Numbers 23:21 - Ohiatonhseratokénti

²¹ Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Numbers 23:21 ပူးပေါင်းရင်းမြစ်များ

2 Chronicles 13:12

Rahonhatsíwa ne Ní꞉io tsi sonhkwenhéntenhse tánon ne rahotsihenstatsihókons kénʼen rónhnes ronathateweienhnenhtáhon nahatihonráhwate tánon ne iahiontkhínonhke nahitewaterí꞉io. NʼIsraerʼró꞉nons, iáh né tehonhtirí꞉ios ne Roiá꞉ner, ne Sakoní꞉iokwe ne ietsisokthonkonkénʼen! Iáh tahisewatkwéni!”

Psalms 103:12

kwáh tsi nió꞉re ne tsitkarakwínekens tánon tsi nió꞉re ne tsi iatewatʼtsénhthos, thóh kiʼ nió꞉re tsi éhʼren rohawíton nonkwarihwaʼnerahákʼtseras.

Psalms 118:15

Kwáh í꞉ken tsi karenhní꞉ios rotirénhnaiens ne natesenhniétshera í꞉ken ne raonatosehrákons ne thonhnonkwetaiéris: “Né saweienhtethákwen nahanentʼtsáti ne Roiá꞉ner né iakosénhnies;

Psalms 135:21

Tahonwanonweráton ne Roiá꞉ner ne Zion nón꞉we nahontáwe, né꞉ne tsi nikáien ne Jerusalem nón꞉we nihénteron. Tehonwanonweráton ne Roiá꞉ner!

Psalms 23:4

Eʼthohʼsáne thóh nón꞉we níh꞉ke tsi nón꞉we ne kwáh tetiokaraskówa nahonrákwahkon ne kenhéion, iáh teketsá꞉nis ne kariwahét꞉ke; asèken ʼI꞉se tenikwé꞉kon; ne sáhnia tánon ne sathénhnits— né ionkenikonhranírats.

Psalms 32:2

Iakotáskat tsi nihiákon né Roiá꞉ner tsi iáh othènen tatehsesakoráhwi, tánon ne tsi iakónnhe kwáh iáh othènen tekáien ne kanikonhráhton.

Psalms 32:5

Eʼthóhʼne káti wahkerihwahnírathe nahkerihwahneraháktsheras nisèke; iáh tewaʼkatónhniʼen tsi waʼkerihwanerenháskon; Waʼkhíron, “Kwáh kíʼ enkerihwanírate nakerihwanerahák꞉tshera rahonháke ne Roiá꞉ner,” tánon saskenikónhrenhse tsi niwakeníkon nakerihwanerahák꞉tsera. Selah

Psalms 46:11

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 46:7

Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

Psalms 97:1

Né Roiá꞉ner séh Ronnonhtʼi꞉io í꞉ken! Ánion ne tsi ionhontsáte waʼtonhnáren; iekaníhare nonkwershón꞉has ne ahí꞉non nió꞉re tkawenó꞉tons tsenakerénions iontsenhnónhni!

Psalms 99:2

Né Roiá꞉ner kwáh í꞉ken tsi roshaststenserowáʼnen ne Zion nón꞉we; ratikwékon nieʼsakosenhnakénhnion nonkweshónha.

Exodus 13:21

Ne tsi niwenhníseres ne Roiá꞉ner rahoʼtihénton niaʼhá꞉re tsi iotsikeró꞉te nasakonahʼtónʼhaʼse tsi niehiotʼthahínon, tánon ne tsi niwaʼsónhtes rahoʼtihénton niaʼhá꞉re tsi iotsiró꞉te né taʼsakoswatʼthèten, né káti nahónton ne nahsonhtʼthènnen ó꞉ni nenhtiéʼkehne tahontháhaʼkwe.

Exodus 3:12

Ne Rawenni꞉io wahthaʼriwahseràko, “Í꞉i enthenikweʼkónhake, tánon nónenh tenhtesehiaʼtínekenʼwe nonhkweshón꞉ʼa ne Egypt nónhwe, kwáh kènʼen tsi ionónhte ensekʼsénhnaien. Né enkariwahnírahte tsi iekonhiaʼteniéthonʼne.”

Exodus 34:9

Wahénron, “Saiá꞉ner, tó꞉ka kwáh tókenske serientí꞉ios nakonhàke, Konriwanonhtónhnis nahitewaʼteró꞉shen. Kíʼ onkweshón꞉a ne rotinonhtsistanírons, ók shaʼsanikónhren nonhkwariwahetkénsera tánon nonhkwahriwanerenháktshera, tánon takwahiéna tsi í꞉se shonkwéta akénhake.”

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Isaiah 12:6

Teshahénret iorakareníhak tánon tesehríh꞉wak natonhnarátshera Ó nètho sewanákere Zion, asèken tehotenonhianíton ne sewanenhríhen rénhteron ne Rohiatatokénti Saiáta khók í꞉ken ne Israerʼronónke.

