Numbers 32:1 - Ohiatonhseratokénti

¹ Né rahotiʼtsiókwahs ne Reuben tánon ne Gad wèso ronhtiʼnaskwahiénthakwe. Nónen shahiatʼkátho tsi nenhiotihiaʼnerásten ne khontiʼtshénenhs ne tsi ionhontsáien ne Jazer tánon ne Gilead,

Numbers 32:1 ပူးပေါင်းရင်းမြစ်များ

Genesis 13:2

Ó꞉nenh kíʼ ne Abram kwáh í꞉ken tsi rokwahtshé꞉hon tsi nonkwá ne kontitshé꞉nenʼs, ó꞉ni ne kahwistarà꞉ken, tánon nohwistanoronʼshón꞉ʼa.

Genesis 13:5

Tánon ne Lot, tsi Abram roné꞉non, ráonha ó꞉ni, ronahskwaién꞉tahkwe ne teiotinaʼkarontón꞉ʼa tánon kaiaʼtákeras, ó꞉ni tiohnhónskwahronʼs tánon naʼtohseraʼshón꞉ʼas.

Genesis 29:32

Leah iowiraientá꞉sere tánon roskenʼrakéhte ne wahonákeratste, tánon Reuben wahoná꞉tonhkwe, “Aseʼkénh,” wakén꞉ron, “Tiorí꞉wa ne Roiá꞉ner rotkáhton nakeʼnikonhranonhwáktshera; orihwiioʼón꞉we tsi ó꞉nen ne teiakení꞉teron enhakenó꞉ronhkwe.”

Genesis 47:4

Wahonwènhahse ne Pharaoh, “Taiákwe kén꞉ʼen nón꞉we nikanakerahserá꞉ien naiakwenʼterón꞉take ne ne kenʼk nakarihwé꞉sonke; aseʼkénh iáh oh thén꞉nen tetsotekhón꞉ni ne tsi shakotiʼterontáhkhwa ne raotitshenenʼó꞉konʼs ne sahnhaʼtsheraʼó꞉konʼs ne tsi wateʼenhrowanén꞉ke tiorí꞉wa natonhkariá꞉kon tsi naʼteiotenonhianíhton ne tsi tionhontsá꞉ien ne Canaan. Ó꞉nen kiʼ kwariʼwanontón꞉nis, sheríhon ne sahnhaʼtsheraʼó꞉konʼs nahontená꞉taien ne tsi ionhontsá꞉ien ne Goshen.”

2 Samuel 24:5

Iathatiʼiá꞉iake ne Jordan kaniataratátsie thóh iahonthatoserotónhnion ne Aroer entiéne nòkwah ne Aroer tánon ne thóh kanatowanénhke ne kwáh asénhnon nón꞉we níken nahonrá꞉kwakon, tsi nieiawénon ne Gad ó꞉ni tsi nieiawénon ne Jazer.

2 Samuel 24:6

Ehʼthóhʼne iahónhnewe ne Gilead, tánon ne Kadesh thóh tsi ronahtonhontsá꞉ien ne Hitró꞉nons; ó꞉ni iahónhnewe ne Danʼke, tánon thóh tontahonténhti Danʼke iathonkwatáse ne Sidon,

1 Chronicles 4:41

Né shiʼkaháwiʼkwe ne Ronnontí꞉ioʼkwe Hezekiah né Judahró꞉non, né é꞉neken ratiʼsenhnarónnions ne ronhnónkwes Gerar niahónhne tánon wahatiʼrihwentʼthóseron ne wathoseró꞉tonhkwe ó꞉ni ne waskwahkenhreʼrónhnions né nón꞉we nihatiʼterónhtaʼkwe nonhkweʼshón꞉as Wahonwatiʼhiatinekénhsehron nonkweʼshón꞉as né nón꞉we tánon thóh nón꞉we iahatikónhtaʼkwe tsi wahontenátaien tsioríhwa tsi niʼiawetatʼtsani né nón꞉we niwatenhenraiéntaʼkwe ne konhwatíteron ne raotiʼtshenhnenhókons teiotinakaronhtónʼa.

