Numbers 21:24 - Ohiatonhseratokénti

²⁴ Ók kíʼ NʼIsraerʼró꞉nons ronatiokowánen wasakotinonhwariakónhnion ne tsi waterí꞉io ne tehontátʼtshons tánon wahontiénawasthe ne rahononhóntsas né꞉ne Arnon Kaniatarahtátie thontásawenh tsi nióre ne Jabbok, né nènhne ne Ammonró꞉nons nónhwe, tsioríhwa ne Ammonró꞉nons tsi karisthatátie kwáh íken tsi ioníronh tsi ní꞉ioht tsi thatínes.

Numbers 21:24 ပူးပေါင်းရင်းမြစ်များ

Genesis 32:22

Ne sonhsón꞉ta ne Jacob wahatkétsko tánon iahshakoiaʼténhawe ne tekeniiáhse rotiniákhonʼs, tánon ne tekeniiáhse raohnhaʼtsheraʼshón꞉ʼahs, tánon ne énska-iawén꞉re nihá꞉ti shakoioʼokón꞉ʼahs, tánon thóh nón꞉we naʼthatiiá꞉iaʼke tsi nón꞉we ne iáh teiohnó꞉tes tsi kaniataratátie ne Jabbok.

Nehemiah 9:22

Tánon ní꞉se thashé꞉ion ne kanakeráhseras tánon nonkweshón꞉as, tánon thóh wateshehiaré꞉niate kwáh tsi niió꞉re ne tehiotenontahwenhétkons. Tánon wahontié꞉nawatste tsi iohontsá꞉iens ne Sihon tánon ne rahóntsas ne ronhnontí꞉io thóh nón꞉we Heshbon tánon ne tsi ionhontsá꞉ien ne Og, né꞉ne ronhnontí꞉io ne Bashan.

Psalms 136:19

Sihon, ne sakononhtí꞉iokwe ne Amorʼró꞉nons, asèken ne iorihwatóken raonoronhkwáhtshera tsi nénhwe enkátake;

Amos 2:9

Tshiehská꞉te kheiahtón꞉ton ne Amorʼró꞉nons ne raotihén꞉ton, tho nihatinenhié꞉sonskwe tsi ní꞉ioht ne onenʼtakwenhténhtshera iorón꞉tote, tánon thóh nihatiʼshátsteʼskwe tsi ní꞉ioht ne karíhton karón꞉ta; wakerihwahtón꞉ton ne raohikshón꞉ʼahs, kwáh waktehrohtshiónkwen ne tsi keríhtonskwe.

Numbers 21:13

Thonhthahonténhti né nónhwe tánon shé꞉kon hionhsahonthatohsehróten né othoréke nokwáhti ne Arnon kaniataratátie, né꞉ne karahkhonkówa íken né꞉ne ièhio ne Amorʼró꞉non kanakerahseráien. (Ne Arnon né꞉ne tsi karisthatátie tsi natetátere ne Moabites tánon ne Amorʼró꞉nons.)

Deuteronomy 1:4

Ne kí꞉ken nó꞉nen ne Roiá꞉ner shihosénhnion ne Ronhnonhtí꞉io Sihon né꞉ne Amorʼró꞉nons nahotaró꞉ten, raónha rakó꞉rahkwe ne tsi kaná꞉taien ne Heshbon, tánon ne Ronhnonhtí꞉io Og né Bashan, raónha ne rakó꞉rahkwe ne tsi kaná꞉taien ne Ashtaroth ó꞉ni ne Edrei.

Deuteronomy 29:7

Tánon nó꞉nen setewáh꞉we ne ken nón꞉we niwatená꞉taien, Ronhnonhtí꞉io Sihon né꞉ne Heshbon tánon ne Ronhnonhtí꞉io ne Og né꞉ne Bashan nón꞉we tahiaténhti nahitewaterí꞉io. Ók ki wahitisén꞉ni,

Deuteronomy 3:16

Tánon ne rahothiʼtiókwakons ne Reuben ó꞉ni ne Gad né꞉ne taʼkhé꞉ion ne tsi kanakeraʼsehrá꞉ien ne Gilead tsi nió꞉re ne Arnon tkaniataratátie. Ne kwáh satekaniaʼtarí꞉hen thóh nónhwe ne entiè꞉ne nokwá꞉ti iotiè꞉ton nihonateristatátie, tánon nothorè꞉ke nokwá꞉ti iotiè꞉ton ronateristatátie né꞉ne Jabbok Kaniataratátie, thóh íhkare ne tsikaristatátie ne Ammonró꞉non karistatátie.

Deuteronomy 31:4

Ne Roiá꞉ner kwáh enshakothón꞉te thí꞉ken onhkweshón꞉as, kwáh ki tsi ní꞉ioht tsi rosénh꞉nion ne Sihon tánon ne Og, ne ronhwatinonhtí꞉ios ne Amorʼró꞉nons, tánon waharihwéntho ne rahotinakeráhseras.

Joshua 13:12

Thóh í꞉kare ne rahonhnonhtihiótsera ne Og, né꞉ne iatesaonhà꞉a ne Rephaim, né꞉ne raónha thoniarotháronhne ne Ashtaroth ó꞉ni ne Edrei. Mahís kí꞉ken shakosénhnion ki onhkweshón꞉a tánon sakohiaʼtinekén꞉en.

Joshua 24:8

Ethòne thóh nónhwe niakwahiatenhawe rahó꞉nonhontsakes ne Amorʼró꞉nons, né꞉ne nàkon nòkwah ratinakeré꞉kwe ne Jordan. Wesehwateriio, ók thakwahion natesenhnietshera tsi wahéʼtsisenhni. Wesehwatienawasthe ne rahó꞉nonhontsa, tánon wakhehiathonthe tsi niahisewe.

Joshua 9:10

Tánon tsi nishakoieráse ne teninonhtihioʼtserá꞉ke ne Amorʼró꞉nons né꞉ne ná꞉kon nokwá꞉ti ne Jordan: ne ronhnonhtí꞉io Sihon ne Heshbon ó꞉ni ne ronhnontí꞉io Og ne Bashan, ne raónha Ashtaroth nón꞉we nihanákereʼkwe.

Judges 10:11

Ne Roiá꞉ner né kí꞉ken ne tekarihwasehrákwen thaʼsakáwen: “Né Egyptró꞉nons, ne Amorʼró꞉nons, ne Ammonró꞉nons, ne Philistiaró꞉nons,

Judges 11:13

Ne ronhnontí꞉io ne Ammon wathesakorihwasehrákwahse ne Jephthah ronwarihwakareʼniénhnis, “Nónen nʼIsraerʼró꞉nons sathontahatiákenhne ne Egypt, wahontsénawasʼthe nakonhóntsa né꞉ne tsit Kaniatarathátse ne Arnon tsiothásaʼwe tsi nióre ne Jabbok Kaniatarathátse ó꞉ni ne Jordan Kaniatarathátse. Ónenk kíʼ tsi kwáh skenenhkówa tsi thetesátʼkawe.”

Judges 21:8

Né sahatirihwanónhton tó꞉ka kén ónhkak tsi nihá꞉ti kentsiókwahiens Nisraerró꞉nonke iáh tsahoné꞉nonke shonsahatiʼtiénhaien ne Mizpah nónhwe, wahatirihwatʼtsénhri tsi iáh ónhka tetsawénon ne Jabesh né Gilead nónhwe;