Numbers 23:24 - Ohiatonhseratokénti

²⁴ Tsi ratiʼtiókwahien Israerʼronónke thóh ní꞉ioht tsi shí꞉ken ní꞉ioht ne roʼshatstenserowánen kénreks: Iáh thaʼhatoríhsen tsit enharatsiónhko tánon enshakowèntho, tsi nióre enhanekíra ne rahotinekwénhsa ne ronhwatinonhwariákhon.”

Numbers 23:24 ပူးပေါင်းရင်းမြစ်များ

Genesis 49:27

“Ne Benjamin kwáh ne ne okwáho ne kwáh ratonhkáriaks, nohrhonʼké꞉ne ne raʼwá꞉raks ne shakoʼwènthon, tánon noʼkarahsnéha tenhaiá꞉kon tsi nahó꞉ten ne iotatén꞉ronʼs.”

Genesis 49:9

Judah tho nihshiaʼtó꞉ten tsi ní꞉ioht ne kèn꞉riks nithoión꞉ha; Shakoriohátie ne raʼorió꞉ta tánon raohshón꞉wakon nienhènhsre, Waʼthanòn꞉saien, ratiaʼtakwarihshiónkwas tsi ní꞉ioht ne kèn꞉riks, Tsi ní꞉ioht ne oʼnhéhtien kèn꞉riks—iáh ónhka thá꞉wehre ne takonwaʼnikonhrhá꞉ren.

2 Chronicles 9:18

Iáh-iak nihioterenhthéntseronte tsi nieʼiawénon ne tsi tewanitskwahrahtseró꞉te, tánon tehionrahsitaráhkwah thóh iorahnenhtákon, owistanóron karohrókʼton. Tehionnenhtsaráhkwah iohiénhton ne skatísonh nanitskwáhra, tánon kénreks kaiatonhniserónhni né í꞉rahte ne sewanitskwahratserátis.

Psalms 17:12

Kwáh tsi ní꞉ioht ne kénreks tehiosterihens nahorhió꞉ta nakaráhtionko, tsi ní꞉ioht ne ken nithó꞉ionha kénreks iotahséh꞉ton nahiakó꞉nenhrenhthen.

Proverbs 30:30

kèn꞉reʼks ne aonhá꞉ʼa thatiʼshátste iáh oʼthé꞉nen tehatitshá꞉nis;

Isaiah 31:4

Asèken ne kí꞉ken aoríwa ne Roiá꞉ner wahakénhase, Kwáh tsi ní꞉ioht ne kènreks khés ne kenʼnithohiónha kénʼreks rotatenakónhni tsi nihotherhiotakéken, tánon—nó꞉nen ne raotiʼtsiókwah ne teiotinakaronhtónha sakotiʼnikónhrare ienhonwatinón꞉ke nahonʼsahonwaseré꞉son— káti ne Sakoiá꞉ner ne ratironhiakeró꞉nons kwáh kí enhtáts꞉nenhte nahaterí꞉io thóh tsi Ionónte Zion tánon thóh tsi ionhniáhere.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Amos 3:8

Ne kèn꞉reks wahatonrá꞉ien; ónhka ne iáh thaiakóhteronʼne? Ne Roiá꞉ner Rawenni꞉io rotatí꞉ʼon; ónhka aiekwé꞉ni nek khok kíʼ niaierí꞉wake?

Nahum 2:11

Kaʼnón꞉we nihionatsionwá꞉ien ne kénreks, ne tsi ionatsionwá꞉ien ne kénreks owiraʼshón꞉as, tsi nón꞉we nihonteriotaienthákwa ne kénreks, tsi nón꞉we nihatì꞉teron ne kénreks owiraʼshón꞉as, kwáh kíʼ iáh ónhka thatahonwaʼtinikónhraren?

Nahum 2:12

Ne kénreks wahariotaratiónkoh ses nenhatawéntʼtho tánon ensakowararahtiónkwahse ne ronaténhro ó꞉ni nakohioʼokónha; kwáh kí; thenthawaʼrá꞉rahte ne tsi rotionwaʼien ók kíʼ nón꞉wa ne Ninevah akwé꞉kon iotón꞉ni nahoshatsténhsera.

Zechariah 12:6

“Ne nenhkahá꞉wike kwáh enkhehiónnenh ne rothitahrahién꞉tons ne Judah nón꞉we tsi ní꞉ioht nahiothékhake karáhkon tó꞉ka ó꞉ni tsi ní꞉ioht ne onátsia ionoráhri kahentà꞉ke—kwáh akwé꞉kon enhonwanahthón꞉te nonhkweshón꞉ʼa ne ákta rahthinákere. Nonhkweshón꞉ʼa ne Jerusalem kwáh nenhné꞉e sak tenkénhake ne kanathakónhson.

Numbers 23:25

Ethòne ne Balak wahawénhase ne Balaam, “Iáh tesatʼthontáton nasehrewáton nonhkweshón꞉ʼas NÍsraerʼronónhke, ók tó꞉sa kíʼ sehiatatérist!”

Numbers 24:17

Katkáthos tsi niahawenonhátie, Tánon khékens ne rahotitiókwa ne Israerʼró꞉nons. Ne ronhnonhtíio, kwáh tsi ní꞉ioht ne tehiotsistokwaswát꞉the, tsi entewatkétsko nètho kentiókwahien. Kwáh tsi ní꞉ioht ne katsisthokowánen Israerʼró꞉nonke nénhtewe. Enshakóienhte ne sakotihenténhse ne Moab Tánon enshakononhwenhserário ratikwékon nonhkweshón꞉ʼas ne Seth nónhwe.

Deuteronomy 33:20

Tsi nokwáh tsi ratiʼtá꞉raiens ne Gad wahèn꞉ron: “Tehonwanonhwerá꞉ton ne Rawenni꞉io, tsi raónha wahakowanáhthe ne rahotinakeráhsera. Ne Gad thóh ní꞉ioht tsi tehionénraien tsi ní꞉ioht ne kénreks Nashakonenʼtsióskare tó꞉ka óni ashakononhonrahráko.

Revelation 5:5

Ethò꞉ne saiá꞉ta ne rarehtsá꞉rons wahakénhase, “Tó꞉sa teshaséntʼto. Satkáto, ítsken ne raothitárah ne kén꞉reks né꞉tho nón꞉we Judah, ne naotéra ne Táwit, ne roʼtesénhnion, káti ne enhakwé꞉ni tahaiatonhseraʼkhási tánon ne tsá꞉ta ní꞉kon kanakentó꞉ron.”