Exodus 12:38

Shé꞉kon kanenroʼwáhnen òtsiakes nonhkweshón꞉ʼas ó꞉ni teiotinakaronton꞉ʼa, kahiatákeras, ó꞉ni tionhnónskwahrons skátke rónhne.

Jeremiah 22:6

“Ne hiatetsiáti, ne Judah tsi rotiʼnónhsohte ne kanonhtiʼiótshera tsi kwáh eh niʼwatkathotsherí꞉io tsi kíʼ ní꞉ioht tsi ionwenhtsiáien ne Gilead ó꞉ni tsi Iononhtahrónnions ne Lebanon; ók né kíʼ enkónhniaʼte ne iáh othènen tahonsahkariwasthátonʼke tsi nónhwe ne iáh ónhka tahienákerehke.

Jeremiah 48:32

Tiónkwe ne Sibmah nónhwe iókwas ne sewahetaʼshon꞉a nonénhare, sénha i꞉se wéso tsi tenkwahséntʼthoʼse tsi ní꞉ioht tsi tekhehiaséntʼthoʼse ne Jazer. Tsi tehionahré꞉nion nahonenhrahsónhas ne sewahnenharahsón꞉a iaʼtehiohiaiákon ne Iawenhéion Kaniatarahkheʼkówa tánon ièhio tsi nióre ne Jazer. Ók kíʼ nónhwa nakennhaʼkhéka sewahiasónhas ó꞉ni ne sewanenharahsónhas karihwahtónton.

Jeremiah 50:19

Tánon shé꞉kon iensekʼkhehiaténhaʼwe ne Israerʼró꞉nons tsi thóh nonhontsáien. Ne꞉ne ahonthónnhetsʼte tsi niwahthónhnis ne kaientʼthóhtsheras ne꞉ne tsi ionónhte ne Carmel ahothonwenhtsáke tánon ne Bashan ahonahkerahseráhkon, tánon kwáh tsi nikonhtehonahthonwenhtsióni nahónnheke ne kaientʼthóhtsheras ne wahthónhnis ne Ephraim ó꞉ni ne Gilead ahonahkerahseráhkon.

Jeremiah 8:22

Iáh kén thènenh tetkanonhkwaʼtseráien ne Gilead nónhwe? Iáh kén tethonatetsientsheráien? Nonhtiéren, káti, nakonhkwetaʼshón꞉a tsi iáh teshonwathitiénton?

Micah 7:14

Sehiathenhnikónhraren ne shonkweʼtashón꞉as né꞉ne sathénhnits í꞉satst, ne teiotinakarontón꞉a í꞉se shatsenenhó꞉kons í꞉ken, tsi ohnonhatsí꞉wak khók kontinákere ne kará꞉kons thóh sahtekahentí꞉hen tsi ionwenhtsá꞉ien; Sehrí꞉hon thóh iateiontská꞉hon ne Bashan tánon ne Gilead, ne tsi nihiotón꞉ne ne wahón꞉nise tkénhne.

Numbers 21:32

tánon ne Mahís iashakoténiete ne ronhnónh꞉kwe nahatirihwatʼtshénhri ne kwáh ahonhtesenhniʼióhake niakonwatiatónti ne kanatowanénhke ne Jazer. NʼIsraerʼró꞉nons wahatiʼiéna tánon nakʼthónties kanataiéntonhs tánon washakotihiatínekenwe ne Amorʼró꞉nons né ratinákere.

