Numbers 31:28 - Ohiatonhseratokénti

²⁸ Tsi nahoténsons ne ratisó꞉tar rahonáwenk, sehwatié꞉nawast né꞉ne ahiokaraiéntane ne Roiá꞉ner rahorihwáke né꞉ne tsonkwéta ne wísk tewenhniáʼwe niháti ratinó꞉tons tánon kwáh satehiotónhak ne khontitshéʼnenhs, né tewahóntes, teiotinakarontónʼa, tánon ne kaiatákeras.

Numbers 31:28 ပူးပေါင်းရင်းမြစ်များ

Genesis 14:20

tánon tehonwanonhwerá꞉ton né Rawenni꞉io né kwáh Thótte, ráonha tahshakoiaʼténhawe ne tesewatátswenʼs ne sahtsaʼná꞉ke!” Tánon ne Abram tahá꞉wen orihwakwé꞉kon ne oieríhaton nié꞉ken.

1 Chronicles 18:11

Né Ronnontí꞉io Táwit wasakotonnahérahse né áhonste tsi nenhonterenhnaʼiénsehke, ská꞉ke ne kawistaráhkens ó꞉ni nowistanórons tsi nishakhókwen nonkweʼshón꞉as ne shakosenhniónkwen—né꞉ne Edom, Moab, Ammon, Philistia, tánon ne Amalek.

2 Chronicles 15:11

Né wenhniseráte wahonwatát꞉tie ne karihwihiosehokónhas ne Roiá꞉ner ne kanenskwátseras ne thóh tiháseron: tsáta tewenhniáwe nikanonhtistakes tionhnonskwáhrons tánon tsáta tewenhniawehetserásen nikónhti teiotinakaronhtónhas.

Isaiah 18:7

Né thóh nenhkaháwiʼke nathatawítsheras kwáh kí entonhwahawítaʼse ne Sakoiá꞉ner ne ronterí꞉io ratiʼronhiakeró꞉nons né thoʼnatkháwen ne ratiʼnenhiéshons tánon ne ratinhí꞉ios, né nonkweshón꞉has ne ronhwatiʼtshánis aktónties tánon nahinónhsons nió꞉re ít꞉kens, ne nonkweshón꞉has ne ratiʼshátstes tánon sakotisénhnies, né꞉ne rahononhóntsas ne tsi kaniataratáse tehiotʼkháshion, ièhio ne tsi Ionontáhere ne Zion, né nón꞉we ne konwanatón꞉kwah ne Sakoiá꞉ner ne ronterí꞉io ratironhiakeró꞉nons.

Isaiah 23:18

Nahotkeronhtátshera tánon tsi natewaténtsahas kwáh kí Roiá꞉ner enhonwatonhnahéraʼse; tsi nikará꞉kwas kwáh iáh tahontewenhientónhake khés nahonshétonhke, ók kí nahotkeronhtátshera kwáh iawethatsáni enhiakoiéritʼtse ne kákhwa tánon natʼtserónhnia né꞉ne tsi nihiákon thóh ienákere rahohénton ne Roiá꞉ner.

Isaiah 60:9

Asèken né tsi kawenhó꞉tons ionhontsakérons kwáh kí í꞉i enhionkateráʼrate, né꞉ne kahonwehiakowáʼtions né Tarshish enkahénte, né thentsakoiaténhaʼwe ne sehiohʼokónhas nahiʼnonhkówa ít꞉ken, né raonákwenk kawistará꞉ken tánon nowistanó꞉rons entʼtatiháwi, asèken né raosénhna ne Roiá꞉ner Saní꞉io, tánon né꞉ne rahonháhak khók Rotokénti í꞉ken NʼIsraerʼronónke, né aoríhwah tsi naʼteiarénhsarons.

Numbers 18:21

Ne Roiá꞉ner wahénron, “Tekhehiáwi ne Levites akwékon tsi nihatikáriaks NʼIsraerʼró꞉nons ne tsionhkáwi. Né kí꞉ken ronatkariakténhni tsi nihotihióte tsi nihatinikónhrare natóhsera tsi nónhwe nikíteron.

Numbers 18:26

nashakawénhase ne Levites: “Nónen ensewaiéna tsi nenhthatíhawe NʼIsraerʼró꞉nons nahatikáriake nètho Roiá꞉ner enthetshítsion tsi ensewawenhkhónhweke, ónenk kíʼ tsi iensewát꞉kawe noieríhaton iéken né꞉ne katokénston entshítsion ne Roiá꞉ner.

Numbers 31:29

Eleazar tatshíʼtson ne ratsihénstatsi né꞉ne katokénston ahón꞉hion ne Roiá꞉ner.

Numbers 31:30

Né tsi nikáien ne kenhiotiéton nonhkweshón꞉ʼas akówenk, Saiáta ne wísk-niwásenh niháti ratinó꞉tens tsisewahiató꞉tshion tánon kwáh èthon nasehwáien tsi nókwah ne tsionónskwahrons, ne tewahóntes, teiotinakaronhtónʼa, ó꞉ni ne kaiatákeras. Levites né tahieʼtshí꞉hion tsi roʼnónha ronaterihwatsʼteríston ne Roiá꞉ner rahotóhsehra.”

Numbers 31:47

Káti tsi nikonháties kí꞉ken ne Mahís saiáta wahohiatótshion ne wísk-niwásen niháti ratinó꞉tons tánon ne konhtiʼtshénhnens, tánon kíʼ tsi nihorihwatáton ne Roiá꞉ner, tánon káti Levites thasakáwen tsi roʼnónha ronaterihwatsteríston ne Roiá꞉ner rahotóhsehra.

Matthew 22:21

Tontahonniron; Cesar. Tontasakaȣenhase: hatsitsion ki ȣahi tsinikon raoȣenk ne Cesar: nok Niio tsinikon Niio raoȣenk.

Joshua 6:19

Akwékon tsi nahó꞉tensons né꞉ne ionhniatons ne kawistarákens, owistanoronhs, tehiotʼtsinokwaronhte notsinekwar karisthatsi, tó꞉ka ó꞉ni karisthatsis né꞉ne Roiá꞉ner ronhwarahkwenhni. Roiá꞉ner tsi rahwisthaienthakwa ienkaienthake.”

Joshua 6:24

Ethòne ónenh wahontenatenhthawe ne kanató꞉wanenhke ó꞉ni wahó꞉teke kwáh okenhrake wahón꞉hni, kwáh tsi nahó꞉ten ne thóh nónhwe nikaienthakwe, nek khók tsi nahó꞉tensons ne kawistarahke, owistanorons, ne tehiotʼtsinokwahronhte notsinekwar karisthatsis, ó꞉ni ne karisthatsi íken, tsi né iehó꞉thiha tánon Roiá꞉ner tsi rawisthaienthakwah nónhwe iehó꞉nathakweniaien.

Joshua 9:27

Ók ki neksáke washakotenaskonhnià꞉the, ne tahatihientiákseke tánon nasakotinekakarenié꞉sheke nonhkweshón꞉as Nisraerʼró꞉nonhke ó꞉ni ne tsi ratsienharákwa ne Roiá꞉ner. Shé꞉kon nón꞉wa wenhniserá꞉te iehothikonhthákwen tsi thóh ní꞉ioht tsi rothihiò꞉the tsi nonhwésons ne Roiá꞉ner rorákwen nahonwasenhnaienthá꞉kwake.