Numbers 25:13 - Ohiatonhseratokénti

¹³ Rahónha tánon tsi nienhatwatsírihne tsi enhiorihwatokénhake tsi ratiʼtsihénstatsis enkénhake, tsioríhwa tsi iáh teshakotakatstáton ónhka ne akóren akénhake tsi nòkwah ní꞉i tánon taháhawe nahonsakanikonhrénhʼen nonhkweshón꞉ʼas akorihwanerahák꞉tshera.”

Numbers 25:13 ပူးပေါင်းရင်းမြစ်များ

2 Samuel 21:3

Ne Táwit wasakawénhase ne Gibeonró꞉nons, “Ónhnakwatiérase ní꞉se? Onhní꞉iot tsi kwáh ahonsakeriwakwatá꞉ko, nètho ní꞉se tsi ashiatatériste tsi nihówenk ne Roiá꞉ner?”

1 Kings 19:10

Watharihwaseráko, “Saiá꞉ner Sewenhnní꞉io Shaʼshastsʼtenserowánen, kwáh tiotʼkonhónwe tsi í꞉se konhióthense—shonháha khók. Ók kíʼ nonhkweshón꞉as Nisraerʼró꞉nonke wathatíhiake né rahonaterihwaseronhniátsera né sewá꞉shon, rotiríhshion né sáwenk ietsienharákwahs, tánon ratikwékon sakotinonhwarhiakónhnion ne shón꞉kwe tasónhas rotithokenséhakwe. Í꞉i khók iaʼtesewakathathénhron—tánon kíʼ ronhtheniéntha nahionhkenonhwarhiákon!”

1 Kings 19:14

Watharihwaseráko, “Saiá꞉ner Sewenní꞉io Sashastsʼtenseroʼwánen, kwáh tiotʼkonhónwe tsi í꞉se konhióthenhse—kwáh sonhá꞉ha khók. Ók kíʼ nonhkweshón꞉ʼas nisraerʼró꞉nonke wathatíhiake ne rahonaterihwaseronhniátsera tsi nòkwah ní꞉se, wahatirihshiónhko ne tsi tienharákwahs, tánon ratikwékon sakotinonwarhiakónhnion ne shonkwetaʼshónhas rotithokenséhakwe. Kwáh kíʼ akonháha khók iatesewakhathathénron—tánon kíʼ ronhthenhniéntha nahionkenonwarhiákon.”

1 Kings 2:27

Ethòne kíʼ ónen ne Solomon sahorihontháko ne Abiathar tsi Roiá꞉ner rahotsihénsthatsi íken, tánon ne warónhniaʼthe né tó꞉kenske ahónhton tsi nahó꞉ten ne Roiá꞉ner tháwen ne Shiloh nónhwe tsi nòkwah ne Eli rahowátsires.

Nehemiah 13:29

Sheiehiá꞉rak, á꞉ke Ní꞉io, tiorì꞉wa tsi wathatitiónste tsi ratitsihénstatsi nahatiiaʼtó꞉ten tánon ne raonaterihwasheronhniá꞉tsheras ne ratiʼtsihénstatsis ó꞉ni ne Levites.

Psalms 106:31

Tánon ehʼnithonwáʼtekwe ne rahónha tsi rorihwiʼióstonse thóh nenhonwaʼtharákwahke né꞉ne tsi nénhwe enhkénhake ó꞉ni tsi niatenhonterehseranétharon.

Psalms 119:139

Nakenhakwáhtshera wahkatsiathatsahátha kwáh tsi ní꞉ioht nótsire, tsioríhwa ne iónkʼshons iáh othènen karíhwa tehonhnónhnis ne shá꞉tsiawenhráseras.

Psalms 69:9

Né꞉ne Sanónsa aokwéniat ontsiatakári; tsi niháti iesanikonraksátha í꞉i sewák꞉ras.

Exodus 29:9

tetsiaʼkwaráhnak tánon tetskenhkwaráhnak. Thóh ní꞉ioht tsi enseriwaníratshe ne Aaron tánon ne sakohiohʼokónhas. Ronʼnónha ó꞉ni tsi nienhontwaʼtsiríne tsi enhiontiótense tsi ratiʼtsihénstatsi enkénhake tsi nènhwe.

