Numbers 25:4 - Ohiatonhseratokénti

⁴ tánon wahawénhase ne Mahís, “Ratikwékon iasehiaténhaf ne sakotihenténhse NÍsraerʼró꞉nonke tánon, tsi enskewénhnarakwe ní꞉i, sehnonhwariákon kwáh tsi natenhioswát꞉theke ne tsi niwenhníseres, tánon ethòne iáh kíʼ shé꞉kon tahonshakenákwahse nonhkweshón꞉ʼas.”

Numbers 25:4 ပူးပေါင်းရင်းမြစ်များ

2 Samuel 21:6

áhnion ne tsá꞉ta nihonekenteronhtseráien ontionhá꞉ke tasheiaténiet, tánon í꞉i enhiakiniatérenke raohén꞉ton ne Roiá꞉ner ne Gibeon nón꞉we tsi thotenontáhere ne Roiá꞉ner.” Tánon ne ronnontí꞉io wahén꞉ron, “Kwáh kiʼ ienkeiát꞉kawe.”

2 Samuel 21:9

Thóh iasakót꞉kawe ronhnonháke ne Gibeonró꞉non, tánon wahonwatiniaterénkʼkhons tsi ionón꞉te raohén꞉ton ne Roiá꞉ner. Ne tsá꞉ta nihá꞉ti skátne tsi wahonhní꞉heie. Thóh nón꞉we nahonwatiʼnonwaʼrhiá꞉kon ne tsiotenhniseratsieréntʼton tsi niʼieientwákwas, ne tsi nenhtewatá꞉sawenh teiotikonstón꞉res aieientwáko.

Psalms 106:29

Sahonwaʼnakwísa ne Roiá꞉ner né tsi nihatiweienó꞉tenhs, tánon waʼtewaʼthentʼraré꞉ni tsi natehóntere.

Exodus 18:25

tánon waʼshakohiaʼtarahkwenháton ne rohnathonkweʼthakwahríshions tsi natehónteres ne lsraerʼró꞉nons. Waʼshakorihontónhnion nashakotiʼhéntense ne tewenhniawehetʼtserásens, wískʼson niwásens, tánon nʼoierísons nahaʼtíʼhake.

Jonah 3:9

Tóka seʼ nón꞉wa ne Rawenni꞉io tenshoterihwaté꞉nien; tóka seʼnón꞉wa enhátkaʼwe tsi nihonahkhwén꞉en, tánon iáh thaʼetewén꞉heie!”

Numbers 25:11

“Ne aoríhwa tsi nahátiere ne Phinehas, iáh kíʼ ónenh tesehkhenakwáhse nonhkweshón꞉ʼas NÍsraerʼronónke. Iáh tehá꞉weron nahothakatsʼtátonke tsi konhwasénhnaien ne thiʼkaniʼioseráte tsi ní꞉ioht ní꞉i, tánon né kíʼ aoríhwa tsi iáh tekhehiathónton nakenakwahtsherákon.

Numbers 25:18

né aoríhwa tsi niʼiesaiérase nó꞉nen shahesanikonhráten ne Peor nónhwe, tánon né ó꞉ni aoríhwa ne Cozbi, tsi konhwanonhwariákon shiʼkanhrataríhnes ne Peor nónhwe.”

Deuteronomy 13:11

Ethò꞉ne onhkweʼtakwé꞉kon nʼIsraerʼronónke kwáh enhón꞉ronke tsi nahá꞉wenhne; kwáh enhotiʼterón꞉ne, tánon iáh ónhka nonhwénton shé꞉kon ne thóh nahonsahatí꞉iere ne kariwahétken.

Deuteronomy 13:13

né꞉tho otià꞉kes ne iáh othé꞉nen tehionkweʼtastathé꞉nion ne sewentióhkwakon wahonwanatahará꞉kwahte nonhkweshón꞉as ne rahotiná꞉takons né꞉ne akonwashén꞉naien ne nihioʼokón꞉as né꞉tho iáh nonhwénton teʼkonhwashén꞉naien ne tiotierénhton.

Deuteronomy 13:15

ethò꞉ne ki onhkweʼtakwé꞉kon ietsinonhwariaʼkón꞉nion né꞉tho kanatowanén꞉ke ó꞉ni akwé꞉kon ne rahotiʼtshenenhó꞉kons. Kwáh tokén꞉en sewarihwáthont né꞉tho kanatowá꞉nen.

Deuteronomy 13:17

Tó꞉sa othé꞉nen sewathateweientónhas tsi nahó꞉ten ne í꞉se iewátion nahontkarón꞉ni, tánon ethò꞉ne ne Roiá꞉ner tensatkaraté꞉ni tsi nihonaʼkhwén꞉en tánon ataniténron ensnianaʼtónhase. Kwáh enshienténhre tánon entsitsónhnien nahisewentioʼkowá꞉na, tsi ki nishakorahratstén꞉ni ne ietsisoʼthonkonhkén꞉en,

Deuteronomy 21:22

“Tó꞉ka shí꞉ken ónhkak ionhtatenonhwarià꞉kon ne kariwáksen iorihonhní꞉hon tánon ne oierónhta karontà꞉ke iakohiaténton,

Deuteronomy 21:23

iáh tehiówenk ne thóh ahonsonhtí꞉hiake. Ó꞉nenk tsi ne sahenhní꞉sera enkaiathátenke, tiorí꞉wa nonka neh iakohiaténton ne karontà꞉ke neh tsi Rawenni꞉io sakorewáthon. Sewahià꞉tata noierón꞉ta, ne káti ne tó꞉sa tahisewénhtsonste nonhóntsa né꞉tho Roiá꞉ner sewaNí꞉io tetsisewawì꞉re.

Deuteronomy 4:3

Iatesewahià꞉ti wesewatká꞉tho tsi nahá꞉iere ne Roiá꞉ner ne tsi Tionónhte ne Peor. Kanenrahkwé꞉kon washakononhwarià꞉kon tsi konwasénhnaiens ne Baal ne nónhwe,

Joshua 22:17

Shasewehiá꞉rahn nonhwariwaneraháktshera ne Peor nón꞉we, ne nó꞉nen ne Roiá꞉ner washakoré꞉wathe ne rahonkweʼtashón꞉ʼas ne kannratharihnétsheras? Tánon shé꞉kon ne nihionkwaronhiaʼkéntha. Né꞉tho karihwanéren iáh ken tsiatehionkwahié꞉rise?

Joshua 23:2

káti kanenhrakwé꞉kon iashakò꞉nonhke Nisraerʼró꞉nonke, ne thotí꞉ions, ne shakotihenténhse, ne ratirihwénhthas, tánon ne ronaterihón꞉tons nonhkwè꞉ne, tánon wahèn꞉ron, “Ó꞉nen kwáh í꞉ken tsi wakeksténha.