Numbers 27:20 - Ohiatonhseratokénti

²⁰ Thá꞉tshon osthónha ne sashatsténsera, né káti nahónton nonhkweshón꞉ʼa ahonwawénhnarakwe.

Numbers 27:20 ပူးပေါင်းရင်းမြစ်များ

2 Kings 2:15

Né wísk-niwásen niháti rothitó꞉kense ne Jericho nithonénon wahonwáken tánon wahonhníron, “Né rahoshastsʼténsera ne Elijah rahonháke ne Elisha sakará꞉ne!” Thóh niahónhne iathonwáterathe, rahohénton wathontsákete,

1 Chronicles 29:23

Káti ne Solomon roʼníha Táwit tonhsahonakthákwen tsi wahá꞉tien nanitskwáhraʼne né꞉ne Roiá꞉ner rorihwasehrónhni. Kwáh í꞉ken tsi wahoianerásten tsi nihononhtí꞉ioʼkwe, tánon kwáh kanakerasehraʼkwé꞉kon Nisraeʼró꞉nonke tsi ronwahwénhnarakwahke.

1 Chronicles 29:25

Né Roiá꞉ner washakahónhnien kwáh kanenhrakwé꞉kon tsi ahonwatsanísheʼke ne Solomon, tánon né wahahónhniaʼte ne sénha rahónʼa taharénhsaronhke tsi ní꞉ioht ne thotihénton thotinontí꞉iosʼkwe né thóh ratikórahkwe Nisraeʼró꞉nonke.

Numbers 11:17

Kwáh entʼkátsnenhte tánon thóh nónhwe natenʼtenithá꞉ren, tánon ostónha enskónhkwah nonikonhratokénti ne tkonhiáwi tánon roʼnónha thetekhéhion. Ethòne kíʼ enhathikwéni nahiesaiénawase nashaʼterihwakéthaʼte kí꞉ken onhkweshón꞉ʼa akorihwáke, tánon iáh sonhá꞉aʼkhók thasatkéthate.

Numbers 27:19

Tsró꞉ri rahohénton ne Eleazar ne ratsihénstatsi tehá꞉tann tánon ne onhkwetaʼkwékon, tánon thóh akohénton satró꞉ri tsi rahónʼa thonsahianakthákwen.

Numbers 27:21

Né enhoniahesénhake ne Eleazar ne ratsihénstatsi, rahón꞉ʼa enhorihónhnien tsi niwakenikonhró꞉ten ne énratsʼte ne ionsthaʼsónhas né Urim tánon ne Thummim. Thóh kíʼ ní꞉ioht ne Eleazar tsi enhohéntenhse ne Joshua tánon nonhkwetaʼkwékon ne Israerʼronónke ne orihwakwékon ne rahotirihwasónhas.”

1 Samuel 10:6

Eʼthóhʼne ne raoʼnikonratokentítshera ne Roiá꞉ner tenhiotenonʼianitónhake tsi ensatiaʼtakwení꞉ioste, tánon ní꞉se kwáh èhʼthoh nenhsaʼiátawen tsi tsheʼiawé꞉nhon tsi ienseriwáken tánon ronón꞉ha enseiatiáʼtarase tánon ó꞉ia nenshonʼkweʼtó꞉tenhne.

1 Samuel 10:9

Tsi natonsahatʼkaraténi ne Saul ne tahonsahiaʼtekhási ne Samuel, Ne Ní꞉io tontaháwen ne Saul á꞉se nonsaronhnáwenhne; tánon kí꞉ken ne kaienteresʼtákwen akwé꞉kon wakaʼná꞉nen neh siwenhniʼseráte.