Numbers 20:1 - Ohiatonhseratokénti

¹ Né tiotenhnithatierénhton kwáh kanakeraserakwékon nʼIsraerʼronónke karakonhkówa nonhtáien né꞉ne Zin nónhwe tánon wahonthatohsehronhtónhnion ne Kadesh nónhwe. Thóh nónhwe ne Miriam wakénheie tánon wakonhwahiatáta.

Numbers 20:1 ပူးပေါင်းရင်းမြစ်များ

Genesis 14:7

eʼthó꞉ne tonsahontkahrhaté꞉ni tánon iahón꞉newe Enmisphat (ne ne Kadesh nón꞉we), tánon wahshakotiʼshén꞉ni tsi nihotinakeráhsera ne Amalekró꞉nons tánon ó꞉ni ne Amorʼró꞉nons ne ne Hazazon-Tamar nón꞉we nihatinákerehkweʼ.

Psalms 29:8

Ne raowénhna ne Roiá꞉ner ráʼwaks ne iahonwentsatʼténhake, ne Roiá꞉ner ráʼwaks ne iahonwenhtsiatʼténhake ne Kadesh nón꞉we.

Exodus 15:20

Ne iotiatát꞉kon Miriam, Né꞉ne Aaron iatenó꞉senha, iaháʼtewaʼkwe ne nikanhakwá꞉ʼa ienahkwaʼekʼtákwa, tánon konhtikwékon ne konʼnónhkwe wakonwásehre, ioʼnatswahthonhátie ne niʼkanhakwá꞉ʼa ienhakwaʼektákwa ó꞉ni tehiotinonhniaʼkwenhátie.

Exodus 2:4

Tánon nowirá꞉ʼa sahkotsíha iáh ahʼínon nióre tetiéthakwe nahiaʼkothó꞉kenʼse onhʼnenhoʼhiá꞉tawen.

Exodus 2:7

Ethóne ne sakotsíha wakonhwariʼwahnónhtonhse, “Katònhʼken iakínonhke ne Hebrew iónhkwe tahosniéne nowirá꞉ʼa ne sarihwáhke?”

Ezekiel 47:19

“Né entiéne nokwáhti karisthatátie eh nieiawénon tsi iaʼtewatʼtsénthos nokwáhti nenhtiéne né꞉ne Tamar tsiotásawe tsi nióre ne tsitʼkanekónhnions ne iahonwentsiatʼthénke né Kadesh Meribah tánon ethòne othoréke ne tsi iatewatʼtsénthos nioséhron ne Egyptró꞉nons ronateristhatátie né꞉ne Mediterranean kaniatarahkhekówa.

Micah 6:4

Asè꞉ken tetkwahiathénha ne tsi tiohontsá꞉ien ne Egypt, tánon skwahiathákwen ne tsi kanónhshote ne iakonaskón꞉nis; tánon iekheiateniéton sahén꞉ton ne ne Mahís, Aaron, tánon ne Miriam.

Numbers 12:1

Ne Mahís né rotaʼteniakʼtenhníhne ne Cushite nakahiató꞉tenhne, tánon ne Miriam ó꞉ni ne Aaron wahonwarihwákwaʼse.

Numbers 12:10

tánon notsíkera èhren sáwehte ne tsi watóhsehrote, ne Miriam ne tsi ioné꞉ware thonhtaiawénhstsi wahostaʼrónhnionhne tánon thóh nakaráhkenʼne tsi ní꞉ioht nóniete. Nó꞉nen ne Aaron sahaʼkenhʼénhion tánon wahatkátho thiʼtsioróhron iotsʼtháwis,

Numbers 12:15

Ne Miriam áhtste tkonhwahiatinekénʼen ne tsi watenátaien né꞉ne tsáta nónhta nikaríhwes, tánon nonhkweshón꞉ʼas iáh kíʼ thaʼteshonahnatáh꞉kwenh tsi nióre thonthakonʼwahiatínionhte.