Exodus 32:30

Nó꞉ia sahió꞉renhne Ne Mahís washaʼkawénhase nonhkweshón꞉ʼa, “Iorihowánen sewariwanerahákthon. Ók kíʼ nónhwa shé꞉kon kíʼ ieskenonhtárahne tsi ítres ne Roiá꞉ner; tó꞉ka nónhwa enwáton natiéna nahonsakanikonhrénʼen ne sewariwanerahák꞉tsera.”

Exodus 40:15

Ethòne seriwaʼnírats, kwáh tsi nitieriwaniráhti ne ronhwaníha, ne káti nahónton nahiontiótense tsi ní꞉ioht ne rothiʼkháres. Kí꞉ken kariwanirátʼtshera né꞉ne tsi nénhwe enkénhake tsi enhothiʼkharésonhke.”

Isaiah 61:6

ók ní꞉se né enietsinatónhkwahke í꞉se raoʼtsihénstatsis í꞉ken ne Roiá꞉ner, ní꞉se né enietsinatónhkwahke í꞉se ne raoʼnhatserashónhas í꞉ken nónhkwah Ní꞉io; ní꞉se kwáh né ensahtsienhnonhniátaʼkwe ne raoʼnatshokowáhtsheras ne ronhnonhontsakerónons, tánon thóh né raoʼtikwahsehtsherákon ní꞉se kwáh kí ensahiaʼtahnerahkwáhtonhke.

Jeremiah 33:18

tánon kwáh tiókonhte tsi enhonʼnonhkwethaiénthaʼke ne rotikháres ne ne Levi raothitahráhkonh nonhnenhthonʼnéhthaʼke nahiontiótenʼse tánon aterennhaienthaʼtseráhkon tsi akonwahnhatsatátʼtsahaʼte ne katʼtshénenhs, tahontenónhwehron nonátsias, ó꞉ni ne kariwiʼiosehokónhas.”

Jeremiah 33:22

Kwáh enkhetiokowáhnahthe tsi nienhatwahtsiríʼne ne akenhátshera Táwit ó꞉ni enkheʼtiokowahnáhten ne rothikháres ne rahotiʼtáhrahkon ne Levi, ne ne kwáh thóh nawenhtó꞉rehke nahonwahnháshete tsi ní꞉ioht ne tsi iotsistokwahrónnion ne tsi karonhiáte tó꞉ka ó꞉ni tsi níkonh kanesahronkwáhien natsatʼtóntie.”

Leviticus 15:15

Ne ratsihénstatsi skaiáta ienhá꞉thaʼte né꞉ne karihwáneren aorihwáke tánon ne skaiáta né nènhne ne nahonteskónhthake aohorihwáke. Tó꞉ki ní꞉ioht tsi enhaterihwaténtsiate ne orihwakahionhnéha atonhnakanonhnítshera ne rónhkwe rahorihwake.

Malachi 2:8

Ók wesewatiaʼtontá꞉ko ne tsi niiohahó꞉ten ne tkarihwaié꞉ri í꞉ken; í꞉se wesewarihón꞉ni iakentiohkowá꞉nen wahontiaʼtáhton ne ne sewarihonnienníhtshera takarihónniaʼte; waʼtisewá꞉iaʼke ne raonaterihwahseronniáhtshera ne Levi, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs,

Numbers 16:46

tánon ne Mahís wahawénhase ne Aaron, “Iahásaf ne sónhtak waʼtsironhtákwa, wísk niwaswénhtake séhtha né꞉ne ietsienharakwáhke sráko, tánon kanetanó꞉ron sèh roséhron noswénhtas. Ethòne iatesasteríhen tsi thónʼnes nonhkweshón꞉ʼas niaháse tánon ne saterihwaténhtsiat ne orihwakahionhnéha tsionhʼthonhnakanonhnitákwah ne rahotirihwáke. Tesasteríhen! Ne Roiá꞉ner rahonakwáhtshera ónenk tsiotásawe tánon ne kannratarihnétsheras ónenk thontásawen.”

