Numbers 23:19 - Ohiatonhseratokénti

¹⁹ Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Numbers 23:19 ပူးပေါင်းရင်းမြစ်များ

Genesis 26:3

Nikarihwésha kén꞉ʼen tsi ionhwentsá꞉ien tsiʼ terón꞉tak, entenikwekónhake ó꞉ni enkoniaʼtaté꞉rihste; ní꞉se tánon tsi nienhsathwatsí꞉rine kwáh énttion akwé꞉kon kí꞉ken ionhwentsá꞉ienʼs, kwáh kíʼ énkenahne tsi niwakerihwahnirá꞉ton tsi nihihrharatstén꞉ni ne Abraham iaʼníha.

Genesis 28:15

Saterièn꞉tarak tsi tenikwé꞉kon ní꞉se tánon kwáh enkoniatenʼnikón꞉raren kwáh tsi nón꞉we nienhénhse, tánon tentkoniaʼténhawe ne kén꞉ʼen nón꞉we niionhóntsaien; aseʼkénh iáh seʼ thakoniatewèn꞉tehte tsi niió꞉re tho néntiere tsi nikonhrharatstén꞉ni.”

1 Kings 14:11

Ónhka tsi niháti ne sawátsire ne kanatowanénhke nónhwe nenhonhníheʼie érhar kíʼ nènhne enhonwatiwá꞉rake, tánon nónhka ne kahé꞉takes nónhwe nenhonhníheʼie akweksʼokónhas né enhonwatiwá꞉rake. Í꞉i, ne Watiá꞉ner, wakatháti.’”

2 Kings 15:12

Ká꞉ti ne warahrátston kwáh waká꞉nane ne Roiá꞉ner tsi nihosenhénhni ne Ronnontí꞉iokwe Jehu: “Tsi iensatwatsírihne tsi nióre ne kaieríhaton niaʼteiotereseráhne tsi enhotinontí꞉ioke Nisraeʼró꞉nonke nón꞉we.”

2 Kings 7:2

Né kwáh raʼónha ne ronnontí꞉io thóh í꞉reskwe wahawénhase ne Elisha, “Iáh thaónton né naiáwenhne—iáh shé꞉kon tóh꞉ka ne kwáh raʼón꞉ha ne Roiá꞉ner aʼontahateʼnatsáʼnieʼte nó꞉nenk!” “Ensatkátho tsi thoʼneniáwenhne, ók iáh kíʼ thènen ní꞉se thá꞉seʼke ne ká꞉khwa,” ne Elisha wathariwaseráko.

1 Chronicles 17:17

Nék kik sá꞉ka ó꞉nen sén꞉ha isiʼnonwe tsi niʼsaierenhá꞉tie; wasaráhratsʼte tsi nòkwah tsi nienkatwatsiríhne tsi niahaʼwenonhátie, tánon í꞉se, Saiá꞉ner Sewenní꞉io, ó꞉nen thóh nistiérahse tsi shí꞉ken ní꞉ioht nón꞉kak né kwáh iakonkweʼtowáʼnen.

Psalms 110:4

Né Roiá꞉ner kwáh í꞉ken tsi rorihwaʼniráton tánon kwáh kíʼ iáh tatahonsahoterihwaʼténien, “Kwáh tsi nénwe tsi enstsihénstatsi enkénhake tsi ne nihatsihenstotenhne kenʼne ne Melchizedek.”

Psalms 132:11

Kwáh í꞉ken tsi iorihwaʼníron tsi nitsiararáts꞉tenhni ne Táwit né꞉ne kwáh iáh thahakwéni tahá꞉hiaʼke: “Saiáta ne sanekenterónhtshera enhinonhtí꞉iosʼte, tánon kwáh enhatkórasʼte nónenh ensenhéhionke.

Psalms 77:9

Né Rawenni꞉io ronikonhrénhen kén tsi rotaniténhron? Né raonakwáhtshera ne kén tetsonatʼthakwénhni ne raoʼtanitenráhtshera?” Selah

Psalms 89:34

Kwáh iáh tathá꞉tiaʼke nakaterihwasehronʼniátshera, khés ne tahonsatʼténi tsowénhna tsi nitewaʼkewenhnanikéhen né ksáke.

