Numbers 21:5 - Ohiatonhseratokénti

⁵ tánon wahonwatirihwákwaʼse ne Rawenni꞉io tá꞉non ne Mahís. Wahatirihwakáthate, “Onhnihiotiéren tsi thontaskwahiatínekenhwe ne Egypt tsi ahiakwénheie ne karakonhkówa, tsi nónhwe ne iáh othènen tekhakwawáien iáh ó꞉ni tekanékaien? Iáh ónenh tahonsahiakwahkwéni nahonsahiakwathakátsʼthate kí꞉ken ioterihónkoʼt kákhwa”

Numbers 21:5 ပူးပေါင်းရင်းမြစ်များ

Psalms 68:6

Né rothinatenháwis Rawenni꞉io sakonatʼtasehronniénhnis né tahontsiásehte ne ratiwaʼtsíraiens; sehsakothatewenhniʼiohseráwis ne ratinhó꞉tons ne nahonsahontatonhnakéna, ók ne ronhnerhiasaníron tsi né nón꞉we nihiahontsiatʼthénʼen nenhathinákerehke.

Psalms 78:19

Waʼhonwanikonrák꞉sate ne Rawenni꞉io, rontón꞉nions, “Ahakwéni onhtèken ne Rawenni꞉io nahontahát꞉kawe ne kák꞉khwa ne iahonwenhtsiatʼténhake nón꞉we?

Exodus 14:11

Wahonwaʼriwahkátaʼtshe ne Mahís, “Iáh kén tekáien ne ionthatsaʼtatahʼahsthe ne Egypt? Kwáh ken kénʼen kahentakeʼkówa ahontaskwahiaténʼa nahiakwénheie? Satʼkátho tsi nasehriʼwakanónhni tsi taskwaʼhiatínekenwe ne Egypt!

Exodus 15:24

Nonhkweshón꞉ʼa wahonwariwakáhtatʼtshe ne Mahís tánon wahaʼtiriwanónhton, “Nahó꞉ten káti ónenh entewanekírah?”

Exodus 16:15

Nónen ne lsraerʼró꞉nons sahontkáto, iáh tehonahteriéntare nahó꞉ten nènhneʼe tánon wathontateriwanonhtónhaʼse, “Nahó꞉ten thí꞉ken?” Mahís wasakawénhaʼse, “Né kí꞉ken ne káʼkhwa ne Roiá꞉ner thaʼtsition nahisewá꞉ke.

Exodus 16:31

Nonhkweshón꞉ʼa nIsraerʼró꞉nonke ne ká꞉khwa kaná꞉taro wahaʼtináhtonkwe. Kwáh né꞉ne ká꞉nen aʼkénhake, tánon thóh nihiaʼwekonhontseró꞉ten tsi ní꞉ioht nʼorahwístha né꞉ne ionhniáton ne otsinaʼkonhthakwá꞉ne otsiʼkhéta.

Proverbs 27:7

Nó꞉nen sáhton, iáh tháhseke otsiʼnahkontahkwá꞉ne ótsikheta, nok nó꞉nen satonhkáriaʼks, iawerohátien ne iotskà꞉ra ne kákhwa teiotsikhè꞉tare tsi énhseke.

Ezekiel 20:21

“Ók nètho ratinekwenhsathá꞉tse kwáh nònhne ionhtsenhnaksáton. Tehothihiákon natianerénsehra ó꞉ni nakeriwahtátʼtsheras, tsi nitkáhas natónnhets nónhka nenhkonhwathiwénhnarahkwe. Rothihetkénton nawenhthatokenhtíke. Wakatatewehienhnenhtáhonhne nahóntʼtoke ne kwáh kashastsʼtenseranáhnon nakenahkwáhtshera thóh nónhwe ne kahentakekówahʼne tánon ratikwékon akhenonhwahrhiákonʼke.

Numbers 11:20

ók kíʼ sewenhníta nikaríhwes, tsi nióre ne tsi teshaʼhonthakáronhte tentkahiákenhne, tsi nióre ne kwáh ensonhnákʼshaʼte. Thóh kíʼ nenhiáwenhne tsioríhwa tsi watsʼkénron ne Roiá꞉ner né tsi rahónha kèn í꞉res tsi nónhwe nísehwes tánon rahónha waʼtserihwakátatʼtse né tsi tó꞉sa nonhwènhton tahontesehwaténhtionke ne Egypt.’”

Numbers 16:41

Nóia shahiórenhne kanenhrakwékon wahonwarihwakatáʼtshe ne Mahís tánon ne Aaron tánon wahonhníron, “Óhtsiakes wasehnonhwariakhónhnion ne Roiá꞉ner rahonkweʼtashónhas.”

Numbers 17:12

Nonhkweshón꞉ʼas NÍsraerʼró꞉nonke wahonwénhase ne Mahís, “Ètho kík nienhiótʼte nonhkwahrihwáke!

1 Corinthians 10:9

Iáh tehiówenk nahtsitewahtheniénten ne Kerístos, tsi né nihotiʼiéren ne ronáhtiakes—tánon óniare wahakohnonwahriákon.