Numbers 4:12 - Ohiatonhseratokénti

¹² Tánon akwékon ienhatíhaʼwe tsi niwatsʼthasónhas né ronsthákwah tsi nónhwe ne kwáh Tsiotokénti íken, ne tenhatiʼwawenhékʼte norónhia niwasohkóten oniatará꞉a, èhneken entʼthonáti ne kwáh kenhní꞉io, tánon thóh enhatíren ne iehástha onikónhara.

Numbers 4:12 ပူးပေါင်းရင်းမြစ်များ

1 Chronicles 9:28

Né ronátiakes Leviró꞉nons ronónha né ronaterihwaiénhniʼkwe tsi niʼwatsthasónhas náhontsʼte tsi ahonterénhnaien. Enshontkenshé꞉nion kwáh tsi nihiorihwáke nénhonste tánon nónenh enhonsthási.

1 Chronicles 9:29

Né ronátiakes né꞉ne ratiʼnikonhráhraʼkwe ne iotokéntis ronsthákwas, tánon nothèsera, notsítsa ienekiráhtha, iakeniewátha kénhie, kanethanórons, ó꞉ni ne iekwahkonhonstákwas.

2 Chronicles 4:11

Né Huram kwáh ó꞉ni wahatenationhniánion, rahkareniátha, ó꞉ni katsesónhas. Akwé꞉kon niahasahánion tsi nahoténsons rorahratsʼténhni ne Ronnontí꞉io Solomon tsi enronhniánion Nononsatokentiʼkówa aorihwáke: Né tekanawaháthakes Né tékeni katsohwánens í꞉ken nenhwanonhwaróhrokʼte né kanawahathakénhiaʼte Né karáston ne tekanonhwaiehwénkton noronhkwáhsa ne skát꞉tions tsi iononwaró꞉rons Né 400 níkons notsínekwar karístatsis ne wéso iotenénha tehiotiháhake tsi ní꞉ioht tsi kakwahtákwen tsi naʼtehiokwahtaséhton tsi karasthánion ne skát꞉tions tsi iononhwaróron. Noiéri nikaserétakes Noiéri nikát꞉sakes iontsoharethákwahs Nontaʼkówa Né tekeniʼiawénhre níkons ne tionónskwahrons ratítsinn né iotsenawástons nontakówa Nontaksónhas, rahkareniáthas, tánon ne teionathó꞉kens Né Huram né rahnenhrakweʼní꞉io ne karístatsis rotihióte akwékon né kí꞉ken wahonhnonhniánions ne tekastaratʼthétons otsínekwar karístatsis, tsi nihnihotenhnáhons ne Ronnontí꞉io Solomon, né nahónstonhke ne raoʼnonsatokentiʼkówaʼne ne Roiá꞉ner.

2 Chronicles 4:19

Né Ronontí꞉io Solomon kwáh ó꞉ni owistanóronh nahóten waronhniáhnion tsi niʼiéhiens ne kanónskon nononsatokentiʼkówaʼne: ne ietsienharáhkwah tánon ne atekwahrasónhas tsi nón꞉we nihatihérah ne kanátaro nenhonwátatʼtse ne Rawenni꞉io;

2 Chronicles 4:22

né kaháseras waswathákwa, nakerasónhas, ne watetsaráhkwa ne kanetanóron, ó꞉ni nontaksónhas ne ronsthákwah nahonswenhtakareri. Akwékons kíʼ nahoténhsons né꞉ne kwáh aóskon owistanórons ionhniáton. Né ástste watenonhanihiontákwa nononsatokentiʼkówaʼne tánon nástste nòkwahti waʼtenonhanihionthákwah tsi nón꞉we ne kwáh iotokénti í꞉ken né꞉ne karohrókston nowistanóron.

Exodus 25:5

ne teiotinakaronhtón꞉ʼa rátsinn raoʼnhéhonk onekwéntara ahonthashó꞉honhke; né꞉ne kwáh ionétska kanhewí꞉io; né kwáh kaientanó꞉ron acacia;

Exodus 25:9

Tsiónhni tánon akwékon tsi nihiéiens ne kanónskon sewá꞉ser tsi ní꞉ioht tsi enkwahnatónhase.

Exodus 31:10

ne iókwatst rothikháres rahonatierónhniat né꞉ne Aaron tánon ne sakohiohʼokónhas náhonsthe nónen enhothihióten tsi rothikháres,

Numbers 3:8

Né enhonʼtenhnikonhráren akwékon tsi niwatsthaʼshónhas natóhsera tánon né ronhterihwaténtsiat tsi naʼtehioʼtonhotsóhon ne roʼnátsiakes NʼIsraerʼró꞉nons.

Numbers 4:11

Nó꞉ia né nónhwa enshaʼtiróroksʼte norónhia niwasohkóten oniatará꞉ha ne owistanó꞉ron íken ientsienharákwah, é꞉neken enthohnáti ne kwáh kenhní꞉io nahonteróroks꞉te, tánon ethòne enhatiʼnakarorók꞉khon nahontsiónhthaʼkwe.

Numbers 4:13

Ónenk tsi enhatirákewe ne tehioteiénonhte wakenrontákwen ne ietsienharákwahke tánon èhneken enthonáti narihwakonhné꞉ha niwasohkó꞉ten oniatará꞉a nahonteróroksʼte.

Numbers 4:6

Ónenk tsi né꞉ne kwáh kenhní꞉io èhneken enthonáti né enwaterórokste, tánon èhneken thenthonáti ne kwáh tetsiosohʼkwáhkaras norón꞉hia niwasohkóten oniataʼrá꞉a, tánon ethòne enhonʼnhorókʼkhons ne kanakaresónhas ne tsi ioshióntons né skaʼtísons nokwáhti né nahonʼtsiónhthakwe nonerókwa.

Numbers 4:7

Tánon naʼthekwahráne orón꞉hia niwaniataró꞉ten enhatiʼróroksʼte né tsi kanátaro entʼthónhnion ne Roiá꞉ner tánon akerát꞉ne enhatirónʼhnion, ne kanetanóron waʼterákwas, ne iewistaʼrohrókstha, tánon ne katsheʼsónhas notsítsias watʼnekarákwas. Kwáh kíʼ tiókonhte ne kanátaro tsi atekwahráne enhkárake.

Numbers 4:9

Ónenk tsi orónhia niwasohkóten oniataráha enhatiʼróroksʼte ne waʼthasehraniʼionhtákwah, tá꞉non nahoʼhasehrasónhas, tánon ne teietsiroʼraráksʼtha, né wathaʼkenhronʼtáhkwen, tánon akwékon ne iakeniewátha kènhies waterákwas.