Numbers 3:45 - Ohiatonhseratokénti

⁴⁵ “Ó꞉nen sehiatatérist ne Levites tsi Í꞉i akonhkwetaʼshón꞉ás í꞉ken tsi ní꞉ioht ne thoʼnatierénton ne Israerʼró꞉nons rahotiʼnekenteronhtsheraʼsónhas, tánon sehiataʼtériste ne Levites rahotiʼtshenenhókons né꞉ne tahonsahonwatiʼnakthákwen ne thoʼnatierénhton roʼnanakeráton ne Israerʼró꞉nons rahotiʼtshenenhó꞉kons.

Numbers 3:45 ပူးပေါင်းရင်းမြစ်များ

Exodus 34:20

ók kíʼ ensehsenaskwahnínonh nenhtewatiérenhte enhrenhnákerate ne tewahóntes né ensehtáʼtse ne teiotinakaronhtónʼa owíra ne rahonakʼtáke. Tó꞉ka iáh tahonsaʼsnínon, teʼsheniáriak. Saʼsnínon nenhtewatiérente enrenhnákerate ne raksáʼa. “Iáh ónhka nakʼkhénton tahontáien ne iáh othènen tahionkawíre.

Malachi 2:4

Sewaterièn꞉tarak, ká꞉ti, tsi iewakatenniéhton kí꞉ken karihwatáhtshera ne tsonhá꞉ke, nétho akaterihwahseronniáhtshera skát꞉ne ne Levi tsi aká꞉take, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 18:6

Kwáh Í꞉i khehiatarákwen ne sewatátenons ne Levites tsi skát꞉ke ratinákeres NʼIsraerʼró꞉nons tsi watsionhkwéton níse. Kwáh íken tsi rotirihwatóken tsi nòkwah Ní꞉i, né káti nahónton nahotiʼhióten tsi nihotiʼhiotenhserótens natohserákon.

Numbers 3:12

“Né Levites ónenh kíʼ Í꞉i akonhkwéta wahónton. Nó꞉nen shaʼkhenonhwariákonh ratiʼkwékon ne tahontiérenhte wahonhnákerate ne Egyptró꞉nons, wahiʼhiatatoʼkéntiste tsi shí꞉ken ní꞉ioht ne kwáh Í꞉i riʼiénha íken né thakowánen ne skawatsiʼráʼtshons enhotiʼwiraiénhtaʼne NʼIsraerʼró꞉nons kawátsires tánon nenhtewatiérenhte enhonnákerate ne katshénens. Nónhwa, khèʼkok nenhtewatiérenhte enhotiwiraiénthaʼne NʼIsraerʼró꞉nons tsi ní꞉ioht Ní꞉i riʼiénha akénhake, Levites kíʼ khehiaʼtienawáston; roʼnónha kíʼ nakonhkwetaʼshón꞉ʼas enhónton. Í꞉i ne Watiá꞉ner.”

Numbers 3:44

Ne Roiá꞉ner wahoró꞉ri ne Mahís,

Numbers 8:16

Kwáh roʼnónha khehiataráhkwen tsi ní꞉ioht ne thóh natierénhton ronahnakeráton ne Nisraerʼró꞉nons rahotiʼnekenhteronhtserasónhas, tánon kíʼ kwáh akonhá꞉a khók akonhkwetashón꞉ʼas íken.