Numbers 3:10 - Ohiatonhseratokénti

¹⁰ Níse ónenk tsi Aaron entshiataráko tánon ne sakohiohoʼkónhas nahotiʼhióten tsi nihonaʼterihwaiénhni ne ratiʼtsihénstatsis; nónhka nakóren ahionteʼniénten né naiéhiere ónenk kíʼ tsi enhiontaʼtenonhwariákon.”

Numbers 3:10 ပူးပေါင်းရင်းမြစ်များ

2 Samuel 6:7

Kwáh ók꞉saʼok ne Roiá꞉ner wahonhákwase ne Uzzah; tánon ne Ní꞉io kwáh thonónhwe wahononwarhiákhon tsioríwa tsi iathatsáneste tsi kanorokwáhere nateriwaseronniátshera; tánon thóh warénheie ákta tsi kanorokwáhere ne raoteriwaseronniátshera ne Ní꞉io.

1 Kings 12:31

Ne Jeroboam kwáh ó꞉ni waronhniánion nahionhterenhnaienthákwahke nonohtoharakésons, tánon washakohiatarakwenháton ne ratitsihénstatsis né꞉ne iáh Levi rahotiʼtsiokwáhkons tehatihiátare.

1 Chronicles 6:32

Watontʼtihashiónhko tsi wahontenhnikonhráren ne tsiwathó꞉sehroʼte tsi nón꞉we nihénteron ne Roiá꞉ner tsi niió꞉re ne Ronnontí꞉iokwe Solomon iaʼhatenonhshónhni Nononsaʼtokentiʼkówa.

Nehemiah 6:11

Ók tsi niwaton, “Teiotonhontsohon ken ne rón꞉kwe tsi ní꞉ioht ní꞉i nahateko? Tánon teiotonhontsohon ken ne rón꞉kwe tsi ní꞉ioht ní꞉i niahatawehiá꞉te nonnonsató꞉kentikowane nahanónstahte tsi rón꞉nhene? Kwáh kíʼiáh tiá꞉katahwehiate!”

Exodus 29:9

tetsiaʼkwaráhnak tánon tetskenhkwaráhnak. Thóh ní꞉ioht tsi enseriwaníratshe ne Aaron tánon ne sakohiohʼokónhas. Ronʼnónha ó꞉ni tsi nienhontwaʼtsiríne tsi enhiontiótense tsi ratiʼtsihénstatsi enkénhake tsi nènhwe.

Ezekiel 44:8

Iáh tehonahtienahwáston ne kariwatokénston kariwihiosehokónhas nakenonsatokentiʼkówahne, ók khèʼkok né꞉ne thihononhontsátes wahonwahthirihónten.

Leviticus 22:10

“Ne khók ne ratsihénstatsi rahowátsire enwáton ne thènen ahónneke ne iotokéntis iewatkáwen; iáh kíʼ ónhka nakórenh thahónton ne thènen ahónhneke—iekaníhare nónhkak skát꞉ke ahatiterónhtake tó꞉ka ó꞉ni ne rahónha ronhwahiótenhse.

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 16:10

Waʼtsisewaríhon níse tánon ne ronátsiakes ne Levites nahisewaiéna kí꞉ken kakwenienstátshera—tánon káti ónenh nónhwa sewaʼteniéntha nahisewaiéna tsi nihotiʼhiotenhserótens ne ratiʼtsihénstatsis!

Numbers 16:35

Ethòne ne Roiá꞉ner ótsire tahaténiete wakatsiróten tánon wahakotiatáʼtsahate ne 250 niháti ne iehonatkáwen ne kanetanó꞉ron.

Numbers 16:40

Né káti kí꞉ken nahonwanaronhkáten NʼIsraerʼró꞉nons né꞉ne tsi niháti ne iáh Aaron nónhwe thitonatwatsiríhnon ónenk tsi ientsienharákwahke ní꞉tsien nahonwatsahátaʼse ne kanetanóron ne Roiá꞉ner. Ók tó꞉ka iáh, nonhtiérenk kíʼ enhonwanátonte tsi kíʼ ní꞉ioht ne Korah tánon ne rahonkwetashón꞉ʼas. Akwékon kí꞉ken thóh naháwenhne tsi kíʼ nihoríhonhte ne Roiá꞉ner ne Eleazar rahonháke ne Mahís.

