatʼrenhwákwas, kanawahʼáhtes, tánon ne waʼtskarónhkwa natóhsehra,

Numbers 4:33

Né kí꞉ken tsi nihotiʼhiotenhsehró꞉tens ne Merari kentáras natohsehrákon íken; tsi ienhatiʼhiákenhwe né enshaʼkororihátie ne Ithamar né roʼní꞉ha né꞉ne Aaron ratsiʼhénstatsi íken.

Numbers 4:49

Kwáh kíʼ shaʼtihiatáʼtsions waʼhonwatiʼsenhnarónhnion tsi kíʼ nihoríhonte ne Roiá꞉ner ne Mahís; tánon tsi nihonáhon ne Roiá꞉ner tsi niʼthó꞉wi ne Mahís, shaʼtihiatáʼtshons ne ronhnónhkwe wahonwatiʼhiotenhsehrawíhon tsi nahotiʼhiotenhseroténhake ó꞉ni tsi nahó꞉ten ahatíhawe.

Numbers 7:1

Né wenhniserátehkwe ne Mahís sahá꞉sa wahaʼtosehraʼkétsko tsi nónhwe nihénteron ne Roiá꞉ner, wahaʼrihwanírate tánon wahaʼhiatatéristhe natóhsehra ó꞉ni akwékon tsi niwatsʼthasónhas, ó꞉ni ne ietsienharákwah ó꞉ni akwékon tsi niwatsʼtasónhas.

Numbers 7:8

tánon kaiéri nikasehrétakes wenhnhí꞉seres tánon shaʼtékon niháti tehotinákares tsionónskwahrons tasakáwen ne Merarites. Akwékon tsi nihotiʼhiotenhsehrótens thóh ní꞉ioht tsi enhotiʼhióten tsi kíʼ nenhsakóhnaʼne ne Ithamar né꞉ne Aaron roiénha.