Isaiah 33:21

Ók thóh nón꞉we ne Roiá꞉ner raoiatanerakwáhtsherakon kwáh enteshonkwahrihwáwaʼse thóh tsi nón꞉we ne tekaniataraʼkáron ó꞉ni né kahionhatátie, thóh nón꞉we ne wathénhnios kahonhiowá꞉nen ne ratikáwes iáh thaʼhónton né nón꞉we niá꞉we, khés ne kwáh kahonhiowanenkówa iáh thaʼhónton né thóh nón꞉we nahontó꞉hetste.

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Isaiah 38:17

Oriwiʼiohónwe né natiaʼtakenáhtshera kènhne né꞉ne teiotenonhianíton tsi kí wakenikonhráksenhskwe; ók thontasónhneke ne tsi kónnhe ne tsi tsiosónwaien ne atkaronhniátshera, asèken akwékon í꞉she ieshá꞉tion nakerihwaneraháktsheras tshónnhe nón꞉we nisáien.

Isaiah 41:10

tó꞉sa sáteron, asèken í꞉i tenikwé꞉kon, tó꞉sa sáteron, asèken í꞉i ne Saní꞉io í꞉ken; Kwáh kí enkonsasténhseron, kwáh kí enkoniénawaʼse, Kwáh kí enkonhiatenháwa né watesenhniétha ne tsi keweientetákwen.

Isaiah 8:10

Sewatenikonrón꞉ni, ók kíʼtenkatástonhke; sewatáti tsi níkon tesewatonhontsóni, ók iáh kí othénen thahonterihwaténtis, asèken Ní꞉io iakwahkwékon.

Jeremiah 50:20

Ne thóh enwenhniserahtéhnionhke, ráhton ne Roiá꞉ner, iáh thahóten ne kariwáhneren thaʼkatʼtshéronhke ne Israerʼró꞉nonhke iáh ó꞉ni ne Judah nónhwe, asèken ensetʼkhenikónhrenhse nonhkweshón꞉a ne iatehonahthaténron. Í꞉i, ne Watiá꞉ner, wakatáti.”

Ezekiel 48:35

Ne tkakwékton tsi nihiónsons nashontasónhas ne kaiéri níkon ne skatísons ne kanatowánen 30,000 niwashì꞉take. Nahosénhna ne kanatowánen ne kénhen ienwatásahwen “Ne Roiá꞉ner Kénʼen Ires!”

Joel 2:27

Ní꞉se kwáh ensaterienʼtá꞉rane né꞉tho tsi kwáh satekanenhrí꞉hen nón꞉we níkes Nisraeró꞉nonke, tánon ne tsi Í꞉ih ne Watiá꞉ner í꞉ken, né꞉ne Saní꞉io í꞉ken tánon iáh ónhka nakó꞉ren akénhake. Tánon nakonkweʼtashón꞉as kwáh iáh shé꞉kon nonhwén꞉ton tahonsahonwanatehá꞉te.

Leviticus 9:24

Thonthaiaʼwénhstsi ne Roiá꞉ner ótsire tahathénieʼte, tánon onhthónhte ne watéskonte tánon ne iorèsenhs nahoténsons ne ietsienharákwahke. Nó꞉nen nonhkweshón꞉a sahontkátho, ratikwékon watotihénreʼthe tánon wathontʼtsákeʼte tsiahatiʼkonhsaiénthaʼne nonhontsáke.

Numbers 14:18

‘Í꞉i, ne Watiá꞉ner, iáh tewatiésenh nahonkenákwen, tánon kenéstha kowánen kanoronhkwátshera ó꞉ni tokenhskeʼónwe tánon nahonshakeʼnikónhrenhse ne karihwáneren tánon ne taienenhrá꞉rihte. Ók kíʼ ó꞉ni iáh thaʼhonkerihwanóron naʼkeréwathe ne ratiksahokónhas ó꞉ni ne sakonaterehokónhas tsi nióre nasénhaton ó꞉ni kaieríhaton niaʼtehioteresehráne né rahotiʼrihwanereháktsheras ne ronhwatiʼiohʼokónhas rahotirihwaneraháktsheras ahonthakarihónhni.’

Numbers 14:19

Tánon nónhwa, Saiá꞉ner, tsi nitewétha ne kowánen iáh thaʼtewathatáwis kanoronhkwáhtshera, shaʼsehnikónhrens, Wakaterénhnaien, ne rahotiʼrihwaneraháktsheras kí꞉ken onhkweshón꞉ʼas, kwáh kíʼ tsi nisehsenikonhrénhse tsi náhe èhren tenonhtenónhte ne Egypt.”

Numbers 16:3

Rahotihénton ne Mahís tánon ne Aaron wahonteró꞉rohke tánon wahonwahnénhase, “Sóhtsi ahínon niahisewáhawe! Ratiʼkwékon ne ienákere ne tsi kanakerasehráien Roiá꞉ner rahonkwetashón꞉ʼas, tánon ne Roiá꞉ner tewakwékon, Nonhtiéren, káti, Mahís, tsi é꞉neken shaʼtatónhnis tsi nó꞉kwah ne Roiá꞉ner rahonkwetashón꞉ʼas?”