Numbers 32:2

tsítnes ne Mahís tánon ne Eleazar niahón꞉ne tánon ne ronátsiakes ne sakotiʼhenténhse ne ienákere tánon wahonníron,

Numbers 32:26

Né hionkwaniákʼkhons ó꞉ni ne ratikʼshahokónhas ó꞉ni nonhkwahtshenenhókons tsionónskwahrons ó꞉ni ne teiotinakaronhtónʼas kénʼen nènhne enhatiʼterónhthake ne tsi kanatowanénhke ne Gilead.

Numbers 32:3

“Kí kénʼen iokwénhraʼre né tsi nishakosniénon ne Roiá꞉ner NʼIsraerʼró꞉nons nahontiénawasthe—né tsi kanátaiens ne Ataroth, Dibon, Jazer, Nimrah, Heshbon, Elealeh, Sibmah, Nebo, tánon ne Beon—tsi niʼiohontsí꞉io ne kontiʼtshénen aotiʼrihwáke, tánon tsi nihionatsiokowánen hionkwahnáskwahien.

Numbers 32:35

Atroth Shophan, Jazer, Jogbehah,

Deuteronomy 33:21

Né꞉ne kwáh tiohontsí꞉io ne wahonthaterakwáhse; Ne shakohéntenhse tsi nihioterihwí꞉son nahaié꞉na ronónha ronhwatihiaʼtharákwen nahatiráhko. Wahontewénhnaraʼkwe ne Roiá꞉ner rahorihonnienhní꞉tsheras ó꞉ni ne kaianerénhseras Nó꞉nen ne ohén꞉ton iehonhné꞉tons ne Israerʼró꞉nonhke skátke wahontiaʼtaró꞉roke.”

Joshua 13:25

Ne rahothinakeráhseras eʼhí꞉kare ne Jazer ó꞉ni akwé꞉kon ne kanatowá꞉nens ne Gilead, satehiohontsí꞉ien ne Ammon tsi nió꞉re ne Aroer, né꞉ne tsitʼkarahkwí꞉nekens nokwá꞉ti ne Rabbah;

Joshua 22:13

Ethò꞉ne Nisraerʼró꞉nons iahonwaténiethe ne Phinehas, né꞉ne roiénha ne Eleazar ne ratsihénsthatsi í꞉ken, thóh nonhkweshón꞉as tsi rathitióhkwaiens ne Reuben, Gad, tánon ne nà꞉kon nòkwah ne Manasseh né꞉ne tsi ionhontsá꞉ien ne Gilead.

Joshua 22:9

Káti nonhkweshón꞉as ne rahothitióhkwakons ne Reuben, Gad, tánon ne nà꞉kon ne Manasseh sahonhtén꞉ti. Ehʼneiehathì꞉teron ne ronátiaʼkes Nisraerʼró꞉nons thóh tsi ionhontsá꞉ien ne Canaan tánon tahonthásawen thóh nionhsahónhne tsi thóh nonhontsá꞉ien, ne꞉ne tsi tiohontsá꞉ien ne Gilead, né꞉ne ronatiaʼthakwehniióston tsi nihorihwí꞉son ne Roiá꞉ner rahonhà꞉ke ne Mahís.

1 Sawátis 2:16

Kwá tsi nahoténsons ne tsi ionwentsiáte aówenk kwá neh iakoriwanerahakʼténnis ó꞉ni iakoskanekténnis ne iateiehiáti, nahóten nónkwe iontkáthos neh teiakotonwentió꞉ni, tánon kwá tsík nahoténson ne nónkwe iontkáthos tsi ionwentsiáte ne teiakorénsaron, kwá iáh tahóten neh kanísera nón nahontaiawénon, akwékon tsi ionwentsiáte nón nitionénon.

Judges 5:16

Onhnonhtséren tsi thók thatíteron skát꞉ke ne teiotinakaronhtónʼas? Ne nashakonatahónshaʼthate ne ratinónhne iekonhwatínonks ne teiotinakarontónʼas? Hén, ne rahotitsiókwahs ne Reuben iáh sahotiríhwa tekènhne; iáh tsatehotirihwaiéntase nahontahonénonhke.