Numbers 35:25 - Ohiatonhseratokénti

²⁵ Né khók ensewánhike ne sewaterihwatewáʼthon íken, tánon ne ienákere entietshiniákenhte tsi nó꞉kwah ne iakawenhéhion ronhtátenonhkwe, tánon tsitʼkanatowánen nenhtsetsiʼiaténhawe tsi nónhwe iesewaniakenʼne. Tánon thóh nónhwe iensewaná꞉kereʼke tsi nióre ienhrénheʼie ne kwáh é꞉neken thótʼthe ratsihénstatsi íken.

Numbers 35:25 ပူးပေါင်းရင်းမြစ်များ

2 Samuel 14:14

Ónenk tsi tewakwé꞉kon entewénheʼie; kwáh thóh nitewahiatóten tsi ní꞉iot niʼionekaweronhtáon ohontsá꞉ke, tsi iáh thahón꞉ton nahonshaienekaróroke. Ók ne Ní꞉io kwáh iáh éhren tahahá꞉wite natónnhets; ne raónha kwáh enhatenikonrónhni káti tó꞉sa ne átste iehonwatiʼiatónhtion ne iahontkóntakwe tsi éhren ahónhnete ne raohén꞉ton.

Exodus 29:7

Ethòne tések ne hionthatiatoʼkástha kènhie, tánon ranonhtsíne tasáweron, tánon tieʼriwanírats.

Leviticus 21:10

“Ne Ratsihenstowánen ne rohiathatokenhtíston tsi kénhie tewá꞉weron ne ranonhtsíne tánon tsi rohiathatokenhtíhon né kíʼ enhatʼtserónhniaʼte ne ratitsihénsthatsis rahonatʼtserónhnias, né káti aoríhwa iáh kíʼ thahónton nahaniskwahráko né iáh thaʼhotkorothíhen khés naharátion ne rahotserónhnia né naréneste tsi ahotsiónhnionʼke.

Leviticus 4:3

Tó꞉ka né꞉ne kwáh éhʼneken tót꞉the ratsihénsthatsi wahariwánerake tánon taháhaʼwe nashakorihwároh nonhkweshón꞉as, ónenk tsi ienhót꞉kaʼwe ken nithohiónha tionhnónskwahron rátsinn né꞉ne iáh othènen tehotsihióha tánon ne enhoteskónhten rahohénton ne Roiá꞉ner né tsi rorihwanerenhákskon.

Leviticus 8:12

Káti wahorihwaníratʼtse ne Aaron tsi tahá꞉weronh ne sakoienarós꞉tha kénhie ne ranonhtsíne.

Numbers 35:24

Né thóh ní꞉ioht ne ienákere tsi tenhatiʼhiatórete í꞉se kíʼ entietshiʼrihwahwá꞉se tánon iáh tahonthahiontateríhwaʼwahse ne iakawenhéion ronhtátenonhkwe tsi nikáien ronhnésaks nahonsahatikáriaʼke.

Numbers 35:26

Tó꞉ka é꞉renh énsewete ne tsi kanatowanénke ne ionhtasehtáhkwa tsi nónhwe ieʼsewaniakénhʼen

Numbers 35:28

Ónhka tsi ní꞉tson ne sewanhíkon ne sewaterihwatewáthon ónenk kíʼ tsi kanatowanénke ensewenhterónhtaʼke tsi nióre ienrénhe꞉ie ne Ratsihenstowánen íken, ethóne enwáton nahonhsehsewaténti.

Joshua 20:6

Ó꞉nenk tsi thóh ensiterónhthake ne tsi kanatowanénhke tsi nió꞉re ne onhkwè꞉ne nón꞉we teniesahiató꞉rethe tánon tsík enrénheie ne rónhkwe né꞉ne Ratsihenstowá꞉nen í꞉ken ne nenhkahá꞉wike. Ethò꞉ne kik enwá꞉ton nahonshasaténhti ne tsi tisanatowá꞉nenhke niahonshá꞉se, né꞉ne tsi nón꞉we teshatékwen.”