Numbers 27:17 - Ohiatonhseratokénti

¹⁷ tánon nahakwéni nashakorihónten ne tsi waterí꞉io, né káti ne ienákere tó꞉sa thóh nahotihiátawen tsi ní꞉ioht ne teiotinakaronhtónʼa iáh tehiotí꞉ien nakonhwanatenhnikonhráren.”

Numbers 27:17 ပူးပေါင်းရင်းမြစ်များ

2 Samuel 5:2

Asèken kwáhʼthóh tsi nikarí꞉weskwe, tsi náhe ne Saul shonkwanontí꞉iokwe, kwáh í꞉se tethesehiatinekénʼen Israerʼró꞉nons tánon thontasehiaténhawe. Ne Roiá꞉ner ièn꞉ni ónhka nenhsakotenhnikón꞉rahren nakonkweʼtashón꞉ahs Israerʼró꞉nons, í꞉se ne kwáh ensatkóraste NÍsraerʼronónke.”

1 Kings 22:17

Né Micaiah watharihwaseráko, “Khékens Nisraerʼró꞉nons rahotisóh꞉tar tehonarénion tsi hionhniarónhnions tsi ní꞉ioht ne teiotinakaronhtónʼas iáh tehiotí꞉ien ne shaʼkónonhne. Tánon ne Roiá꞉ner wahénron, ‘Kí꞉ken ronhnónhkwe iáh tehothí꞉ien ne sakohénthenhse; sheʼríhon kwáh skénhnonk tsi sonhthénhti.’”

1 Kings 3:7

Ó Saiá꞉ner Sewenní꞉io, waskeríhon né tahonsahiʼnakʼthákwen ne rakeʼníha tsi rononhtí꞉iokwe, iawerohátien tsi kénk niʼtewatiónha tánon iáh tewakateriéntare onhʼní꞉ioht tsi akatʼkórasʼthe.

2 Kings 11:8

Né natsisewatenhnikonhráren ne Ronnontí꞉io Joash sewahá꞉wak ne sewasarekóʼwáhs tánon skát꞉ke sewéh꞉sek kwáh tsík nonwéʼsons nienhénre. Ónhka ne sewaiatátʼta niahónhne tsi sewanonwariákon.”

2 Chronicles 1:10

ká꞉ti táskon naʼtenikonhratʼthokhátshera ó꞉ni ne kanikonhraienthátshera tsi naʼtewakatonhontsóni nakheʼiatkóraste. Asèken, onh ní꞉ioht tsi akʼkwéni nakheʼiatkóraste kí꞉ken tehionenhranón꞉hiani shonkweʼtashón꞉as?”

2 Chronicles 18:16

Micaiah watharihwasehráko, “Khé꞉kens Nisraeʼró꞉nons ronhterí꞉ios tsatehonarénion tsi ionhnonhtarónhnions tsi ní꞉ioht ne teiotinakaronhtónhʼas iáh tehionhnonkwétaien nashakotenhnikonhráren. Tánon ne Roiá꞉ner wahénron, ‘Kí꞉ken ronhnón꞉kwe iáh tehononhkwétaien nashakohéntenhse; ietsiríhon skénnenk tsi shonténhti.’”

Ezekiel 34:5

Tsioríhwa ne teiotinatkaronhtónha tsi iáh tehiononhkwétaien nasakotenhnikonhráhren, tsiatehionahréhnion, tánon konhtírhios konhwahtinonhwahrhiákonh tánon konhwatiwáhrats.

Zechariah 10:2

Nonhkweshón꞉ʼa ne shakotinikonríhsats ne kahiatón꞉nis tánon ne rontthiathonsehratkénses, ók tsi tehonwahthirihwasehrahkwén꞉nis ne nonhówenh ó꞉ni ononhwahrohríhtha. Ó꞉tiaʼkes tehierihwakʼthétha nateʼtsénhseras, ók kwáh ne khók nahieshanikonráhten; ne kaʼnikonranirákʼtshera teshakoná꞉wis iáh othé꞉nen tehiorihón꞉te. Káti nonhkweshón꞉ʼa tsi tehiakotawénhhre kwáh thóh ní꞉ioht tsi shí꞉ken ní꞉ioht ne teiotinakarontón꞉a ahionahtiathatónʼon. Rothiʼnikonrahronhiáken né tsi iáh tehononhkwè꞉thaien nahshakohén꞉thenhse.

Zechariah 13:7

Ne Roiá꞉ner Roshatstenhserowá꞉nen rá꞉ton, “Ih꞉tie, asharehkó꞉wa, tánon iatsiatiaʼthón꞉ti thí꞉ken ranónhnhe ne rahtioténhseh! Tienonhwarhià꞉konh, tánon ne teiotinakarontón꞉a tenkonhrén꞉ni. Kwáh ienkhehiatiaʼthón꞉ti nakonhkweʼtahshón꞉ʼa

Matthew 10:6

Israerrononke ok tanon teseȣaststekafa saietsiiahaharat ne iakohiatatonhon.

Matthew 15:24

Tahenron tsi iahatati: neok se tionkȣatorieton, naonsakheiahaharate nʼIsraerhaka rotiiatatonhon.

Matthew 9:36

Ȣasakotenre, nonen sahonikonraientane tsiniiot tsi ratinakere, ok tiiatehonarenihon aniosiken teiotinakarontonha iah teiotiien ne ranonhne.

St. Mark 6:34

Sontahatitako ne Iesos ȣahakahenhion tsini kentiokoȣanen etho iakotkennison; ȣasakotenre, neh tsi eh niiakoiataȣenhon tsi niiot ne teiotinakarontonha ne iah teiotiien nasakohnonna, nok eso are etho nonȣe nasakorihonnien tsi ȣasakotati.

John 10:9

Ii ne tsi kannhokaronte; onka iihne enhiontaȣeiate neh enhieniakenne, enhiontaȣeiate oni entsieiakenne nok enhiestsenri ne kakkȣiio.

Deuteronomy 31:2

tánon wahèn꞉ron, “Ó꞉nen énska tewenhniáwe tánon tewáhsen naʼtewakoserihià꞉kon tánon iáh ó꞉nen tahonsaʼkwéni nahonshakwenhéntenhse. Tánon thíkate kí꞉ken, ne Roiá꞉ner rakró꞉ri né꞉tho tsi iáh tsiathatiahiáke ne Jordan.

1 Tiér 2:25

Neh thisisewatiérenskwe ne teiotinakarontóna ne ionatiatatónhonne, nók ónen thetsitsihiaténha natsisewásere ne sakonón꞉ne ne teiotinakarontónhas ó꞉ni ne ranónne ne sewatónnhets.

1 Samuel 18:13

Káti ne Saul éhren wahohiatenhawí꞉ten ne Táwit tsi nón꞉we níres, tánon ne wahorihónten nasakohéntenhse ne tehonwennawehetserásen; tánon ne Táwit iehanenhrínekenskwe tánon tetonhnéthakwe, sakohentenhsehá꞉tie ne ronterí꞉ios.

1 Samuel 8:20

káti ní꞉i kwáh thóh nahiotón꞉hake tsi kiʼ ní꞉iot ne ronatiaʼkésons ronhnonhontsaʼkerónons, tánon nètho onkwanontí꞉io ashonkwatkórasʼte tánon iehahiá꞉ken nonkwahénton tánon shonkwaterí꞉ios nonkwateriʼióseras.”