Psalms 89:35

Énskat tsi ní꞉ioht tsi waʼkerihwaʼniráton nakerihwatoʼkentítshera; kwáh iáh tahiʼianowènhten ne Táwit.

Isaiah 21:17

tánon ne iothaténrons raoʼnahénhnas ne Kedar ronterí꞉ios kwáh kí kénk nenhskónhake; ne Roiá꞉ner, Sakoní꞉io NʼIsraerʼró꞉nons, rotatíhon.

Isaiah 31:2

Eʼthohsàne rahónha ó꞉ni tsi nihonikonroʼwánen tánon tháhas ne karihwaiesátshera; iáh tesaktháta ne raoʼwenhnaókons, ók thenthátaʼne niahatsatón꞉ti ne tsi kanónshote ne karihwahetkénsera rotihiótens, tánon sakót꞉konte ne ronhwatiʼiénawase tsi niháti rotihióthens ne karihwáneren.

Isaiah 40:8

Nó꞉honte wastátʼthens, notsítsa watashó꞉kwas; ók ne raowénhna nónkwah Ní꞉io kwáh enkatàke tsi nénhwe enkénhaʼke.

Isaiah 46:11

iehinatón꞉nions nètho akweksʼkówa, né꞉ne Cyrus, né tsitʼkarakwínekens nókwah nént꞉re, né nahinonkó꞉wa tkanakeraseráien né rónkwe riʼhiatarákwen nahasniénon. Tewakewenhniʼnekénʼen, tánon kwáh énkhewe né naiáwenhne; Wakatenikonrónhni, tánon kwáh kí thóh nénhtiere.

Isaiah 55:11

Eʼká꞉ti nónhne nenhiáwenhne nakewénhna tsi nitkaiá꞉kens né tsiʼtshaʼkáronhte; iáh akonháke thaʼtahontáwe nowenhnós꞉kon akénhake, ók kwáh kí enkarihwakanónhni tsi niwakatenikonrónhni, tánon enhioterihwaténtiaʼse tsi kí nahó꞉ten aorihwá꞉ke tsi iekateniéton.

Jeremiah 4:28

Ne tsi ionwenhtsiáte kwáh enwahtsiónʼnion; ne tsi karonhiáte kwáh entsókarahwe. Ne Roiá꞉ner wahatháti tánon iáh thatahonshahotirihwahthénien. Ónenh rothenikonhríhson tánon iáh tahonshahákthaʼte.

Daniel 4:28

Né kí norihwakwé꞉kon tsi nihoiatawénhseron ne Ronnontí꞉io Nebuchadnezzar.

Hosea 11:9

Iáh ne thakateriwathéntsate ne ioʼtéron akehnhakwáhtshera; Iáh shé꞉kon tahonshakerihwathón꞉the ne Ephraim; asè꞉ken í꞉i ne Ní꞉io í꞉ken tánon iáh ónhkwe tè꞉ken ní꞉i, ne Rohiatatokénhti sewanenhrí꞉hen rénhteron, tánon iáh thahontá꞉ke nahonkenakwenhénhake.

Micah 7:20

Kwáh enthétion norihwihioʼón꞉we ne Jacob tánon kenténrat ne Abraham, kwáh tsi nisehrihwanirá꞉ti ne iakisoʼthonkonhkén꞉en ne wahón꞉nise tsi ná꞉he tkenʼne.

Habakkuk 2:3

Kahiatónhak, tiorì꞉wa tsi iáh aré꞉kho tsehióhe ne naiá꞉wenhne nahón꞉we norihwí꞉io; ók ne tsi nikawistáhets iostó꞉re tsi tá꞉we tsi nahorihothénsons ne konhnatónhnionhnis kwáh kíʼ thóh nenhá꞉wenhne. Ethó꞉sane kíʼ nahorihoʼthénsons ioiatakenhé꞉ion ne naiá꞉wenhne; ó꞉nenk tsi ensateráhrate, kwáh orihwiiohón꞉we tsi enwáh꞉we, kwáh iáh tahionísko.

