Numbers 34:3 - Ohiatonhseratokénti

³ Nenhtiéne nokwáhti nienhénwe thóh tenhtewaténhti ne karakonhkó꞉wa ne Zin nónhwe enhiósehre tsi karistatátie ne Edom. Thóh entewatáhsawenh tsi tkarakwínekens nokwáhti né꞉ne entiéne tsi iehiótʼte ne Dead Sea.

Numbers 34:3 ပူးပေါင်းရင်းမြစ်များ

Genesis 14:3

Tánon ratikwé꞉kon kí꞉ken iaʼthonnitióhkwaiehste ne raononkweʼtashón꞉ʼa ne ronterí꞉iohs, tho aonhráhkwakon ne Siddim (né꞉ne, Dead Sea).

Exodus 23:31

Kwáh enkónhni ne tsi karisthatátie ne tionhontsákes ne iahónwe tsi tkanéksker ne Aqaba tsi nióre ne Mediterranean Kaniatarakheʼkówa ó꞉ni ne kahentakeʼkówane tsi nióre ne Euphrates Kaniatarahtátie. Entkónhion ne kashatsténsera nashehiatsiathakweníʼiosthe ne rahthinákere né nón nihionʼhóntsaien, tánon kwáh enshehiatínekenhwe tsi nienhénse.

Ezekiel 47:13

Ne Ronhnontí꞉io Roiá꞉ner wahénron, “Né kí꞉ken tsi karisthatátie nonhóntsa né꞉ne tenkahiákhonke ne tékeni iawénhre nihotitárahke raotiriwáhke, né raothá꞉ra ne Só꞉se tékeni tehiokwénhrahre enhatihiéna.

Ezekiel 47:8

Wahakénhase, “Ki꞉ken onèka thóh nieiawénon tsi tiohontsáien ne tsitʼkarahkwínekens nokwáhti tánon thóh nietsawénon ne Jordan ahonráhkwahkon tánon ne Dead Sea. Nónenh thóh niénwe ne Dead Sea, né teskaténies ne tehionekahiótsis nètho kaniatarahkhekówa né kanekí꞉io.

Numbers 13:21

Káti ne ronhnónhkwe othorèke niahónhne tánon iahonthonhontsiátʼkense ne karahkonhkówa nokwáhti ne Zin né꞉ne entiéne kwáh tsi níó꞉re ne Rehob, ákta ne Hamath Iotohetstáhkwen nothó꞉reke nokwáhti.

Joshua 1:4

Ne tsi sewateristatátie iénwahwe ne tsi tsotáshawe ne iahonwentsathènhken né꞉ne entiè꞉ne nokwá꞉ti ne tsi ionhnontaʼrón꞉nions ne Lebanon né꞉ne othorè꞉ke nón꞉we; thóh entewatáshawen ne Kaniatarohwanénhke ne Euphrates né꞉ne tsitkaraʼkwí꞉nekens nón꞉we, iatenhiótkaʼwe tsi kanakerahserá꞉ien ne Hitró꞉non, thóh niénhsewe né꞉ne Mediterranean Kaniatarakeʼkó꞉wa né꞉ne tsi iaʼtewatshénthos nón꞉we.

Joshua 3:16

nonékanos ontkà꞉we tsi watnekí꞉ne tánon waʼkaweʼnhó꞉ton, kwáh tsi nió꞉re ne Á꞉tonion꞉ke, né꞉ne kanatowanèn꞉ke ákta ne Zarethan. Ne tsi niehiotnekí꞉non ne Dead Sea kwáh nénhne hiotnekénston, tánon nonhkweshón꞉a ónhton watahathihiáiake ákta ne Jericho.