Numbers 21:28 - Ohiatonhseratokénti

²⁸ Iehioteráston kenʼen iehiotásawe kí꞉ken kanatowanénhke Heshbon ne Sihon rahotiókwah ronhterí꞉ios iahatihiákenken tsi ní꞉ioht nótsire; Nahatinatarihwéntʼtho ne kanatowanénhke ne Ar né Moab nónhwe Tánon wahathirihwéntʼtho ne tsi iononhtarónhnions nononhtoharahké꞉sons ne Arnon.

Numbers 21:28 ပူးပေါင်းရင်းမြစ်များ

Psalms 78:63

Né kenhnitiʼtihiónsas tsi waterí꞉io nón꞉we nahonwatinonhwarhiá꞉kon; tánon ne kén nitiotihiónsas iáh ónhka tahiotetʼtiénhri ne rónhkwe nahotíniake.

Isaiah 10:16

Ne kíʼaorí꞉wa ne Ronontí꞉io, ne ne Roiá꞉ner, ó꞉ni Sakoiá꞉ner ne rontirí꞉ios ratiʼronhiakeró꞉nons, kwáh ienhaténiete ne iahotenen kanhrakaiónsehras rononháke ne ronahrésens rahonkwetashón꞉has ronhterí꞉ios, tánon thóh raoiatanerakwahtsherákon entewatásawen entkatsiró꞉ten nahióteke, kwáh tsi ní꞉ioht ne iohtonkwatétkha.

Isaiah 15:4

Heshbon tánon Elealeh nón꞉we watsiaʼkohénreʼte, iaʼtehatiʼwenhnaniháras kwáh tsi nió꞉re ne Jahaz; né káti aoríhwa ne ronterí꞉ios ne raotsió꞉kwa ne Moab wahotiʼhiatíshonkwe; ne raotónnhets wationwíshonkwe.

Isaiah 16:12

Nó꞉nen ne Moab enhatotási raonhatsí꞉wa, nó꞉nenh enhanikonrókten tsi nón꞉we ne kwáh èhʼneken tsiót꞉tes, nó꞉nenh èntre ne tsi raterenhnaientákwah nahaterénhnaien, iáh kí taohianeráhsten.

Amos 1:10

Kwáh katíʼ ienkaténniehte nó꞉tsire ne tsi watenʼèn꞉rote ne tekanatahnákton ne Tyre, ó꞉tsire enwátshaʼahte ne watenʼèn꞉rote.

Amos 1:12

Ká꞉ti kwáh ó꞉tsire ienkatenniéhten ne Teman, tánon ó꞉tsire enwátshaʼhte ne tsi watenʼenhró꞉tons ne tekanatahnáktons ne Bozrah.

Amos 1:14

Kwáh katíʼ enkhtsiró꞉ten ne tsi wateʼèn꞉rote ne Rabbah, ó꞉tsire enwátshaʼahte tsi watenʼèn꞉rote ne tekanatahnákton, teniakohén꞉rehte ne wenhniserá꞉te nenionterí꞉io, ne nenkawerowanénhake né꞉tho enwenhniserá꞉te tsi tenkaweratá꞉se;

Amos 1:4

Ká꞉ti ó꞉tsire ienkaténniehte tsi thonónhsote ne Hazael, tánon kwáh enwátshaʼahte ne tsi roteʼèn꞉rote ne Benhadad.

Amos 1:7

Ká꞉ti kwáh ó꞉tsire ienkaténniehte tsi wateʼèn꞉rote ne tekanatahnákton ne kanatowanèn꞉ke ne Gaza, ó꞉tsire enwátshaʼahte nétho watenén꞉rote.

Amos 2:2

Ó꞉tsire ienkatenniénhten ne Moab, tánon kwáh enwátshaʼahte tsi watenʼènhró꞉tons ne Kerioth, tánon ne Moab kwáh enkénheie thóh shaʼtekanenhrí꞉hen tsi nateiakohenréhtha, thóh tsi satekanenhrihen tsi tehiakohenréhtha tánon tsi nikontiwèn꞉note ne iehonrawatstáhkhwa;

Amos 2:5

Katíʼ kwáh ó꞉tsire ienkatenniéhten ne Judah, tánon ne enwatshaʼáhte ne tsi watenʼenhró꞉tons ne tekanatahnáktonʼs ne Jerusalem.

Numbers 21:15

tánon ne ionhnonthakarénhres ne ahonhráhkwahkons né hiéhio tsi tkanátaien ne Ar tánon thóh nietsiawénon tsitkaristatátie ne Moab.”

Numbers 21:27

Né kíʼ aoríhwa ne ratihiátons tehatirihwá꞉kwah, “Káts Heshbon nonhtásewe, né꞉ne ronhnonhtí꞉io Sihon rahonatowahnénhke! Tehionkwahtonhontsóni nahonsahiakwahtenatónhni tánon nahonshakakwahtákwenhke.

Numbers 22:41

Tsi sahiórenhne ne Balak iahohiaténhawe ne Balaam tsi tsononhtarónhnions ne Bamoth Baal nónhwe, ehʼnónhwe ne Balaam enwáton nashaʼkóken nonhkweshón꞉as NʼIsraerʼró꞉nons.

Deuteronomy 2:18

‘Ónhwa wenhniserá꞉te iaʼtetsonhontsí꞉iak ne Moab rahononhontsà꞉ke né꞉ne tsi niehiawé꞉non ne Ar.

Deuteronomy 2:9

Ne Roiá꞉ner wahakró꞉ri, ‘Tó꞉sa teietsiʼnikónhraren nonhkweʼshón꞉ʼas ne Moab nónhwe, né꞉nenʼne ne Lot raowátsires, tó꞉sa ó꞉ni tasewatáshawen naterióshera ne rononhà꞉ke. Ronónha né tekhehiá꞉wi ne tsi kanatowá꞉nen ne Ar, tánon iáh thahontakwá꞉ion ne thé꞉nen akénhake ne raononhóntsa.’”

Judges 9:15

Nohíkta iokwiró꞉te watharihwasehráko, ‘Tó꞉ka kwaht tesewathonhontsóni ní꞉i sewanonhtí꞉io astsiónhni, áhki kén nonhtásehwe tánon sehwataséhtak ne tsi wakerakwahweʼrósthon. Tó꞉ka ióh thóh tahisehwáhiere, ótsire enkenthonkowána entkaiákenhne ne tsi wakenahatharónhnion tánon enwátʼtsahate nonenhthakwénhtes ne Lebanon.’

Judges 9:20

Ók tó꞉ka iáh, aiáwens ahontakatsirínekenhne rahonháke ne Abimelech tánon ahiakotsatátʼtsahate ne roʼnónhkwe ne Shechem ó꞉ni ne Bethmillo. Aiáwenhs ahontakatsiríhnekenhne roʼnonháke ne ronhnónhkwe ne Shechem ó꞉ni ne Bethmillo tánon ahotsatátʼtsahaʼte ne Abimelech.”