Numbers 20:16 - Ohiatonhseratokénti

¹⁶ tánon iatsionhkwahénrete rahonháke ne Roiá꞉ner nasonhkwahiénawase. Wasonhkwatʼthóntene tánon raronhiakeró꞉nonh tahoténiete, rahón꞉ʼa wasonhkwahéntense tsi thonhtahiakwahiákenhne ne Egypt. Ónenh kíʼ nónhwa Kadesh nónhwe nitsákwes, ne tsi kanatowaʼnénhke ákta ne tsi sateristatátie.

Numbers 20:16 ပူးပေါင်းရင်းမြစ်များ

Exodus 14:10

Nó꞉nen ne lsraerʼró꞉nons sahonwáken ne ronhnonhtí꞉io tahoʼtiokwíne ne rahonkwetashón꞉ʼas ronteríios niasakoʼnenhrénten, kwáh íken tsi wahoʼnateronhniénten tánon rahonhàke ne Roiá꞉ner hiatoʼthihénrethe nasakoiénahwaʼse.

Exodus 14:19

Ne rahoronhiaʼkeró꞉non ne Rawenni꞉io, tsi nikáien ne ohénton í꞉rehne ne lsraerʼró꞉nons rahoʼtiʼtiókwah ronhteríios, onàhken nòkwah nionsáre. Tánon ne iotsikero:tatse ontoʼrhiáʼneronh nónhneʼe thóh niaháhe

Exodus 23:20

“Kwáh enthihiaténienthe rahronhiakeró꞉non naiahéntense nahontaʼhiáʼne tsi natensatʼtháhakwe tánon tsi ienʼiaʼiaténhawe tsi nónhwe tsi niwatenátaien ne wakeweienentáon.

Exodus 33:2

Kwáh raronhiakeró꞉non ienhiʼhiaténieʼte nahiahéntense, tánon kwáh enkhehiatínekenʼwe ne Canaanites, ne Amorʼró꞉nons, ne Hitró꞉nons, ne Perizró꞉nons, ne Hivró꞉nons, tánon ne Jebusites.

Exodus 6:5

Ó꞉nen wakatʼthontéhon tsi nihononhsèhna ne lsraeró꞉nons, tsi nikáien ne Egyptró꞉nons ronwahtiʼnaskón꞉ni, tánon wakehiá꞉rahʼne nakateriwahsehronhniátshera.

Daniel 6:22

Ne Rawenni꞉io né rihsénnaiens, tahotó꞉ri né raronhiaʼkehró꞉non né ahshakóhskweke né kèn꞉reks né ne tóhsa akatkaréwahte. Né aorì꞉wa eʼtho nahá꞉iere né tsi roterién꞉tare tsi iáh tewakennhìkon tánon ó꞉ni iáh thé꞉nen tekonʼnikonrhaʼtén꞉ni, Sanóntí꞉io.”

Numbers 20:15

tsi ní꞉ioht nonhkwasót꞉tsheras tsi Egypt niehonénon, tsi nónhwe karíhwes iehiakwenhterónhtakwe. Ne Egyptró꞉nons kwáh íken tsi wahonwanateweienakʼsáten nonhkwaʼsótʼshera tánon nonkwáhtiakes,

Numbers 21:22

“Thakwahríhon nahiakwahtó꞉hetste ne sonhontsáke. Ní꞉i tánon nonhkwahʼtshenenhókons iáh tahiakwahthahontáko ne sahenthá꞉kes niahiákwe khès ne tsi sanenharaientʼthóhsehrons, tánon iáh tshiahiakwahnekíra ne tsi satnaweró꞉tons; hiohahakwení꞉ioke nónhwe nenhiakwahthahítha tsi nióre ienhtsakwahiákenhne ne sanakerasehrákon.”

Deuteronomy 4:34

Ónhkak kén ne ní꞉io nonhwénton roteʼniénten niá꞉re tánon iashakoʼnónhke nónhkwe ne thihononhontsá꞉te tánon raónha rahonkwè꞉ta ashakaʼón꞉ni, tsi né nihoié꞉ren ne Roiá꞉ner sewaNí꞉io ne Egypt nón꞉we? Kwáh tesewakaʼnerá꞉kwe tsi wà꞉ratste ne raoshatstenhserowaná꞉tshera ó꞉ni ne kaʼshatsʼténshera; tahá꞉hawe ne kanaratarinétsheras ó꞉ni aterihiósera, tsi wahohiò꞉ten neioriwaneraʼkwaténions ó꞉ni ne ionerákwahs, tánon wahronhniá꞉nion ne kaʼteróntsheras tsi naiawénhseron.

Deuteronomy 4:37

Tiorí꞉wa tsi shakonorónhkwa ne ietsisothonkonʼkén꞉en, í꞉se waʼtsisewahiataráko, tánon rahónʼa raoshaststenserowanáhtshera waʼrátste tsi tontatsisewahiaʼtí꞉nekenhwe ne Egypt.

Joshua 15:1

Ne kahwá꞉tsires ne rahotitióhkwakons ne Judah wahatiié꞉na ostónha nonhóntsas ken kahiatónhnion tsi nonhwésons: Nohóntsa ié꞉was nentiè꞉ne nón꞉we nentieʼnésons nokwahtí꞉son ne tsi ieiotʼthe ne kará꞉kons ne Zin, né꞉ne tsi tkaristatátie ne Edom.