Numbers 27:21 - Ohiatonhseratokénti

²¹ Né enhoniahesénhake ne Eleazar ne ratsihénstatsi, rahón꞉ʼa enhorihónhnien tsi niwakenikonhró꞉ten ne énratsʼte ne ionsthaʼsónhas né Urim tánon ne Thummim. Thóh kíʼ ní꞉ioht ne Eleazar tsi enhohéntenhse ne Joshua tánon nonhkwetaʼkwékon ne Israerʼronónke ne orihwakwékon ne rahotirihwasónhas.”

Numbers 27:21 ပူးပေါင်းရင်းမြစ်များ

2 Samuel 21:1

Nón꞉wa neh nón꞉we wahontonhkárhiake tsi nihotenhniseraténionkwe ne Táwit ne náhsen niʼioseráke nikarí꞉weskwe, kwáh iateioseráke; ó꞉ni ne Táwit tsi enhoriwanónhtonhse ne Roiá꞉ner. Ne Roiá꞉ner enhénron, “Kwáh ronekwensarónhnion ne Saul tsi nihoníkon ó꞉ni ne raowátsire, tsioríwa tsi sakononwarhiakhónhnion ne Gibeonró꞉nons.”

Ezra 2:63

Ne Sitaeró꞉non rakó꞉ra akwé꞉kon iáh teshakorihwá꞉wi nahoné꞉kon ratitsihénstatsis rahotí꞉khwa né wateskónthe tsi nió꞉re ne ratsishénstatsi enhorihwaiénhase ne Rawenni꞉io tsi nikarihó꞉ten ne onenhiasónhas Urim tánon Thummim.

Nehemiah 7:65

Eʼthó꞉ne ne rakora washá꞉kawenhase iáh tehiowenk nahón꞉nheke ne kwáh iotó꞉kenti nahó꞉tensonʼs tsi niió꞉re ne ratsihénstatsi thenthatahne skát꞉ne ne Urim tánon ne Thummim.

Exodus 28:30

Thóh sewátha ne Urim ó꞉ni ne Thummim ne tsi tewatentskwenaʼnáktha, né káti ne Aaron kwáh enhaháwake nónen entʼthatáwehiate tsi nónhwe ní꞉kes ne watiathatokénti. Né kwáh tó꞉ken tsi nikaháwis kwáh tiókonhthe tsi enhósthonke ne tehatentskwenaʼnák꞉tha, né káti nahónton ne tahahiató꞉rethe tsi niwakenikonhró꞉ten tsi nòkwah ne onhkweshón꞉ʼas ne lsraerʼró꞉nonʼke.

Leviticus 8:8

Wahósten ne tehatetskweʼnaʼnákʼtha tánon thóh wahathárion ne owistanoronhsónhas né꞉ne Urim tánon ne Thummim né꞉ne tehakaraientákwas.

Malachi 2:7

Aseʼkénh tsi ratihshaká꞉ronte ne ratitsihènhstatsiʼs aó꞉wenk naionteweièn꞉tonke nattokháhtshera, tánon nonkwehshón꞉ʼahs aó꞉wenk naiakéhsake ne karihonnienníhtshera ne tsi rahshaká꞉ronte, aseʼkénh ráonha rorihwakarenién꞉nis ne Sakoiá꞉ner ne ronterí꞉ios ratironhiaʼkehró꞉nonʼs.

Numbers 27:17

tánon nahakwéni nashakorihónten ne tsi waterí꞉io, né káti ne ienákere tó꞉sa thóh nahotihiátawen tsi ní꞉ioht ne teiotinakaronhtónʼa iáh tehiotí꞉ien nakonhwanatenhnikonhráren.”