Numbers 16:47

Ne Aaron wahatewénhnarakwe, iahá꞉hawe ne rahóntak waʼtsirarákwa tánon hiatharáthate shaʼtekanenhríhen tsi nónhwe nihonatiataró꞉ron nonhkweshón꞉ʼas. Nónen sahatkátho ne kannratarihnétshera ónenk tsiothásawen, ne kanetanó꞉ron waharóhsehron noswenhthakéson tánon wahaterihwaténhtiaʼte norihwakahionhnéha tsionhntonhnakanonhnitákwa nonhkweshón꞉ʼas akorihwáke.

Numbers 17:12

Nonhkweshón꞉ʼas NÍsraerʼró꞉nonke wahonwénhase ne Mahís, “Ètho kík nienhiótʼte nonhkwahrihwáke!

Numbers 25:14

Tsi nihosenhnóten ne Israerʼró꞉non ne ronhwanonhwariákon skát꞉ke ne Midianró꞉non iónhkwe né꞉ne Zimri né roʼní꞉ha né꞉ne Salu, né onónhtsi íken tsi ratiwatsíraien ne raotiʼtiókwah ne Simeon.

John 2:17

Ethone ne raotiokȣa sahonneiarane tsiniȣaton tsi kaiaton: Sanonsa aokȣeniat onkiatakari,

Hebrews 2:17

Ne kí꞉ken kéntons kwáh thóh nen ronnoténhne tsi ní꞉ioht ne rahonkwatasónha, ne nahónton nahoriwahtokénhake ó꞉ni nahotanitenrátskon tsi ratsihentowáhnen íken tsi nihoʼiótense ne Rawenni꞉io, nekáti nonkwesónhas nahonsahiontatenikónrense nakorihwahnerahákʼtshera.

Hebrews 7:11

Kwáh tsi kanonkwáhʼien ne levitical ratiʼtsihénstatsis né thóh kaianerénsera thonwahnáwi nonkweshónha ne Israeronónke. Káti, thó꞉ka ne rahotiʼhioténseras ne levitical ratiʼtsihénstatsis nahontakarihwahiérike, iáh tataiotonhontiohónhake tihahiátathe ne ratsihénstatsi ahototáshion, saiáta né꞉ne tsi ne nihatsihenstoténhne kénhne ne Melchizedek, iáh tsi nihotirihóten ne Aaron.

Joshua 7:12

Ne ki aorì꞉wa ne Israerʼró꞉nons iáh thahathikwé꞉ni nahonterí꞉io ne tehontaʼtsions. Sahónkete ne tsi rónhnes tiorì꞉wa ronónha ó꞉ni ronhwanatstháshion nahatirihwaiésa! Iáh ské꞉kon skátke tahonsetenésehke nék kók tó꞉kaʼken ensehrihwathónthe tsi nahoʼténhsons ne iesharó꞉ri ne tó꞉sa iá꞉shawe!

1 Tiér 2:5

Kásewe tsi ní꞉ioht ne iónnhe onénias, tánon sewathóntat naʼietsiʼiastste tsi akanonsonníhake ne ionnheʼónwe ononsatokénti, thoʼnónwe nensahióten tsi ní꞉ioht ne rotokénti ratsihénstatsi nasétatʼtse kariwiʼiostóntsera tánon ne kaienawasétsera ó꞉ni naontatsenikonraiérite ne Rawenni꞉io rahonháke ne Ié꞉sos Kerístos.

1 Tiér 2:9

Nók í꞉se ne kentiókwa ne ietʼtsiʼiatarákwen, ne Ronontí꞉io rahotsihénstatsis, ne otiokwatokénti, ne kwáh Rawenni꞉io rahonkwetaʼsónha, kahiatarákwen nahontʼróri ne ionerakwathénion ne Rawenni꞉io rahoweiénnas, ietsisewennónkon tsi tetiókaraskwe tánon thonónwe nonsatsisewátʼkawe ne ioriwanerákwat raoskwatetʼtserákon.

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

Revelation 1:6

tánon shontionhnién꞉ni nahitionkwetaién꞉take, ratitsihéntatsis enhohiò꞉tenhse ne Raoní꞉io tánon ne Roʼní꞉ha, raonhà꞉ke ká꞉ien ne kaiatanerakwhtsera óni ne kashastenhsera tsi nénhwe tánon tsi nienhenwe enkeánhake. É꞉ʼtho naiá꞉wenhne.

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.