Numbers 24:17 - Ohiatonhseratokénti

¹⁷ Katkáthos tsi niahawenonhátie, Tánon khékens ne rahotitiókwa ne Israerʼró꞉nons. Ne ronhnonhtíio, kwáh tsi ní꞉ioht ne tehiotsistokwaswát꞉the, tsi entewatkétsko nètho kentiókwahien. Kwáh tsi ní꞉ioht ne katsisthokowánen Israerʼró꞉nonke nénhtewe. Enshakóienhte ne sakotihenténhse ne Moab Tánon enshakononhwenhserário ratikwékon nonhkweshón꞉ʼas ne Seth nónhwe.

Numbers 24:17 ပူးပေါင်းရင်းမြစ်များ

Genesis 49:10

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

2 Samuel 8:14

Thóh washakóteron ne ronterí꞉ios thóh nón꞉we Edom; kwáh tsitnonwéhsons akwé꞉kon ne Edom tsi wasakóteron ne ronterí꞉ios, tánon ratikwé꞉kon ne Edomites ne wahón꞉ton ne Táwit raonhatsherashón꞉ahs. Tánon ne Roiá꞉ner tahá꞉wenh natesenhniétsheras ne Táwit ne kwáh tsikʼnonwéson nienhénreh.

2 Samuel 8:2

Ne raónha kwáh nonʼné꞉eh washakosénhni ne Moabites ó꞉ni, washakahónhnien nohontsáke ahontsiatahkwenhtáro, washakotenienténhnion áhsen níkon washeriʼietowáhnen wahasheriʼietakéron; tsi nihá꞉ti ne tsi natetsá꞉tereh ne tewasheriʼietakes washakononwarhiakhónhnion, ók tsi nihá꞉ti ne ahsénhaton iewasheriʼiétahien washakoríhon nenhné꞉eh nahonnónnheke. Tánon ne Moabites neh wahón꞉ton ne Táwit raonkwetashonhas ó꞉ni nahatíhawe nowísta nahonwakáriaksehake.

2 Kings 3:5

Ók nó꞉nen ne Ronhnonhtí꞉io Ahab Nisraerʼró꞉nonke sarénheʼie, ne Mesha washakonenhrakári Nisraerʼró꞉nons.

1 Chronicles 18:2

Kwáh ó꞉ni waʼshakosénhni ne Moabró꞉nons, rahónha rahonkwetaʼshón꞉as sahónton tánon ronwaʼkariakséhakwe tsi nihiokarahiéntaʼkwe.

Psalms 110:2

Né Roiá꞉ner Zion nón꞉we tahaténieʼte ne kasháste sáhnia. Né énshaste nasehiatkóraste ne ieshá꞉shons.

Psalms 45:6

Ne Sanakeráhsera, O Ní꞉io, enkátake tsi nénweh! Né sáhnia né wenéstha tsi ioiánere tsi ní꞉ioht tsi sehiatkorástha ne shonkwetaʼshónhas;

Isaiah 15:1

Ne tsi nihotatíhon tsi nitsawénon rahonháke ne Moab. Tsiorí꞉wa ne Ar thóh káien watseshá꞉ton ne tsi niwasónhtes, Né Moab tetkaʼríshion; tsiʼrí꞉wa ne Kir thóh káien watseshá꞉ton ne tsi niwasónhtes, Né Moab tetkaʼríshion.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Jeremiah 48:1

Kén kíʼ nahó꞉ten ne Roiá꞉ner Roshastsʼtenseroʼwáhnen ne ne sakoʼNí꞉io ne Israerʼró꞉nons warénhase ne Moab: “Tesehnonhiánik nonhkweshón꞉as ne Nebo nónhwe— ne raothináta kariwénhkton! Ne Kiriathaim konhwahiénenh, ne hiotenhenrahníronhkwe tenahnahtánenhʼne ehtàke wáhtion, tánon nahonkwetaʼshón꞉a wahonwahnahtéhaʼthe;

Jeremiah 48:45

Ne iáh othé꞉nen tehatiriwástha rotinatenhá꞉wis wahonteʼnién꞉ten nahititsénri nahontaiákone ne Heshbon nón꞉we. Ne ne Ronnonhtí꞉io Sihon thoʼniarotarónhne, ok teiotonhkwáhkwen. Ó꞉tsire iotsahátons ne tsi karistathátse oni ne tiotenónhtates ne ronteriioseranónwes ónkwes ne Moab nón꞉we nihatinákeres.

