Numbers 35:19 - Ohiatonhseratokénti

¹⁹ Né ronenhé꞉ion né kwáh ákta ronhtátenonhkwe né kíʼ rohnaterihwaién꞉ni né shaʼkoséhton nahonhwanonhwariákon. Nónen entsisewahiatatʼtsénhri, ónenk kíʼ tsi enhtsiʼsewahnonhwariákon.

Numbers 35:19 ပူးပေါင်းရင်းမြစ်များ

Genesis 4:14

Nón꞉wa wenhniseráte é꞉ren wahstiaʼtenhá꞉wihte nokenrake, ó꞉ni waskatkonsashéhten; kwáh kí enwakeʼnatenhawíson tánon enkonhontsaié꞉sha, tánon nónhka tahiatsiatát꞉ken nonhtierek enhionkenonhwariakhon.”

2 Samuel 14:11

Ehʼthóhʼne wakénron, “Ahsatthóntate, iasaterénhnaien rahonhá꞉ke ne Roiá꞉ner Saní꞉io, káti nètho nahonsahatiʼkárhiatʼte nonewénhsa nahónton tó꞉sa shé꞉kon ahonshasakotiʼnonwarhiákhon, tánon ne riʼiénha tó꞉sa ahonwáthonʼte,” Wahén꞉ron ne ronnontí꞉io, “Tsi nirónnhe ne Roiá꞉ner, iáh ne skanonkwísera ne tsién꞉a raonónhkwis tsiakaién꞉tane nonhontsá꞉ke.”

2 Samuel 14:7

Ó꞉nenh kawatsiraʼkwé꞉kon takonwatiatónhti ne sanhátsera. Rónton, ‘Tatʼtsiátkaf ne tsiénha ne roʼién꞉ton iatatekénʼa, káti ne nahónton ahonwanonwarhiákhon neh tsi roʼnonwarhiákon ne iatatekénʼa, iekaníhare tó꞉ka asakwátonte ne raienásere ne kaientátsera ó꞉ni.’ Tsiakariwakénhniaʼte ne roʼnón꞉ha enhonteniathanáweste.”

2 Samuel 3:27

Nó꞉nen ne Abner shionsáre ne Hebron, ne Joab wahotsathatískwahte tsi nieiawénon ne iotenhenrakáronte ne tahnithára rahonwá꞉khok, tánon thóh nón꞉we nahó꞉hase ranekwéntahke. Káti warénheʼie tsi nahanékwah neh káti iatonhsáneke ne raonekwénhsa ne Asahel, ne ne Joab iathatekenhkénʼen.

2 Samuel 3:30

Káti ne Joab tánon ne iatahtekénʼha Abishai wahonwásehte ne Abner tsioríhwa tsi raón꞉ha rononwarhiá꞉khon ne rontahtekénʼha Asahel ne tsi waterí꞉iokwe ne Gibeon nón꞉we.

Numbers 35:12

Thóh nónhwe kwáh ensewatiaʼtanónsthaʼte né ronenhéion rahotiwátsires né ronhnésaks nahonsahatikáriaʼke. Iáh ónhka ne tsakoterihwatewá꞉ton tahʼiontatenonhwariákon né iáh tsi ionhkwéne nónhwe thaʼtehionhtatiaʼtoréton.

Numbers 35:20

“Tó꞉ka ónhkak ietsísons tánon wahetsinonhwariákon tsi wahetsiʼhiatiénenhte khès ne knahótenk wahetshíʼienhte

Numbers 35:21

khès ne wahetshikónhreke, wesehwánhike kíʼ nathataséhton íken tánon ónenk tsi entsiʼen tsinonhwariákon níse. Né iakawenhé꞉ion ne kwáh ákta ronhtátenonhkwe né kíʼ ronaterihwaiénhni nahonshaʼhonwanonhwariákon ne shakoséhton. Nó꞉nen entsiʼsewahiatatʼtsénhri ónenk kíʼ tsi i꞉se enhtsiʼsewanonhwariákon.

Numbers 35:24

Né thóh ní꞉ioht ne ienákere tsi tenhatiʼhiatórete í꞉se kíʼ entietshiʼrihwahwá꞉se tánon iáh tahonthahiontateríhwaʼwahse ne iakawenhéion ronhtátenonhkwe tsi nikáien ronhnésaks nahonsahatikáriaʼke.

Numbers 35:27

tánon tó꞉ka ne iakawenhé꞉ion ronhtáʼtenonhkwe enietʼtshiʼhiatatsénhri tánon enietʼtshinonhwariákon, tsi nahatí꞉iere tsi sahatiʼkáriake iáh nènhne athataséhton tèken.

Deuteronomy 19:12

Tsi thóh nikarihò꞉ten, ne ietsihéntenhse ne sewanatá꞉kons ahontaiesenhnónhksa tánon iahiesatsaʼkwaríshi tsi nokwáh ne raotiwá꞉tsire ne ronateriwaiénhni nahonshahatikharià꞉ke ne sewateriwatewáton, ne káti nahónton naieshanonhwarià꞉kon.

Deuteronomy 19:6

Tó꞉ka shí꞉ken skanátak kók akénhake, ne kwáh ken nió꞉re ahontakénhake nonhtié꞉renk shó꞉tsi ahí꞉non nió꞉re akénhake, tánon ne ronhtaténonhs tsi niká꞉ien ronaterihwaiénhni nahonsahatikharià꞉ke ne sewateriwateʼwáthon nonhtié꞉renk enhiesaié꞉na tánon kanakwatsherá꞉kon tsi enshakotinonwarià꞉kon ne iáh othé꞉nnen tehiakonʼníkonh. Kwáh ki ó꞉ni, iáh tesaʼnikonhrón꞉ni tsi ónhkak wasenonhwarià꞉kon né꞉ne iáh tatetsaténtsons.

Joshua 20:3

Tó꞉ka ónhka tsi nítson iáh tahisewaʼnikonhrón꞉ni ónhkak aieʼtsinonhwarià꞉kon, enwá꞉ton ne nón꞉we niahísewe tánon natsisewaniá꞉kenhse tsi niká꞉ien ne rateshenhnanón꞉waks nahonsahakáriaʼke.

Joshua 20:5

Tó꞉ka tsi niká꞉ien ne ratesenhnanónhwaks nahonsahakáriaʼke tánon thóh nón꞉we nienhiásehre, nonhkweshón꞉as ne tsi kanatowanénhke iáh tehiówenk niaieshatiaʼkwaríhsi ne rahonhà꞉ke. Ó꞉nenk tsi entiesá꞉ne tiorì꞉wa tsi iáh teshaʼnikonhrón꞉ni tsi wasehnonhwarià꞉kon tánon iáh kanakwahtsherá꞉kon tsi thóh teiawénhen.

Judges 8:19

Ne Gideon wahénron, “Í꞉i thí꞉ken iakwahtatekenhokónhasʼkwe, né꞉ne kwáh akenisténha ronhwatihiohokónhaskwe. Kwáh kerihwanírats tó꞉ka iáh tahietʼtsinonhwariákonhke, iáh kíʼ nónh ní꞉i takwahnonhwarhiákon.”