Numbers 24:4 - Ohiatonhseratokénti

⁴ Né rakwénies nahothóntene tsi nahoténsons ne Rawenni꞉io ratónhnions. Né tshiatewatkharotáhons atetʼtshenhserákon tsi wakatkátho Honhkatashatáhrase ne Roshatstenserowánen Rawenni꞉io.

Numbers 24:4 ပူးပေါင်းရင်းမြစ်များ

Genesis 15:1

Shontóhetsteʼ kí꞉ken nahorihoʼtén꞉shonʼs ne raowén꞉na ne Roiá꞉ner wahoiaʼtó꞉renʼne nʼAbram tsi ní꞉ioht ne wahotahsatáhrhahse tánon wahothón꞉teʼne ne Roiá꞉ner wahohró꞉ri, “Tósa sáhteronʼn, Abram, Í꞉i né satrenhohstáhkhwa í꞉ken; tsi naʼtensaterihwaʼserákwaʼse kwáh í꞉ken tsi enkowanénhake.”

Genesis 15:12

Kwáh tsi niaʼorahkwenʼenhátie, ne Abram kwáh í꞉ken tsi ioserenhtahní꞉ron tsi níʼioht tsi wahó꞉taʼwe, tánon kahteronʼtsherowá꞉nen tetió꞉karahs wahó꞉raʼne.

1 Kings 22:17

Né Micaiah watharihwaseráko, “Khékens Nisraerʼró꞉nons rahotisóh꞉tar tehonarénion tsi hionhniarónhnions tsi ní꞉ioht ne teiotinakaronhtónʼas iáh tehiotí꞉ien ne shaʼkónonhne. Tánon ne Roiá꞉ner wahénron, ‘Kí꞉ken ronhnónhkwe iáh tehothí꞉ien ne sakohénthenhse; sheʼríhon kwáh skénhnonk tsi sonhthénhti.’”

Psalms 89:19

Waʼsathotási tánon wahsehthá꞉rahse ne rotirihwaʼtó꞉kenʼne sanhátsheras ne waʼhónhnise tkènʼne, tánon waʼshí꞉ron: “Wahiʼiénawaseh ne rasenhnowá꞉nen raterí꞉ios; waʼhiʼianitskwahrá꞉tsheron tsi nikáien nónkwe ronwaʼiatará꞉kwen.

Ezekiel 1:28

Kwáh tiosaháton ne rahiatakʼtóntie tsi tehioterónhronhte, tsi ní꞉ioht ne iorónhronhte teioswátʼte ne tsi iotsikerahrónhnions. Thóh kíʼ ní꞉ioht ne raohiatanerahkwáhtshera ne Roiá꞉ner tsi wahakathotáshiaʼse. Nónenh shakatkátho, kwáh tiekʼkonhskárahte tsi okenhráhke wahtiataiéntahne, tánon onhkathóntehne ónhkak ionhktharáhni,

Numbers 12:6

tánon ne Roiá꞉ner wahénron, “Ónen tsathahónshaʼtat tsi nahó꞉ten enkíron! Nónen ne rotitokénhse skát꞉ke ísehwes, tsi khehiatotashiénhnis ateʼtshenhserákon tánon rahonatetshenhserákons tsi khetaránis.

Numbers 22:20

Ne tsi niwashónhtes ne Rawenni꞉io wahohiatórenhne ne Balaam tánon wahénron, “Tó꞉ka kíʼ kén ronhnónh꞉kwe thonénon nahiesarihwanónhtonhse nahisehwatenró꞉senh, satateweienénhta tánon iahá꞉se, ók nék khók thóh nátier tsi nahó꞉ten enkonhró꞉ri.”

Numbers 22:31

Ethòne ónenh ne Roiá꞉ner wahoríhon ne Balaam nahó꞉ken ne raronhiakeró꞉non thóh írate rasarénhawe; tánon ne Balaam ohontsáke wahathatsiatónhti kwáh tiehakonskárate.

Numbers 24:15

Ethòne wahatróriathe kí꞉ken iekarihwáken: “Ne raoterihwanotátshera ne Balaam né roʼní꞉ha né꞉ne Beor, Né꞉ne rahowenhnahókons ne rónhkwe ne rakwénhnies nahatkátho ne wé꞉ne íken

Numbers 24:5

Ne raonatóhseras NʼIsraerʼró꞉nons kwáh íken tsi waʼtosehríios,

Acts 10:10

Wahathonkáriake tánon wathontonhóntioʼse ne tahatskáʼon; tsináhe ratikwatákwaʼskwe ne khákʼkhwa, tsi ní꞉ioht ne aotetʼtsenen.

Acts 10:19

Tiér sékon neh nihatheniéntha nahonikonraiéntaʼne nahóten kéntons tsi nahóten rotʼkáthon, nónen ne Ronikonratokénti sahénron, “Satahónsatat! Ásen niháti ronónkwe kén꞉en rónʼnes iesahiathísaks.

Acts 22:17

“Jerusalem nionsáke, tánon tsi nikaríwes wahkaterennaiéntaʼkwe nononsatokentíke, wahkatʼkátho,

Revelation 1:10

Í꞉i akatonhnatserá꞉kon kénhne thóh rawenhniserá꞉kon ne Roiá꞉ner, tánon onkatón꞉teʼne thók shón꞉ne ne ne iowenhnakaré꞉ni kwáh ne ne iehonrawátstha

Revelation 1:17

Nó꞉nen sahí꞉ken, watsiataién꞉taʼne rashitákʼtha tsi ní꞉iot nahonkihé꞉ionke. Ók wathakanisnónhsaren ne saweientenhthákwen, ratón꞉nions, “Tó꞉sa saterónh; Í꞉i ne tiotierenhthá꞉kwen tánon nonaʼkénkha í꞉ken,

1 Samuel 19:24

Raónha ó꞉ni wahatʼtieronhniási ne raotsherón꞉nia, tánon raónha ó꞉ni ne waórahne tsi watahonnaríkʼkhon raohénton ne Samuel. Rahiatiónhni raonotstóskon kontatiekó꞉wa nètho wenhniserátekwe ó꞉ni asontahkwekónkwe. Ne káti tsi nahonhníron, “Ne Saul kwáh kén nonhnéʼeh ratikwé꞉kon ne rotiʼtokénhse?”