Numbers 32:23 - Ohiatonhseratokénti

²³ Ók kíʼ tó꞉ka iáh thaʼhisewatiénawasthe tsi nisehwararátston, Waʼkwahronhkáten kíʼ tsi ensewarihwánerake tsi nòkwah ne Roiá꞉ner. Kwáh tó꞉sa ó꞉ia ní꞉ioht tsi sewanontónhnionf; ensehwatréwate ne sewarihwaneraháktshera.

Numbers 32:23 ပူးပေါင်းရင်းမြစ်များ

Genesis 13:13

Néʼthó nón꞉we ne Sodom nonkwehshón꞉ʼa kwáh í꞉ken tsi ronnonkweʼtahétkens, ó꞉ni iorihowá꞉nen rotiriwáneren tsi nonkwá ne Roiá꞉ner.

Genesis 4:7

Tókaʼ aontesaierí꞉tonke, iáh ken takonienenke? Tánon tó꞉ka iáh tahontaserihwaiérite, karihwanéren ioniʼtsonhkón꞉ni ne kaʼnhohát꞉ta; í꞉se kí saskáneks, ók ónenk tsi ensatiaʼtakweʼní꞉iohste.”

Genesis 44:16

Tánon ne Judah wahén꞉ron, “Nahó꞉ten aiakwakwé꞉ni ahshakwahró꞉ri ne atiá꞉nehr? Nahó꞉ten aiakwakwé꞉ni aiakwèn꞉ron? Oh ní꞉ioht tsi aiakwarihwahní꞉rate tsi iáh teionkwahnhí꞉kon? Rawenni꞉io waharihwahtshén꞉ri tsi nihotihnhí꞉kon ne sahnhaʼtsheraʼó꞉konʼs; kenʼ katíʼ iákweʼs, ne natiá꞉nehr raohnhaʼtsheraʼshón꞉ʼahs, nonkwátiaʼke tánon tsi niká꞉ien ne rahá꞉wahkwe ne teionthnekontáhkhwa ne wahonwatshénriaʼse.”

2 Samuel 3:39

Ónhwa wenhniseráte iáh othènon teshewaʼkeshastsʼtenhseráien, iawerohátien tsi iontsatahrá꞉kwen wakenontí꞉io; kíʼ ronnónkwe, ne sakoiohʼokónʼahs ne Zeruiah, shó꞉tsi ronhnonkwetáksen nakerihwáke. Ne Roiá꞉ner shesakokárhiaks tsi niká꞉ien ne thóh nenhá꞉iere ne kariwahetkénsera ne tsioianénhaf tsi nironkwetahétken!”

1 Kings 2:32

Ne Roiá꞉ner kwáh enhoréwaʼthe ne Joab nètho sewaterihwaʼthewáthons, tsi ehʼnihoiéren né tsi kwáh iáh othènen tehoteriénhtaraʼkwe ne rakeʼníha. Ne Joab tenihiáse tenón꞉kwe sakononhwarhiákon né꞉ne Abner, né rasenhnowanénhne ne Israerʼró꞉nons ahonkwetaʼsónha ne sóh꞉tar, tánon ne Amasa, né nènhne ne Judah ahonkwetakénʼen ne rasenhnowanènhne tsi nòkwah ne ratisóh꞉tar. Kwáh iáh othènen tehotiníkon tánon sénha roʼnónha tionhkwetaʼiérisʼkwe tsi ní꞉ioht ne rahónha:

1 Kings 2:33

Né karewathátsera ne sewaterihwaʼtewáthon rahónha enhó꞉raʼne tánon tsi nienhatwatsiríne né꞉ne tsi nénhwe enkénhake. Ók ne Roiá꞉ner kwáh kíʼ nènhʼne tiókonhte tsi enteshakáwen nahotihianerásthen ne Táwit rahowátsires nenhónhtsen ne rahonitskwáhraʼne.”

Psalms 139:11

Tó꞉ka akíron, “Oriwiʼiohónwe ne tetsiókaras tsi entewakeróhroʼke, tánon ne teioswátʼthe ne tsiatatʼthóntie asontʼthénhne iahónton,”

Psalms 140:11

Tó꞉sa satónhtat ne iakenhnasát꞉sen naʼiakoianerenhseraiénhtake tsi ionhwenhtsáte; sathón꞉tat ne karihwahét꞉ken iostorekéha tsi ahiakotórahte ne ratinikonrahét꞉kens!

Psalms 90:8

Sahénton wáʼshien nonkwahrihwanerahák꞉tshera, Iáh nék khók tsi takwáhkens nó꞉nen enhiakwarihwánerake, kwáh kíʼ ó꞉ni takwáhkens nó꞉nen ne ioterihwaʼsétonʼke nón꞉we nenhiakwarihwáʼnerake.

Proverbs 13:21

Kaʼnikonhrharáhtshera rotíhnonhteratseʼs ne rotirihwanéren tsik nón꞉we nienhón꞉ne, nok ne thotirihwaié꞉ri tenhonaterihwaʼserákwahse tsi nahò꞉ten ioianeré꞉shon.

Proverbs 24:16

Iáh oʼthé꞉nen tewatsterístha tho niiotká꞉te ne thonnonkweʼtaié꞉ri tahatiʼnióhskenʼne, tiótkon tenhshatí꞉taʼne; nok ne iáh tethotirihwaié꞉ri enhontkarón꞉ni tókaʼ ó꞉ni enhontatáhtonʼte.

Proverbs 5:22

Rotirihwanéren raotiioʼténhsera tho ní꞉ioht tsi ní꞉ioht ne waterístaien. Ne iohontiá꞉tenhke tsi rotirihwanéren.

Isaiah 3:11

Enshontateriwásten ne rotiníkon! Tsioríwa oriwiioʼónwe tsi enwahekʼkénhake ne raotiʼriwàke, asèken ne ne ratitsanáke tsi nihioioténhen.

Isaiah 59:12

Asèken nonkwaterihwatewaʼtónhtshera ne sahénton tsi niʼiaweʼtowáhne, ó꞉ni nonkwahrihwaʼneraháktsheras né karihwanírats ionkwatʼkónte nontionhá꞉ke. Nonwaterihwaʼtewatón꞉tshera kwáh í꞉ken tsi iakwahkwékon, tánon iakwahriwaʼhientéri nonkwarihwaʼneraháktsheras:

Jonah 1:7

Waʼthontaténhase ne ratihonweiaʼkehró꞉nons, “Hánio tewaʼwahstóhtsi tánon entewarihwahtsén꞉ri ónhka akorí꞉wa tsi naonkwateraʼskwáksenʼne.” Eʼtho káti nahatí꞉iere, tánon Jonah raóʼwahste wahonnó꞉tsi.

Romans 2:9

Enkaiéntake neh karonhiakénsera ó꞉ni ne kanonwakténtsera tsi niháti neh꞉ne enhotihióte ne kariwáksen, Nehʼne Sitaeró꞉nons entatihénte tánon ó꞉ni neh iáh tehatisitaerónons.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

Joshua 7:18

Ethò꞉ne ki ne Zabdi raowá꞉tsire ákta niashakohiaʼténhawe, sathihiataʼtsions, tánon ne Achan, ne roiénha ne Carmi ó꞉ni ne roteréha ne Zabdi, ne wahonwathihiaʼtará꞉ko.