Numbers 26:53 - Ohiatonhseratokénti

⁵³ “Tetsinárit nonhóntsas tsi natehónteres nonhkweshón꞉ʼas, né tewanónhton tsi niháti.

Numbers 26:53 ပူးပေါင်းရင်းမြစ်များ

Genesis 12:2

Ne enkónniaʼte tsi nienhsathwatsí꞉rine naesewatiohkowá꞉nenke, tánon kwáh enkoniaʼtaté꞉rihste tánon enkonhsennó꞉wanahte, ne katiʼ nahsheiatʼateríhsthake nakohrén꞉shon.

Genesis 12:7

Ethó꞉ne ne Roiá꞉ner wahototáhshien ne Abram tánon wahén꞉ron, “Tsi nienhsathwatsí꞉rine, né kí ne kanakeráhsera kheiawí꞉re.” Sók kíʼ thóh nón꞉we nahaónnien ne ietsenhahráhkwa ne Roiá꞉ner, ne ne rototahshién꞉ni.

1 Chronicles 16:18

“Entʼkónhion non꞉ontsa ne Canaan nón꞉we,” wahénron. “Kwáh í꞉se ensakwenhkónweʼke.”

Psalms 105:44

Né waʼsakahonhtsawí꞉hon nakorénshons raononhontsashón꞉has, tánon né waʼhatiʼientʼwakwenháton nakorénhshons rotiʼientʼthó꞉serons,

Psalms 49:14

Kenhé꞉ion ienhiakosárihne; tsi ní꞉ioht ne teiotinakarontónha sakohentenhseháties ne sakó꞉nonhne; né iakoianere enhonwaʼnaterihwát꞉kweni, né raotiierón꞉ta iostó꞉re tsi enhiotken; thóh nón꞉we tsi tsohontsáien ne kenhé꞉ion ahí꞉non nió꞉re iéken ne tsi ratíteron.

Ezekiel 47:22

Né꞉ne sawenkónhwe enhkénhake. Né thihononhontsátes né skátke sewanáhkere tánon ne rothiwirahientáhon kénʼen ronahnakeráhton ónenk nonhnéʼe tsi enhothihiatáheste nohóntsa nó꞉nen teshiá꞉kon. Kwáh thóh nenhonwanahtiérahse tsi sí꞉ken ní꞉ioht ne ahatihiathanánonhke Israerʼró꞉non í꞉ken tánon entʼthontihéntʼto nonhóntsas skátke ne Israerʼró꞉nons.

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Numbers 26:52

Ne Roiá꞉ner wahawénhase ne Mahís,

Numbers 26:54

Shewasthótshon tsi tetsiná꞉rit nonhóntsas, tánon kowanénhak thaséhion ne ronatiokowáhnen íken tánon kénk ní꞉wa ne kénk nihatíha íken.”

Numbers 33:54

Tesewahiakhónhnion nonhóntsa ne tsi niatehotitsiókwahkes ó꞉ni tsi nihotitarótens sehwawastóhʼtshi tsi ehʼnenhsewáiere, kowaʼnénhak taietʼtsíhion ne kaientátshera ne roʼnatsiokowánen tánon kènk nihiohóntsa taietʼtsíhion ne ken nihotitsiokwá꞉a.

Matthew 5:5

Iakotaskat nʼok tiiakaȣeron iaȣeronhatie; aseken akoȣenk enȣaton nonȣentsia.

Joshua 1:6

Thashaʼnikonhrakontaʼkwénhak tánon shaʼnikonhranirónhak, asè꞉ken í꞉se enshehéntenhse kí꞉ken onhkweshón꞉as tsi ienhontiaʼtakwehní꞉ioste kí꞉ken ohóntsa ne kehiararatstén꞉ni ne shakotisoʼthonkonhkén꞉en.

Joshua 11:23

Ne Joshua kwáh ohontsakwé꞉kon wahatié꞉nawatste, tsi ki nihoró꞉ri ne Roiá꞉ner ne Mahís. Ne Joshua Israerʼró꞉nons thasaká꞉wen nahonawenhkónhweke tánon tenkahiakhónhnionke, énska ne sohthitioiókwah enhatiienà꞉seron. Káti nonhkweshón꞉as wahonorihsénhthane tsi waterí꞉io.

Joshua 14:1

“Eleazar ne rokhá꞉res, Joshua, tánon ne sakotihentèn꞉se ne kahwá꞉tsires ne Israerʼró꞉nonke ne raotitióhkwas wateshakotihiaʼkhónhase nonhóntsas ne Canaan né꞉ne tsi iaʼtewatséntos nokwá꞉ti iotohetsthákwen ne Jordan Kaniataratátie tsi naʼtehónteres nonhkweshón꞉ʼa ne Israerró꞉nonhke. Tánon ken kí꞉ken nihiawénhen.”

Revelation 21:27

Ók iáh thaʼhó꞉tens ne iáh teiót꞉kweniens kwáh iáh tsiá꞉hontaweiate, khehs nón꞉ka ne ne iakó꞉hiote nhó꞉nowen, ók nek khók tsi niiá꞉kon ne iesenná꞉re ne teiotinakaronhtón꞉ha raoiá꞉tonhserake ne ionnhe.

Revelation 5:10

í꞉se waseiónhnien né꞉ne ronhnonhontsakeró꞉nons ahón꞉ton tánon ratiʼtsihénstatsis tahonahonwahiò꞉tenhse nón꞉kwa Ní꞉io, tánon ronón꞉ha enthatiniarotároke ne tsi ionwenhtsá꞉te.”