Numbers 18:3

Kwáh enhatirihwaieríʼtsheke tsi nihotihiotenhseró꞉tens ne sonháke tánon tsi nihonaterihwaiénhni tsi nó꞉kwa natóhsehra, ók kwáh kíʼ iáh tehiówenk ne thènen iahatiʼiéna ne iotokéntis tsi nónhwe ne Iotokénti íken ó꞉ni ne ietsienharákwah. Tó꞉ka thóh nenhatí꞉iere, sehwakwékon kíʼ tsi enhietʼtsinonhwariákon.

Numbers 18:7

Ók í꞉se tánon ne sehiohʼokónhas iatesewahiátis tsi kwáh akwékon kèn nienhsewáiere tsi nihotiʼhiotenhseró꞉tens ne ratiʼtsihénstatsis ó꞉ni tsi nó꞉kwah ne ietsienharákwa tánon tsi nahoténsons ne kwáh Iotokénti í꞉ken. Kíʼ nahorihoténhsons í꞉se sewahioténhseras íken, tsioríhwa tsi tkwá꞉wi nathatawítshera nahisewatʼtsihenstónhni. Ónhka ne iáh tehiakohiotenhserarenhnáhon ákta niáien ne Iotokéntis í꞉ken kwáh kíʼ enhionhtaʼtenonhwariákon.”

Numbers 3:11

Né Roiá꞉ner wahawénhase ne Mahís,

Numbers 3:38

Ne Mahís tánon ne Aaron ó꞉ni ne sakotiʼhioʼokónhas ohénton ne tsi watóhsehrote né nónhwe nenhontenáʼtaien né꞉ne tsitʼkarakwínekens nòkwahti. Né nènhne roʼnaterihwaiénhni nahonterihwatsʼtériste tsi niʼhioterihwaʼtiéren tsi nónhwe ne Iotokénhti íken né nonhkweshón꞉ʼas NÍsraerʼró꞉nonke akorihwáke. Nónhka akóren nahionʼteniénten né nahiéiere kwáh kíʼ enhionhthaʼtenonhwariákon.

Romans 12:7

Tóhka ne Rawenni꞉io tesonkwáwi naionkwakwénion naʼietʼthiriwáhwaʼse ne thonethákwen, áhnionkiʼ ietʼthiriwáhwas; tòhka tesonkwáwi naionkwakwénion naietʼthirihónnien, ahkiʼietʼthirihónʼnien;

Ephesians 2:19

Ne káti, í꞉se ne iáh tesewasitaeʼró꞉nons iáh seh thitsonhontsáte tèken khés ó꞉ni ne kakʼnón꞉we thaonthesewé꞉non; ó꞉nen ne skát꞉ne sewaʼnákeʼre ne Rawení꞉io raʼotió꞉kwa ó꞉ni sewahiá꞉tare ne Rawenni꞉io raʼowatsíraʼkon.

Deuteronomy 18:5

Ne Roiá꞉ner shakohiaʼtarakwenhá꞉ton ratikwé꞉kon tsi sewenhtará꞉ien ne tsi ratiʼtá꞉raien ne Levi ne nahonwaiò꞉tenhse tsi rotikhá꞉res akénhake tsi nénhwe.

Hebrews 8:4

Tóhka shíken ohontsiáke ahrésheke, kwáh iáh ratsihénstatsi thakénhake, tioríhwa né ratiʼtsihénstatsis shakonáwis natathawhí꞉tsheras tsi nikarihwahnóntons ne Sitaeró꞉non Raotiʼianerénshera.

Judges 17:5

Kí꞉ken rónhkwe Micah kwáh rahónha rahononhsakénhʼen tsi nónhwe nihaterenhnaiénthakwahkwe. Tó꞉ka níkon rotsiatonhniserónhniʼne ó꞉ni rothatonhniénhni ne tehatetskwenanákʼtha tánon rahónha shaʼkohiatarakwenháton ó꞉ni sakorihwaniráti ne sakohiohokónhas nahontsihenstónhni.

1 Samuel 6:19

Tsi nithotwatsirí꞉non ne Jeconiah kwáh iáh skátne tehonaʼtonnáhere nónkweʼókons ne Beth Shemesh nó꞉nenh tenhontátken tánon washaʼkononwaʼrhiákon tó꞉ka ní꞉hati nonkweʼókons ne Beth Shemesh, tsioríwa tsi iahontkehtó꞉ten raoʼneró꞉kwakon ne Roiá꞉ner; tánon waʼshakononwarhiákon wísk niwáhsen niwenhniawehetsherásen tánon tsá꞉ta niwáhsen niháti ronhnón꞉kwe. Nonkweʼókons wahontsónnion tsioríwa ne Roiá꞉ner tsi naʼthatenonhianíton washakowéntho nonkweʼókons.