Numbers 32:33 - Ohiatonhseratokénti

³³ Káti ne Mahís thaʼshakáwenh ne raotiʼtiókwa ne Gad tánon ne Reuben tánon asénhnon ne raotiʼtiókwa ne Manasseh kanakerasehrakwékon ne Ronhnonhtí꞉io Sihon rahonakerásehra né꞉ne Amorʼró꞉nons tánon ne Ronhnonhtí꞉io Og né꞉ne Bashan nónhwe, ehʼhí꞉kare ne kanataiéntons ó꞉ni naktóntsies kanakerasehráiens.

Numbers 32:33 ပူးပေါင်းရင်းမြစ်များ

1 Chronicles 26:32

Né Ronnontí꞉iokwe Táwit washakoiataráhko tewáhsen-tsáta tehonnénhniaʼwe né kwáh í꞉ken tsi ionhkweʼtí꞉ioskwe nohénton iehonhnétonhkwe tsi ratiwatsírahiens ne Jeriah ronhthátenonʼkwe tánon ronónha washakorihónten nahonterihwatsʼtérisʼte norihwasón꞉has akwé꞉kon ne karihwiʼiostónhtsheras ó꞉ni nónh꞉kwe akorihwasónhas Nisraeʼró꞉nonke né꞉ne tsitkarahkwínekens nòkwahti ne Jordan Kaniataratátie—né꞉ne tsi kanakerahseráien ne Reuben, Gad, tánon ne Tsitkarahkwínekens nòkwahti ne Manasseh.

1 Chronicles 5:18

Né tsi ratiʼtsiókwahien ne Reuben, Gad, tánon ne Tsit-karakwínekens Nòkwahti ne Manasseh 44,760 nihá꞉tiʼkwe ne ronterí꞉ios, né kwáh karihonhniénhni náhonste ne tekaniatástha, asareʼkó꞉wa, tánon naʼén꞉nas.

Numbers 32:1

Né rahotiʼtsiókwahs ne Reuben tánon ne Gad wèso ronhtiʼnaskwahiénthakwe. Nónen shahiatʼkátho tsi nenhiotihiaʼnerásten ne khontiʼtshénenhs ne tsi ionhontsáien ne Jazer tánon ne Gilead,

Numbers 32:32

Tsi rahónha thoniarótharon kwáh tsi ienhiakwahthonhontsórenhne ne Canaan tánon ateriioseráke nienhiákwe, né káti nahónton nahionhkwatienawasthónhake nonhkwahientátsheras ne kénʼen nónhwe ne tsitʼkarakwínekens nokwáhti ne Jordan.”

Numbers 34:14

Né rahotiʼtiókwas ne Reuben tánon ne Gad tánon ne tsitʼkarakwínekens nokwáhti asénhnon ne Manasseh rotiʼienáhon ne rahotiʼienhtátshera, tekahiakhónhnion né tiohianénha tsi nihatiʼwatsírakes,

Numbers 34:15

né tsitʼkarakwínekens nokwáhti ne Jordan, tehiotiná꞉ta ne Jericho.”

Deuteronomy 29:8

wetewatié꞉nawatste ne rahononhóntsas, tánon wahithihiakhónhase ne tsi ratiʼtaraiéntons ne Reuben ó꞉ni ne Gad, tánon ne satekanenhrí꞉hen ne Manasseh.

Joshua 12:1

Nonhkweshón꞉as Nisraerʼró꞉nonhke ó꞉nenk rotiienàhon ó꞉ni ronatiaʼthakweniióston nonhóntsa ne tsitkarahkwí꞉nekens nokwá꞉ti ne Jordan, tsi nió꞉re ne Arnon ahonráhkwakon tsi nieiawé꞉non ne Jordan ahonráhkwakon tánon tsi nió꞉re nothorè꞉ke tionónhte Hermon. Tekanontiiotsérake wahonwatisén꞉ni ne nón꞉we.

Joshua 12:6

Kí꞉ken teninonhtiiotsherá꞉ke né꞉ne Mahís ó꞉ni nonhkweshón꞉ʼas Nisraerʼró꞉nonhke ronhwathisénhnion. Mahís né꞉ne Roiá꞉ner rahonhátshera, ne rahononhóntsa ne thashaká꞉wen ne tsi ratiʼthá꞉raien ne Reuben ó꞉ni ne Gad tánon ne satehothitiokwí꞉hen ne Manasseh, né꞉ne ronónha ahontié꞉nawatste.

Joshua 14:3

Ne Mahís ó꞉nenk nénhne teshakowí꞉hon nonhóntsas ne tehotitióhkwakes tsiatesewasénhnon ne tsitʼkarahkwí꞉nekens nokwá꞉ti ne Jordan. (Ne tsi nitotwatsiríhnon ne Só꞉se tehothinenratʼkháshion tekentióhkwake iehonathónhon: né꞉ne Manasseh tánon ne Ephraim.) Ethosà꞉ne, ne Mahís iáh nénhʼne thén꞉en theteshakó꞉wi ne Levites nasakorakwén꞉ni ne kanakeráhsera. Khé꞉kok, ne wahatiié꞉na ne tsi kanatowá꞉nens nón꞉we nahathiʼterón꞉take, tánon ó꞉ni ne kahenthá꞉kes ne nénhne ne rahotiʼtshenenhó꞉kons akonwatiʼteronhthákwake.

Joshua 22:4

Ó꞉nen ki, tsi ki nihorahrátstons, ne Roiá꞉ner Sewaní꞉io thashaká꞉wen ne ronátiaʼkes Nisraerʼró꞉nons ne skén꞉non. Káti wás thóh nionhsásewe ne tsi tionhontsá꞉ien tsi niká꞉ien ne sewá꞉ton í꞉se sewáwenk, ne tsi ionhontsá꞉ien ne nà꞉kon nòkwah ne Jordan, né꞉tho Mahís, ne Roiá꞉ner rahonhátshera, thetsisewá꞉wi.

1 Samuel 13:7

Otiá꞉kes ne Hebrews iatatiʼiáiaʼke ne Jordan kaniaʼtaratátie thóh niahónhne tsi tiohontsáien ne Gad tánon Gilead. Ne Saul shékon nén꞉en neʼe Gilgal nón꞉we níresʼkwe, tánon ratikwé꞉kon nonkweʼókons ronwanonterátieʼne rotiʼiatishónkwaʼne.