Numbers 27:11 - Ohiatonhseratokénti

¹¹ Tó꞉ka iáh othènen tehothatekénsen khès iáh ó꞉ni tehóien ne rononhwáha, ethòne kíʼ né꞉ne kwáh ákta ronhtátenonhkwe enhatiʼiéna tánon enhontiénawasʼte tsi enhonawenhkónhweke íken. Nonhkweshón꞉ʼas NIsraerʼró꞉nonke tsi enhatikweʼniénsthake kí꞉ken tsi kaianerénhsera íken, kwáh kíʼ tsi ní꞉ioht tsi Í꞉i, ne Watiá꞉ner íken, tsi wakonhrihónten.”

Numbers 27:11 ပူးပေါင်းရင်းမြစ်များ

Jeremiah 32:8

Ethóhʼne, kwáh tsi niháwenh ne Roiá꞉ner, ne Hanamel wahatiató꞉renʼne thóh nónhwe nahtenhénrahkon tánon waʼhakeriwahnónhthonʼse nakʼkhenthanínonh. Káti honkateriéntharaʼne ne Roiá꞉ner tsi kwáh oriwiʼiohónwe tsi raktharáhni.

Leviticus 25:25

Tó꞉ka ónhka tsi nítsion Nisraerʼró꞉nons nahisewenhténhthaʼne tánon enhietʼtsihiónhnien nahisewathenhní꞉non ne tsionhóntsa, né kwáh ákta sewatátenonʼkwe ne ensronhontsanínon.

Leviticus 25:49

khés ne ronhnonwáha khés ne ronaraséha khés ne ónhkak nákta iathatenón꞉kwe enwáton nahonsahonwahiathanínon; khés ne iatehatiʼhiáti iaʼtekaiéri tsi naʼtehonthenhtsáhas, enwá꞉ton kíʼ ne iatehatihiáti nahatinínonh ne rahonathatewenhnihiótshera.

Numbers 27:10

Tó꞉ka iáh othènen tehotatekénsen, né kíʼ ne roʼní꞉ha iathatekénha enhaiéna ne rahoienhtátshera.

Numbers 35:29

Kí꞉ken kaianerénhseras í꞉se sewarihwáke íken tánon tsi iensewatʼwatsíʼrihne né kwáh tsitʼnónhwe nahisewaná꞉kereke.

1 Samuel 30:25

Thóh wenhniseráte tsiotásawe wahaianerenhserónhni tánon tsi nenhotiʼrihoténhake NʼIsraerʼró꞉nons; shé꞉kon thóh nikarihóten nón꞉wa wenhniseráte.