Numbers 20:28 - Ohiatonhseratokénti

²⁸ tánon ne Mahís wahohiatawitáhsi ne Aaron ne rahotiátawi wakó꞉ses tánon Eleazar sahohiátawithe. Thóh ononhtoharáke ne Aaron warénheie, tánon ne Mahís ó꞉ni ne Eleazar thontahianonhtátsʼnenhte.

Numbers 20:28 ပူးပေါင်းရင်းမြစ်များ

1 Chronicles 22:17

Né Táwit ratiʼkwé꞉kon ne sakotiʼhéntenhse Nisraeró꞉nonke tsi washakorihónten nahonwaiénawaʼse ne Solomon.

Exodus 29:28

Né꞉ne iáh thaʼtesehwakateriwaʼteniénhnis natiatoreʼtátshera né nó꞉nen nakonhkwetashón꞉ʼas sahotiríwa tsi ienhatíthate, né꞉ne oronhkwéna, tánon ne ranhitsàke ne katshénen né nènʼneʼe ne ratitsihénsthatsi rahonáwenhk. Né kí꞉ken nonhkweshón꞉ʼas wahónkon, ne Watiá꞉ner.

Exodus 6:23

Ne Aaron Elisheba nenhʼne wahoʼtíniaʼke, né꞉ne Amminadab saʼkoiénha tánon né iateʼnhosènha ne Nahshon; tánon ne wahotiʼwiraientásehron né꞉ne Nadab, Abihu, Eleazar, tánon ne Ithamar.

Numbers 20:1

Né tiotenhnithatierénhton kwáh kanakeraserakwékon nʼIsraerʼronónke karakonhkówa nonhtáien né꞉ne Zin nónhwe tánon wahonthatohsehronhtónhnion ne Kadesh nónhwe. Thóh nónhwe ne Miriam wakénheie tánon wakonhwahiatáta.

Numbers 20:26

tánon thóh nónhwe shatshèkwah ne Aaron ne rahotiátawi wakó꞉ses tánon Eleazar thontátshon. Ne Aaron thóh né nónhwe nenhrénheie.”

Numbers 20:27

Ne Mahís thóh kíʼ naháiere tsi kíʼ nahorihónten ne Roiá꞉ner. Tsi tsoʼnónhte ne Hor niahónhne rahotihénton ne kanakeraserakwékon,

Numbers 27:13

Né nónen ensatkátho, enshí꞉heie, tsi kiʼnihoiéren ne tsatatekénha Aaron,

Deuteronomy 10:6

NʼIsraerʼró:nons tsi tiohnáwerote tahonhtén꞉ti né꞉ne Jaakanró꞉nons rahotiʼnáweras, tánon Moserah niahón꞉ne. Thóh nón꞉we ne Aaron iarénheie tánon wahonwahiaʼtáta, tánon ne roiénha Eleazar raónha tesahonaktá꞉kwen tsi rokhá꞉res í꞉ken.

Deuteronomy 34:5

Sók ki ne Mahís, ne Roiá꞉ner rahoná꞉tshera, warenhé꞉ie tsi wathonwenhtsá꞉ien ne Moab, kwáh ki tsi niháwenh ne Roiá꞉ner tsi thóh nenhoiatháwen.

Deuteronomy 34:9

Joshua né꞉ne Nun roiénha kwáh rahiathanáhnon ne aʼthokhátshera, tiorì꞉wa ne Mahís raónha rohiatharákwenh ne tahonsahonaʼthákwen. Nonhkweshón꞉as nʼIsraerʼronónke wahonwawénhnaraʼkwe ne Joshua tánon wahonteweiénte ne karihwatà꞉tshera ne Roiá꞉ner theshakó꞉wi rahonhà꞉ke ne Mahís.

Joshua 24:33

Ne Eleazar ne roiénha ne Aaron shá꞉renheie Gibeah né nónhwe iehonwahiathaten, ne tsi kanathaien ne tsi iononhtharonhnions ne Ephraim nónhwe né꞉ne roiénha ne Phinehas.

2 Tiér 1:15

Kwá entkateweiénton, káti, nakwahkwatákwahse naiseweiárake kí꞉ken nahorihoténsons kwák tsík nakaháwike nónen enwakihéion.