Numbers 28:15 - Ohiatonhseratokénti

¹⁵ Tánon ne ienhiowènhtheke ne niatewenhniseráke ahionteskónhten skát꞉ke ne onenharataʼsehontserákeri, iatsisehwát꞉kaf saiáta kaiatákeras né꞉ne kariwáneren aorihwáke.

Numbers 28:15 ပူးပေါင်းရင်းမြစ်များ

Genesis 37:31

Eʼthó꞉ne iahatíhawe ne Só꞉se raotià꞉tawi waʼkóhses, kaiaʼtákeraʼs wahonwanonhwariá꞉kon, tánon ne waʼkóhses onekwenhsà꞉ke iahón꞉nohwe.

Leviticus 16:15

Ethóhʼne ónen, enhononhwariákon ne kaiatákeras né꞉ne karihwáneren tsi ienhá꞉thaʼte né꞉ne onkweshón꞉a akorihwáke, ienhá꞉haʼwe nonekwénhsa tsi nónhwe nakwáh tsiotokénti í꞉ken, tánon athenontékʼthaʼke tsáta nihiorihwáke tenhastarohkwahthánion tánon ethóhʼne ahohénton ne Aterihwaseronhniátshera Oneróhkwa, tsi kíʼ nihohiéren ne tèro rahonekwénhsa.

Leviticus 16:16

Tó꞉ki kíʼ ní꞉ioht tsi enhaterihwaténtiaʼte ne orihwakahionhné꞉ha tsi entionhtaterón꞉kwaʼse né tsi nónhwe ne kwáh Tsiotokénti í꞉ken ne tsi niʼiawénhʼen tsi naʼtehonathaʼtsiatatsónston Nisraerʼró꞉nons tánon tsi nitsiawénon akwékon ne rahotirihwanerahák꞉tsheras. Thóh kíʼ ní꞉ioht tsi enhaterihwathéntsiaʼte tsi nòkwah tsi watóhsehrothe, tsioríhwa tsi kwáh satewatenatíhen nónhwe niwatóhsehrothe, né nènhne ne iáh tehiotkwéniens né thóh nónhwe.

Leviticus 4:23

ethóhʼne kíʼ kwáh tsi niostó꞉re ne karihwáneren tsi enhonwarihwahéraʼse, ónenk tsi kahiatákeras ienhót꞉kaʼwe né꞉ne kwáh iáh othènen tehotsihiótare.

Numbers 15:24

Ók tó꞉ka tewaterientawenhriéhon tsioríhwa ne iená꞉kere tsi iáh teierihwaientérihkwe, ónenk kíʼ tsi teró ienhonwát꞉kawe nahonwateskónhten, né ahónsehra né rawehrientiʼióstha ne Roiá꞉ner, né꞉ne tkarihwaiéri nonátsia iewatkáwen ó꞉ni nonenharatasehontsherákeri iewatʼkáwen. Né꞉ne iehiowénhte íken, ónenk tsi kaiatákeras rátsinn ienhonwát꞉kawe né꞉ne karihwáneren aorihwáke.

Numbers 28:14

Né tkarihwaiéri ne onenharatasehontserákeri né꞉ne 4 nikatshétakes nonenharatasehontserákeri ne saiáta teró, áhsen nikatshétakes ne teiotinakaronhtónʼa rátsinn, tánon tekatshétakes né satihiatátshons ne teiotinakaronhtónʼa owíra. Thóh kí꞉ken nikaianerenhseró꞉tens ne hionteskonhtákwah niahióntkawe nenhtewatenhniseratiérenhte ne enhsewenhnitáshon thóh nenhiotónhake né꞉ne kwáh tsi niióserehs.

Numbers 28:22

Tánon ó꞉ni iatsisehwát꞉kaf saiáta kaiatákeras né꞉ne kariwáneren aorihwáke, tánon thóh kíʼ ní꞉ioht tsi sewaterihwaténhtsiat ne orihwakahionhnéha tsontonhnakanonhnitákwa né nonhkweshón꞉ʼa akorihwáke.

Numbers 28:3

Né kí꞉ken ne ká꞉khwas niaʼhiónhtkawe nahonthahónhion rahohénton ne Roiá꞉ner: né niaʼtewenhniseráke ahionteskónhten, tenihiáse ne énska tehonoserihiákon teiotinakaronhtónʼa owíra tenítsinn né kwáh iáh othènen tahotitsihiotharáke.

Numbers 28:30

Tánon ó꞉ni iatsisewát꞉kaf saiáta kaiatákeras né nènhne ne karihwáneren aorihwáke, tánon thóh kíʼ ní꞉ioht tsi sewaterihwaténtsiat norihwakáhion tsontonhnakanonʼnitáhkwa nonhkweshón꞉a akorihwáke.

Numbers 29:16

Tánon ó꞉ni saiáta kaiatákeras né nènhne ne kariwáneren ahorihwáke. Taʼsewahiestánion kí꞉ken iehiowéntek ne niatewenhniseráke hionhteskóntʼtha skát꞉ke nonátsias aorihwáke tánon ne onenharatasehontserákeri.

Numbers 29:5

Tánon ó꞉ni saiáta kaiatákeras rátsinn iatsisewát꞉kaf né꞉ne karihwáneren aorihwáke, tánon thóh kíʼ ní꞉ioht tsi sewaterihwaténtiat norihwakáhion tsonhtonhnakanonhnitákwah nonkweshón꞉ʼa akorihwáke.

Romans 8:3

Tsi nahóten ne kaianerénsera iáh tehiotónʼon tsi naioiéren, neh iorihónʼni sóhtsi iotsihióhakwe tsi niʼiakonnhóten nónkwe, tsi naháiere ne Rawenni꞉io, waharéwate ne kariwáneren neh꞉ne tsi niwátstha tsi nihiakonnhótens ne ónhkwe tsi tahothéniete nénskat khók roiénha, neh꞉ne ahariwáthonʼne ne kariwáneren.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.