Numbers 3:38 - Ohiatonhseratokénti

³⁸ Ne Mahís tánon ne Aaron ó꞉ni ne sakotiʼhioʼokónhas ohénton ne tsi watóhsehrote né nónhwe nenhontenáʼtaien né꞉ne tsitʼkarakwínekens nòkwahti. Né nènhne roʼnaterihwaiénhni nahonterihwatsʼtériste tsi niʼhioterihwaʼtiéren tsi nónhwe ne Iotokénhti íken né nonhkweshón꞉ʼas NÍsraerʼró꞉nonke akorihwáke. Nónhka akóren nahionʼteniénten né nahiéiere kwáh kíʼ enhionhthaʼtenonhwariákon.

Numbers 3:38 ပူးပေါင်းရင်းမြစ်များ

1 Chronicles 23:32

Ronónha thonwanáwi tsi ronaterihwaiénhni nahontenhnikonhráhren nathó꞉sehra tsi nón꞉we nihénteron ne Roiá꞉ner ó꞉ni Nononsatokentiʼkó꞉wa, tánon nahonwatiʼiénawaʼse ne ronhthátenons, ne ratitsihénstatsis tsi nithonatwatsiríhnon ne Aaron, tsi ronhterénhnaiens Nononsatokentiʼkó꞉waʼne.

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 1:53

Ók kíʼ ne Levites thóh ákta tsi watóhsehrote enhontenátaien ne naʼhontenhʼnikonhráren, né káti ne tóhsa ónhka ákta nahontháien tánon ahierihónhni nakenakwáhtshera ahotí꞉iente ne tsi ratiʼnakerasehráien ne Israerʼró꞉nons.”

Numbers 2:3

Né tsitʼkarakwínekens nokwáhti, tsi nihá꞉ti ne ná꞉kon ne tsi waniataró꞉hare né꞉ne rahothiʼtiókwa ne Judah skát꞉ke enhontenátaien tsi nihotiʼtiokótens, skát꞉ke ne shaʼkotihéntense, kèn ní꞉ioht: Ne Raotitsióhkwas Shaʼkotihéntense Tsi nihá꞉ti Judah Nahshon ne roʼníha né꞉ne Amminadab 74,600 niháti Issachar Nethanel né roʼníha né꞉ne Zuar 54,400 niháti Zebulun Eliab né roʼníha né꞉ne Helon 57,400 niháti Ne tiokwékton tsi nihá꞉ti: 186,400 Ne rahothiʼtiókwah ne Judah ónenk tsi né enthontiérenhte enhatiʼnenhrasehrónhni.

Numbers 3:10

Níse ónenk tsi Aaron entshiataráko tánon ne sakohiohoʼkónhas nahotiʼhióten tsi nihonaʼterihwaiénhni ne ratiʼtsihénstatsis; nónhka nakóren ahionteʼniénten né naiéhiere ónenk kíʼ tsi enhiontaʼtenonhwariákon.”

Numbers 3:23

Kí꞉ken ratiʼtáraien thóh ahonaʼnathaiénthake né꞉ne tsi iatewatʼséntʼthos nokwáhti né noʼnàken ne tsi watóhsehrote,

Numbers 3:29

Kí꞉ken raʼtitáraien thóh nónhwe nahonhnátaien né꞉ne entiéne nokwáhti tsi watóhsehrote,

Numbers 3:35

Kí꞉ken kentára né꞉ne othoʼréke nòkwahti enhonhnátaien ne tsi watóhsehrote, skát꞉ke ne Zuriel ne roʼní꞉ha né꞉ne Abihail né renhtarakweʼní꞉io.

Numbers 3:37

Roʼnónha ó꞉ni ronaterihwaiénhni tsi nòkwah nonawahʼathasónhas, tsitʼkárate, nowasʼthasónhas, tánon nasehríhies nátste natenhénrakon watsʼthákwas.