Numbers 13:21

Káti ne ronhnónhkwe othorèke niahónhne tánon iahonthonhontsiátʼkense ne karahkonhkówa nokwáhti ne Zin né꞉ne entiéne kwáh tsi níó꞉re ne Rehob, ákta ne Hamath Iotohetstáhkwen nothó꞉reke nokwáhti.

Numbers 13:26

tsít꞉nes ne Mahís tánon ne Aaron, ó꞉ni kanakerasehrakwékon ne Israerʼronónke né꞉ne Kadesh nónhwe né karakonhkówa íken ne Paran nónhwe. Shaʼhontʼróri tsi nahó꞉ten wahontkátho tánon washaʼkotinatónhase ne káhiks ne thotíha.

Numbers 20:16

tánon iatsionhkwahénrete rahonháke ne Roiá꞉ner nasonhkwahiénawase. Wasonhkwatʼthóntene tánon raronhiakeró꞉nonh tahoténiete, rahón꞉ʼa wasonhkwahéntense tsi thonhtahiakwahiákenhne ne Egypt. Ónenh kíʼ nónhwa Kadesh nónhwe nitsákwes, ne tsi kanatowaʼnénhke ákta ne tsi sateristatátie.

Numbers 20:22

Kanakeraserakwékon NÍsraerʼró꞉nonhke èhren sahónhnete ne Kadesh nónhwe tánon tsi tsionónhte ne Hor iahónhnewe,

Numbers 20:28

tánon ne Mahís wahohiatawitáhsi ne Aaron ne rahotiátawi wakó꞉ses tánon Eleazar sahohiátawithe. Thóh ononhtoharáke ne Aaron warénheie, tánon ne Mahís ó꞉ni ne Eleazar thontahianonhtátsʼnenhte.

Numbers 26:59

Né꞉ne rotiniákon ne Levi shaʼkoiénha Jochebed, né꞉ne Egypt tsakawenakeráton. Ahónha tánon ne Amram tenihiáse wahotiʼnekenhterontsheraiéntaʼne, né꞉ne Aaron tánon ne Mahís, tánon wahotiʼhiatasetsheraiénhtaʼne, né꞉ne Miriam.

Numbers 27:14

ne aoríhwa tsi tesehnitsáron wetsatewenhnónhti nakerihwatáʼtsheras ne karakonhkówa ne Zin nónhwe. Nónen ne kanakeraserakwékon sahonkerihwakátaʼtshe ne Meribah nónhwe, iáh tesatʼthontáton nahisehnirihwanirátonke nakeshaststenseratokénti ne rahotihénton.” (Ne Meribah né꞉ne ionawerotehónhwe ne karakonhkówa ne Zin nónhwe.)

Deuteronomy 1:46

“Ethò꞉ne káti, nó꞉nen karí꞉wes Kadesh nónhwe nihiakwenhteróntaʼkwe,

Deuteronomy 2:14

Ne kí꞉ken ne áshen-niwáhsen shaʼtékon nihiosherá꞉ke tsi náhe éhren tionhkwéton ne Kadesh Barnea. Ratikwé꞉kon ne ronhterí꞉ios nétho sonhtakenhá꞉wi ronenhé꞉ion, kwáh ki tsi niháwenh ne Roiá꞉ner tsi thóh nenhiáwenhne.

Deuteronomy 32:51

ne tiorì꞉wa tsi tesehnitsáron iáh tetsateriwatokénston nakonhà꞉ke ne rahotihénton nonhkweshón꞉as ne Israerʼró꞉nonhke. Ne nó꞉nen ne tsi tsoné꞉kote ne Meribah nón꞉we shesenéskwe, ákta tsi kaná꞉taien ne Kadesh né꞉ne karakonhkó꞉wa ne Zin, iáh thesekweniénston rahotihénton nonhkweshón꞉a.

Judges 11:16

Kén kí꞉ken niʼiawénhen: nó꞉nen nʼIsraerʼró꞉nons shathonthahonthénhti ne Egypt, iáh thonhnót꞉kaʼwe ne iahonwentsiát꞉thenhke tsi niehiawénon ne tsitʼkanéksker ne Aqaba tánon Kadesh iahónhnewe.