Numbers 22:3 - Ohiatonhseratokénti

³ rahónha tánon ne rahonkwetashón꞉ʼas wahonateronhniènten.

Numbers 22:3 ပူးပေါင်းရင်းမြစ်များ

Nehemiah 13:2

Ne ki aorí꞉wa tsi iáh tesakotinhataranónhten iáh ó꞉ni tesakotinekanónten ne ratitsataó꞉kons Nisraeró꞉nonʼs, ók ne wahonwanhane Balaam sashakoronhiákente; ók ne Ní꞉io né꞉ne tonsahakaraténiate ne karonhiakénhsera ne kaiathateríhtshera.

Psalms 53:5

Ók kwáh kíʼ enhonateronhniénten, né꞉ne iáh nonwénhton thoʼtèhiot tsi ahonateronhienténhni. Asèken ne Rawenni꞉io teharé꞉niate ne raotistsienshónhas ne ronhwaʼtíshons rahonkwetashónha. Kwáh kíʼ enhonwanatéhate, asèken ne Rawenni꞉io sakotstháshion.

Exodus 1:12

Ók né sénha ne Egyptró꞉nons enhonwatiʼronhiákenhte ne lsraeró꞉nonhs, sénha kíʼ wahonahtsiokowáhnah tánon sénha tenhonwanahréniaʼte ne tsi ionhwénhtsaien. Ne Egyptró꞉nons wahonwatiʼtshá꞉nihke ne lsraeró꞉nonhs

Exodus 15:15

Nohénton iehonʼnéton ne Edom roʼtíterons; Ne Moab ne ratiʼshatsʼtes roʼnónhkwe roʼthiiatihʼshónhkwa; nonhkweshón꞉ʼa ne Canaan nónwe wahonhnikonhrók꞉ten.

Exodus 23:27

“Kwáh enkhehiónhnien nonhkweshón꞉ʼa ne hiesahiotátis nahionketsianíhsheʼke; kwáh tenkhehianithonhniáten nonhkweshón꞉ʼa tsi nikáien nensehwaterí꞉io, tánon kwáh rathikwékon enkhehiónhnien ne iesháshons ne tahonsahontkaraténi tánon nahiesatékwahse.

Isaiah 23:5

Nó꞉nen noríwahse iénhwahwe ne Egypt, kwáh kíʼ enhatiʼnikonraronhiáken tsi nihotirihwarónhken ne Tyre aorihwàke.

Deuteronomy 2:25

Kén꞉en ienwatáshawen kwáh tsit nonhwéson tsi enkheión꞉nien nonkweʼshón꞉ʼas naiesatsaní꞉sehke. Onhkweʼtakwé꞉kon tsi enhotihiatiʼtshónkwe tsi nenhotiʼterónhne nenieshasenhnà꞉ronhke.’

Joshua 2:24

tánon ethò꞉ne waní꞉ron, “Orihwí꞉io onhkenónhni ne Roiá꞉ner tsi teshonkwá꞉wi kí꞉ken kanakerahserakwé꞉kon. Ratikwé꞉kon ne nón꞉we nonhkweshón꞉as kwáh hionkhitsà꞉nis.”

Joshua 9:24

Tsi wathatirihwaʼserá꞉ko, “Thóh nahakwáiere, shén꞉shion, tiorì꞉wa tsi wahakwarihwà꞉ronke tsi kwáh tósken í꞉ken né꞉tho Roiá꞉ner Saní꞉io tsi rohró꞉ri ne raonhátsera Mahís tsi ohontsakwé꞉kon ahontáhion tánon nashakononhwariaʼkónhnion nonhkweshón꞉as tsi nihatinakeré꞉nions tsi nienhénse. Thóh nahakwáiere tiorì꞉wa tsi kwaʼtsá꞉nis; hionkwatéronskwe tsi nihiatsionhnhiénion.