Numbers 26:28 - Ohiatonhseratokénti

²⁸ Tsi rathitiókwahien ne Só꞉se, né kanísera kènhne ne tenihiáse rahonekenterasónhas, Manasseh tánon ne Ephraim.

Numbers 26:28 ပူးပေါင်းရင်းမြစ်များ

Genesis 46:20

Ne Só꞉se Egypt tsi watonhontsá꞉ien nón꞉we, nihonanakerá꞉ton ne Manasseh tánon ne Ephraim, ne ne Asenath konʼwanisténha né sakoién꞉ʼa ne Potiphera, ne ratsihenhstatsiʼ kén꞉ʼen ne On, nón꞉we.

Genesis 48:5

Eʼthó katiʼ ne tehniiáhse sheioʼokón꞉ʼa, ne shenakerátston tsi ionhontsá꞉ien ne Egypt ne nohén꞉ton tsi tehsí꞉teron ne Egypt shiahá꞉ke, ó꞉nenh kiʼ í꞉ʼi akhwá꞉tsire ronatón꞉ʼon; ne Ephraim tánon ne Manasseh kwáh kiʼ Í꞉i kheioʼokón꞉ʼahs enkénhake, kwáh kiʼ tsi ní꞉ioht ne Reuben tánon ne Simeon.

1 Chronicles 5:23

Nonhkweʼshón꞉as ne Tsit-karakwínekens nòkwahti ratinakerekwe ne Manasseh thóh ionhsahontenátaien tsit kanakeraseráien ne Bashan kwáh tsi niió꞉re ne othoréke nòkwahti ne Baal Hermon, Senir, tánon ne tsi Ionónhte ne Hermon, tánon tehiotenonianíton tsi nahonatsokowánah.

1 Chronicles 7:14

Ahónha ne Aramró꞉non raonhatserakénʼen, né Manasseh tékeni teonekenteronhtseraiéntaʼkwe, né꞉ne Asriel tánon Machir. Né Machir né꞉ne ieshoiénha ne Gilead.

Deuteronomy 33:16

Aiá꞉wens ne rahononhontsá꞉kes ne ahontakarà꞉ke ne ioiánere, Rohiatateríston ne tsi nithoriwaié꞉ri ne Roiá꞉ner, Raónha rothatí꞉hon ne tsi iokwiratékʼkhakwe. Aiá꞉wens ne kí꞉ken kaiataterí꞉tsheras iahónhwe tsi ratiʼtá꞉raien ne Só꞉se, Tiorì꞉wa tsi raónha shakohentenséhakwe ne ronhtatekenhokón꞉as.