Numbers 28:25 - Ohiatonhseratokénti

²⁵ Sewatiatarórok nahisewaterénhnaien ne tsatákaton niwenhniserakéhaton tánon tó꞉sa othènen sewahióten.

Numbers 28:25 ပူးပေါင်းရင်းမြစ်များ

Exodus 12:16

Nʼentewaʼtennihseraʼtiérente tánon ó꞉ni shé꞉kon ne tsaʼthákaton nenwenhniserakéhaton sewaniʼtiokwaró꞉rok nahisewaterénhnaien. Kwáh iáh thá꞉hoten takahioténʼen né wenhniserátes, ók enwáton kíʼ nènhʼne nahisewaʼkhónni.

Exodus 13:6

Ne꞉ne tsáta nónhta nikaríwes ónenk tsi né ensewanátaʼraʼke ne iáh tewakʼtenkwáton tánon ne tsaʼthakhàton niʼwenhniseraké꞉haton enkakʼkhwáraʼke nahonwakwé꞉niensʼte ne Roiá꞉ner.

Leviticus 23:21

Né thóh enwenhniseráteke tó꞉sa othènen saterihwaténtsiat tsi niʼsahiotenhseró꞉ten ne niaʼtewenhniseráke, ók sewatsiataróhrok nahisewaterénhnaien. Tsi niensewatwatsírine thóh kí꞉ken nienkaianerenhseroténhake né꞉ne tsi nénhwe enkénhake, iáh tewasterístha kaʼnónhwe nahathinákereʼke.

Leviticus 23:25

Ká꞉khwa iasewáhaf rahohénton ne Roiá꞉ner tánon tó꞉sa othènen sehwahióten né wenhniseráte tsi nisehwahiotenhseró꞉tens ne niaʼtewenhniseráke.

Leviticus 23:3

Iá-iak nónhta senhniseráien nahisahióten ne shahioténhsera, ók sehiá꞉rak nètho tsatákhaton niwenhniserakéhaton, ne Iawenhthatokénton, né nahonthashaʼterakáren. Nètho wenhniseráte tó꞉sa enshahióten, ók né sewatiataróhrok nahisewaterénhnaien. Ne Iawenhthatokentíke Roiá꞉ner nènhne rawenhnísera, iáh tewatsterístha kanónhwe nashenákereke.

Leviticus 23:7

Nentewatenhniseratsiérenhte ensewatsiataróhroʼke nahisewaterénhnaien tánon tó꞉sa ne sewahióten tsi nisewahioténhseroʼte ne niaʼtewenhniseráke.

Leviticus 23:8

Iasewáhaf ne sewákhwa natsítion ne Roiá꞉ner né꞉ne tsáta nónhta nikaríwes. Ne tsatákhaton nenhwenhniserakéhaton shé꞉kon entsisewatsiataróhroʼke nahonsheʼsewaterénhnaien, ók tó꞉sa kíʼ thènen sewahióten tsi nisewahiotenhseró꞉ten ne niaʼtewenhniseráke.

Numbers 28:18

Nenhtewateniseratiérenhthe ne kakhwáhere tsi ensewatiataró꞉rohke né nahisehwaterénhnaien, tánon iáh tehiówenk ne thènen ahiakohióten né wenhniseráte.

Numbers 28:26

Nentewenhniseratiérente ne kaientwá꞉kwen tehiontenonhweratóntha, nónen iensewát꞉kaʼwe ne tkaiéston nonátsiase rahohénton ne Roiá꞉ner, ónenk tsi ensewatiaʼtaró꞉rohke nahisehwaterénhnaien, tánon iáh othènen thakahioténhʼen.

Numbers 29:1

Nenhtewatenhniseratiérenhte ne tsatákhaton niwenhnítare ensehwatiataróhroʼke naisewaterénhnaien, tánon kwáh iáh othènen takahioténhʼen. Né wenhniseráte ne iehonrawátstha enhonterenhnóten.

Numbers 29:12

Sewatiatarórok naisewaterénhnaien ne wísk-khaton niwenhniserakéhaton ne tsatákhaton niwenhnitakéhaton. Sewatenikonhró꞉ri kí꞉ken kakhwáhere né nahonwakwéniensthe ne Roiá꞉ner né꞉ne tsáta nónhta nikaríhwes tánon tó꞉sa othènen sewahióten.

Numbers 29:35

Né shateʼkonháton enwenhnisehráteke sehwatiatarórok nahisewaterénhnaien tánon tó꞉sa othènen sewathatiótenst.

Deuteronomy 16:8

Asè꞉ken ne ken iotiéton iá꞉iak nónhta nikarì꞉wes ne ensehnaʼtárake ne iáh othé꞉nen thaʼtekaiéston ne ioʼsherátken waʼthenkwátha, tánon ne tsatákhaton niwenhniserakéhaton sewatiaʼtaró꞉rok naʼtsisewasénhnaien ne Roiá꞉ner sewaNí꞉io, tánon tó꞉sa othé꞉nen sewahiò꞉ten ne wenhniserá꞉te.