Numbers 27:2

Thóh niahónhne tánon rahohénton ne Mahís wathatítaʼne, né꞉ne Eleazar ne ratsiʼhénstatsi íken, ne sakotihenténhse, tánon ne kanakeraserakwékon ne tsi iehiontawehiatáhkwah natohsehrákon tsi nónhwe nihénteron ne Roiá꞉ner tánon wahonníron,

Numbers 27:20

Thá꞉tshon osthónha ne sashatsténsera, né káti nahónton nonhkweshón꞉ʼa ahonwawénhnarakwe.

Numbers 27:22

Ne Mahís thóh kíʼ nahá꞉iere tsi kíʼ nahorihónhten ne Roiá꞉ner. Thóh wathó꞉taste rahohénton ne Eleazar ne ratsihénstatsi tánon nonhkweshón꞉ʼa.

Numbers 27:5

Né Mahís iahá꞉hawe ne ahotirihwasónhas rahohénton ne Roiá꞉ner,

Deuteronomy 31:3

Ne Roiá꞉ner sewaNí꞉io rahonhatsí꞉wa sewahénton nienhénre tánon enshakothón꞉te nonhkweshón꞉as ne nón꞉we niʼienákere, ne káti nahónton nahisewatiaʼtakwehní꞉ioste ne rahononhóntsas; tánon Joshua nenhtsisewahéntenhse, tsi nihá꞉wen ne Roiá꞉ner.

Deuteronomy 33:8

Tsi nokwáh tsi ratiʼtá꞉raien ne Levi wahèn꞉ron: “Í꞉se, Saiá꞉ner, serihothásen tsi nishaʼnikonhró꞉ten né꞉ne Urim ó꞉ni ne Thummim í꞉ken, Thóh nítewe rononhà꞉ke ne sannhátsheras Levites; Tsi tesheiátkenhse ne Massah nón꞉we Tánon waseriwarirà꞉tse ne tsi tsoné꞉kothe ne Meribah nón꞉we.

Joshua 9:14

Ne Israerʼró꞉nons ostónha wahatihienásehrons ne kákhwa tsi tahonwénhnon, ók iáh ki tehonwarihwaién꞉ni ne Roiá꞉ner né꞉tho aorì꞉wake.

Judges 1:1

Sarénheie ne Joshua nonhkweshón꞉as Nisraerʼró꞉nonke wahonwarihwanónh꞉tonhse ne Roiá꞉ner, “Kanikáien ne tsi nihionkwenhtsówa entiakwahtiérenhte ne iahiakhihiatsatónhti ne Canaanró꞉nons?”

Judges 20:18

NʼIsraerʼró꞉nons tsi tsonhterenhnaienthákwah niahónhne né꞉ne Bethel nónhwe, tánon thóh nónhwe nahonwariwanónhtonse ne Rawenni꞉io, “Onhnaʼkentsiokóten enthontsérenhte niahonwanatsathónhti ne Benjaminró꞉nons?” Ne Roiá꞉ner watharihwasehráko, “Né꞉ne Judah rahothitsiókwah.”

1 Samuel 14:19

Tsi nikarí꞉wes ne Saul teothítaʼre ne ratsihénstatsi, tsi nihiotsarókwen tsi ronaná꞉taien ne Philistines sén꞉ha wahoseráreste; tánon ne Saul wahawénnhase ne ratsihénstatsi, “Tó꞉sa othènen saterihwaststérist.”

1 Samuel 23:9

Nó꞉nenh ne Táwit saharihwáronhke nètho Saul tsi roteristahientáhtsies ne karihwahetkénhsera tsi nó꞉kwah ne raón꞉ha, wahawénhase ne ratsihénstatsi Abiathar, “Tasáf tí꞉ken ateniʼiónta kénʼen.”

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.

1 Samuel 30:7

Ne Táwit wahawénhase ne ratsihénstatsi Abiathar ne ne roién꞉ha ne Ahimelech, “Táskon thí꞉ken ionthenkweʼnorók꞉ta.” Káti ne Abiathar tahá꞉hawe ne ionthenskweʼnoróktha tahá꞉wen ne Táwit.