Numbers 30:15 - Ohiatonhseratokénti

¹⁵ Ók tó꞉ka onakènhke thontaharíhshion ne warahrátston, ónenk kíʼ tsi enharonhiáken tsi nenhiáwenhne tsi wahorihwanóron tsi nihiorahrátston.

Numbers 30:15 ပူးပေါင်းရင်းမြစ်များ

Leviticus 5:1

Tó꞉ka nónhkwe waherihwánerake tsi iáh tiehiakokʼkáwen noríhwa nónen ienhionthatenáton naierihwaníraʼte. Tó꞉ka tkarihwaiéri tsi ieshahiatonhseráwi naʼserihwanírate tsi tehiehiatoretákwa tánon iáh thasatró꞉ri tsi nahó꞉ten satkáton tó꞉ka ó꞉ni sarihwarónhken, ónenk tsi enseronhiáke tsi nenhiáwenhne.

Numbers 30:12

Ók tó꞉ka ne teníteron enhánese nakánane tsi nihiorahrátston nó꞉nen enhothóntene, iáh kíʼ thaʼtehiothonhontsóhon nakarihwaiérite tsi nihiorahrátston. Né Roiá꞉ner enshaʼnikónhrenhse, tsioríhwa ne teníteron tsi wathátaste nakarihwaiérihte tsi nihiorahrátsʼton.

Numbers 30:14

Ók nék khók, ne tsi oiatsorènhʼen waharihwáronhke tsi nihiorahrátston, iáh kíʼ ne thènen taharihwásten, akwékon kíʼ thóh nenhkáiere tsi kíʼ nihiorahrátston ó꞉ni nahó꞉ten nahonteweiénton. Wahariwanírahte tsi nihiorahrátston né tsi iáh teharihwakwénhni ne wenhniserátekwe sahothóntene.

Numbers 30:16

Né kí꞉ken ne kaianerénhseras nètho Roiá꞉ner thó꞉wi ne Mahís tsi nókwah ne hiorahratsʼthánion ne iáh tehioniákon ne skát꞉ke níteron ne roʼní꞉ha khès ne hioniákon.

Numbers 30:5

Ók tó꞉ka roʼní꞉ha waháriste nakarihwaiérite tsi nihiorarátsʼton nó꞉nen sahothóntene, iáh kíʼ thaʼtehiotonhontsóhon nakarihwaiérite. Né Roiá꞉ner enshanikónhrenhse, tsioríhwa tsi roʼní꞉ha iáh tehothontáton ne iatahiokʼten.

Numbers 30:8

Ók tó꞉ka ne tení꞉teron enhá꞉nese nakarihwaiérite ne iorarátsʼton nónen saharihwáronhke, iáh kíʼ tehioterihwaiénhni niatahiókʼten. Ne Roiá꞉ner enshanikónhrenhse.

Galatians 3:28

Kwáh káti iáh thénen tathetiatʼthíhen ne Sitaeró꞉nons tánon ne Iatehatisitaerónons, tsi natehónteron ne rathináskwas ó꞉ni ne rontatewenní꞉io onkwesónha, tsi natehóntere ne ronnónkwe tánon ne konnónkwe; kwáh sewakwékon tsi énskat iéken tsi tesewateriwasóntere ne Kerístos Ié꞉sos.