Numbers 9:22

Né꞉ne tewenhniseráke khók, khès ne sewenhníta, tsósehra, tó꞉ka ó꞉ni sénha karíhwes, tsi nióre notsíkera thóh èhneken íwes tsi nónhwe niwatóhsehrote, iáh kíʼ thatahonhnáthaʼkwe; ók kíʼ nónenh èhren ènsewete thóh ne kíʼ tenshonʼnáthaʼkwe.

Matthew 1:23

Iah tekanakȣaienteri nenhioȣiraientane; Emmanuel enhonȣanatonkȣe; neh sakat naiahiron Niio teȣakȣekonhatie.

Romans 6:14

Ne kariwáneren iáh thatehiotonwentióhon naihsewatsathakweniʼiósten; níse iáh kaianerenserákon non thetionnhétie nók neh꞉ne Rawenni꞉io rahotenratserákon nón nitionʼnhétie.

Romans 8:1

Iáh ónen thènen teskarewathatseráien tsi niʼiákon neh thóhʼnon niʼiakonʼnhétie skát꞉ne íken ne Kerístos Ié꞉sos.

2 Corinthians 2:14

Tenhinonhwerá꞉ton ne Rawenni꞉io, ne se wáhi teionkwateriwashontere oh naiá꞉wen ne aietewakwé꞉ni ahtshitewaioʼténhse ne Kerístos. Rawenni꞉io tehshonkwá꞉wi ne taietewaterihwaré꞉niaʼte ne Kerístos raorihwà꞉ke kwáh ne neh wenhserakon.

2 Corinthians 5:19

Tsi nahò꞉ten iakwén꞉tons ne Rawenni꞉io nikwékon ne Kerístos shakowískwe ne skén꞉nen ó꞉ni naonsahshakoʼnikónhrenʼse ne kén꞉ʼen ronnonhontsaʼkehró꞉non. Nok í꞉ʼi shonkwaioʼtenhserá꞉wi ne aiehthiiohetstháhse ne raoterihwahnotáhtshera tsi nonkwá ne skén꞉nen.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Deuteronomy 31:23

Ethò꞉ne ne Roiá꞉ner wahotháhraʼse ne Joshua ne roiénha ne Nun tánon wahohró꞉ri, “Shaʼnikonhranirónhak tánon thashaʼnikonhrakontaʼkwénhak. Enhshehéntenhse nonhkweshón꞉a ne Israerʼró꞉nonhke niasehiaʼténhawe ne tsi tsohontsá꞉ien né꞉tho khehiararatstén꞉ni, tánon entenikwekónhake.”

Deuteronomy 32:5

Ók ní꞉se iáh tesewariwató꞉ken, iáh shatekéna théken ne raónha rahonkweʼtashón꞉a akénhake, sewariwanerahákson tánon sewanekonhrátha tsónhkwes.

Deuteronomy 33:5

Ne Roiá꞉ner raónha washakotenonhtí꞉ioste nonhkweshón꞉a ne Israerʼró꞉nonhke nó꞉nen ne rahotiʼtarashón꞉as ó꞉ni ne sakotihéntenhse skátke wahontiaʼtaró꞉roke.

Deuteronomy 9:24

Wesewateraiá꞉takwe tsi nokwáh ne Roiá꞉ner né꞉ne kwáh sonhtakwaienteráhne tsi thóh sisewahiató꞉ten.

Judges 6:13

Ne Gideon wahawénhase, “Tó꞉ka ahónton nakonhrihwanónhtonhse, sénhshie, onh nihiotséren tsi kí꞉ken akwékon éhtho nihionkwahiáthawens tó꞉ka ne Roiá꞉ner iakwahkwékon? Onh nihiawénhon nakwékon tí꞉ken iorihwanerakwahthénions né iakhinihokonhkénʼen hionkhiró꞉ri tsi nihaiérakwe ne Roiá꞉ner—tsi ní꞉ioht tsi tetheshakohiatinekénʼen ne Egypt nónhwe? Né Roiá꞉ner shonkwahtewenhthéton tánon thóh waʼshonhkwátkhaʼwe kwáh tsi nenhthatinónhwene ne Midianró꞉nons.”

1 Samuel 25:28

Ahsatthontátʼtsheke shasanikónren tsi natahioterenhtawehriéhon ne sanhá꞉tshera; asèken ne Roiá꞉ner kwáh oriwihiohónwe tsi enhianontí꞉ioste ní꞉se, ó꞉ni tsi waswatsiratátie, asèken í꞉se saterí꞉io ne raoterihiósera; tánon ne kariwahatkénsera iáh tahkattsiénronhke ne shonháke kwáh tsi nikarí꞉wes enshón꞉nheke.