Malachi 3:6

Aseʼkénh Í꞉i ne Watiá꞉ner ne iáh thaʼtekatténieʼs; eʼthó katíʼ í꞉se, ne tshisewaioʼokón꞉ʼahs ne Jacob, iáh tehonwanahtón꞉ton.

Numbers 14:35

Kerihwanírats tsi kwáh kíʼ kén èhtho nenhkwahiérase níse sewarihwanerahátskons tsiónkwe tsi nítsion wesewatsiataróhroke naskwatkónhten. Kénʼen nón꞉we ne karakhonkówa kwáh tsi sewahiatáʼtshons ensewénheie. Í꞉i, ne Watiá꞉ner, wakatáti.’”

Numbers 23:18

tánon ne Balak wahatróri kí꞉ken iekarihwáken: “Káts, Balak ne roʼní꞉ha né꞉ne Zippor, Tánon sathahónsatat tsi nahó꞉ten wátienh nakíron.

Luke 21:33

Karonhia, onȣentsia enȣatohestste, nok nakeȣenna iah neneh nonȣenton tiiakontohestste.

Romans 11:29

Asèken ne Rawenni꞉io iáh nènʼne thateshoteriwateniénʼnis ónhka akénhake nen sakoiataráko tánon nasakoiatatériste.

Romans 9:6

Iáh neh tekáton tsi nihorahrátston ne Rawenni꞉io iáh ehteiawénhen; iáh ratikwékon nIsraelrónon Rawenni꞉io tehahonkwéta.

2 Timothy 2:13

Tóhkaʼ iáh tehionkwariwatóken, iehiokontákwen neh tsi rohriwahtóken, tsioríwah tsi iáh neh tahónton ne rahónha ahatatonnhíhaʼse.”

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Hebrews 6:18

Né kí꞉ken ne tehiorihwáhke, káti, ne iáh tahónton tahonsakathénionke tánon ó꞉ni tsi iáh tahakwéni nahanówenhthe ne Rawenni꞉io. Káti tsi nítsion ne ionkwatʼtshénrion ne rahonháke nónwe naitewahtekwáhsen kowáhnen tsi ionkwahnikonrahníron ioníron tsi ahionkwahtienahwastónhake tsi ne ionkwáhrahre nonkwahénton ká꞉ien.

Hebrews 7:21

Nók Ié꞉sos wahaʼtsihenstón꞉ni nónen sahariwahnírate ne Rawenni꞉io wahawénhase, “Ne Roiá꞉ner iohriwahníron rorahrátston tánon ó꞉ni iáh tatahontaháktate: ‘Kwáh tsi nén꞉we tsi enstsihénstatsi enkénhake.’”

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

Ne꞉ne Sák Rohiaton 4:5

Tóhsa sérek iáh kén oriwí꞉io tèken tsi niwáton noʼiatonseratokénti, “Nonikónra ne Rawenni꞉io róhten nontionhakéson kwáh né kananóntʼton naʼtekefáftseras.”

Joshua 21:45

Ne Roiá꞉ner kwáh orihwakwé꞉kon waharihwaié꞉rihte tsi nishakorahratstén꞉ni nonhkweshón꞉as Nisraerʼró꞉nonhke.

1 Samuel 15:29

Sén꞉ha isiʼnónhwe ne Ronnheʼónwe NÍsraerʼronónke kwáh iáh thatahontahákthate khéhs ne tahonsahoterihwaténien; asèken iáh ne ónkwe thahaiatóten, ne thènen tahonsahoteriwaténien.”

1 Samuel 3:12

Ne éhʼthoh enwenhniserá꞉teke kwáh enkenáh꞉ne nahiʼiatkónten ne Eli akwé꞉kon tsi niwakathatí꞉hon ne aorihwáke ne tsi ronón꞉shote, kwáh tsi nitsiotásaʼwe tsi nió꞉re ne tsi iehió꞉tokʼte.