Zechariah 10:4

Rahothitióhkwakon nón꞉we nenhtón꞉ne ne rathikoráhshons, ronateriónton, sakotihén꞉tenhse, tánon ne ronterihiosehrakweʼní꞉ios nahonwahnatʼkórasthe nakonkweʼtashón꞉a.

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Numbers 21:29

Tsi natehiotenonhnianíton níse sewarihwáke, tsiónhkwe ne Moab! Íse ne sewasénhnaiens ne Chemosh wahetsihiónhnien nahisewarihwahiésa! Ne sewaní꞉io wahonwenhnónhnien ne ronhnónhkwe nahotinenhtenhawíson, Tánon ne konhnónh꞉kwe né꞉ne washakotenaskónhniaʼte ne Amorʼró꞉non ronhnonhtí꞉io.

Numbers 24:16

Ónhka aiekwéni nahiakothóntene tsi nahó꞉ten rathónhnions ne Rawenni꞉io Tánon nahieiéna natohkhátshera tsi nitewé꞉tha ne kwáh éhneken nónhwe. Tiatewaʼtkarotáhon atetʼtshenhserákon Thiʼhiothasátare tsi ríhkens ne Roshatstenserowánen Rawenni꞉io.

Luke 1:78

Akȣa rahotanitenraserakon ne Sonkȣa-Niio, eh oni takaientakȣe tsi ȣasonkȣatkense ne Eneken tkarakȣinekensta.

Hebrews 1:8

Tsi nòkwa ne Roiénha, tsi naʼiotónhake, Rawenni꞉io wahénron: “Ne Sanakeráhsera, O Ní꞉io, enkátake tsi nénweh! Né sáhnia né wenéstha tsi ioiánere tsi ní꞉ioht tsi sehiatkorástha ne shonkweʼtashónhas.

Hebrews 7:14

Kwáh íken tsi kaienteréʼon thóh nónwe nihonakeráton ne rahotiʼtiókwahkon ne Judah; tánon ne Mahís iáh teshakotaráhkwen kí꞉ken kentiókwah shasakothárakwe ne ratiʼtsihénstatsis.

2 Tiér 1:19

Ne káti ónen sénha ísinon nihionkwanikonraníron nateriwanothátshera tsi nihotirihowanháton ne rohtitokenséhakwe. Kwá íken tsi ensaianerásten thóka kwá ákta tsi ahsatennikonráren, tioríwa tsi kwá neh꞉ne kahásera teioswatʼthéton tsi tetiókaras tsi nióre iatenioswátʼthene noronké꞉ne tánon ne teioswátʼte noronkeʼnéha otsísto iateioswátteton ne seweriánes.

Jude 1:11

Tsi natehonaterientawenréhʼon! Ne wahathisere tsi nihoiéren ne Cain. Owísta wakarihón꞉ni tsi thóh nokwáh niahonʼne tsi natehoterientawenrhéon ne Balaam. Wathatirihoróke tsi ní꞉ioht tsi tehorihóron ne Korah, tánon tsi nioiatawénhen wahonwanáthonte.

Revelation 1:7

Satkáto! Tahawenonhátie thóh otsikerakéhsons; kwáh niatekaká꞉rake tsi enhonwá꞉ken, iekaní꞉hare tsi nihá꞉ti ne ronwaháson; tánon raónha enharihón꞉ni akwé꞉kon ne iená꞉kere tsi ionwenhtsá꞉te kwáh enwaktsithó꞉ko. Káti kwáh thóh nenhiá꞉wenhne.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 22:16

“Kwáh Í꞉ih, Ié꞉sos, iehí꞉hiatenieton naʼkeronhiá꞉keró꞉non ne tionhá꞉ke ne naʼsakó꞉rihowahnhaten tsi ionterenhná꞉ientakwas. Í꞉ih notera í꞉ken ó꞉ni thóh nitewaʼká꞉tenekwenhsinon rahón꞉hake ne Táwit, ne ne teioswát꞉te tewenhtenhawí꞉tha otsisto.”

1 Samuel 14:38

Ne Saul wahén꞉ron, “Káts kén꞉en nontásewe, Sewakwé꞉kon ne ietsihén꞉tense nonkweʼókons; tánon áhnion tewariwí꞉sak onhní꞉iot kí꞉ken kariwáneren tsi iotkétskwen nón꞉wa wenhniseráte.