Numbers 19:11 - Ohiatonhseratokénti

¹¹ Tsi nihiákon nienhieiéna nawenheiónhtha kwáh tenhiakohiataʼtsionhtónhake né꞉ne tsáta nónhta nikaríhwes.

Numbers 19:11 ပူးပေါင်းရင်းမြစ်များ

Isaiah 52:11

Éhrenh sásewet éhrenh sásewet, sasewahiáken né nón꞉we! Tó꞉sa tánon othénen iasewaiéna ne iáh tehiotkwéniens akénhake; sasewahiáken nahotiʼnenhríhen, sasewaʼtonhnakanónhni, í꞉se ne sewaháwis ne raóʼtshe ne Roiá꞉ner.

Lamentations 4:14

Nohénthon iehonʼnéthons nahonkwetaʼsónhas éhtho ní꞉ioht tsi ronʼnehnónties ne kanatakónsons tsi sí꞉ken ní꞉ioht ne tahathironwékon, thóh nióre tsi rothinekwesarónnion iáh ónka tewátons ne iahonwathiʼiéna.

Ezekiel 39:12

Ne Israerʼró꞉nons tsáta niwenhníthake nikakaríwes ónenh ratikwékonh nohieronhtashón꞉ʼhas niensakotihiatháta tánon tsi tenhsonhtó꞉taroh nonhwenhtsáke ne shé꞉kon ahonsahionhontsíhione.

Ezekiel 44:26

Nónenh shé꞉kon sahotkweniénsthaʼne, ónenk tsi tsáta nónhta enhateráhrate

Leviticus 11:31

Ónhka kí꞉iok iakonwatiʼiéna tó꞉ka ó꞉ni ne iawehéion rahotiʼierónhtas kwáh kíʼ tehiakohiathationtónhake tsi nióre ienhiókaraʼkwe.

Leviticus 21:1

Ne Roiá꞉ner wahorihónten ne Mahís nashakoró꞉ri ne Aaronite ratiʼtsihénstatsis, “Tó꞉sa ónhka ne ratsiʼhénstatsi ne tahathaʼtsiatátionsʼte nahateriwaténhtsiaʼte nashakohiatháta ne ronhthátenonhkwe,

Leviticus 21:11

Akonháke nónhwe nihonwathonhnará꞉ni tánon káti iáh thahónton ne tahathatsiathátsionsʼte khés ne thaʼhéntsionsʼte nakatóhsehra tsi éhren árete tánon thóh kanónskon iahatháwehiaʼte tsi nónhwe tewenhehionhtháien, iekaníhare né rahónha roʼníha tó꞉ka ó꞉ni ronisténha akénhake.

Leviticus 22:4

“Iáh ónhka tsi nienhatwatsiríhne ne Aaron ne rahonéhonkne róhn꞉rare tó꞉ka ó꞉ni ne tehoskénhniaʼse thahónton ná꞉rahke ne thènen iotokénti iewatkáwen tsi nióre ne kwáh iensotkwenienstónhake. Tsík ónhka ne ratsihénstatsi tenhohiathátsionsʼte tó꞉ka ienhaiéna nahó꞉ten ne iáh tehiotkwéniens né꞉ne iahaiéna noierónhta khés ne tsi tehoskénhniaʼse

Leviticus 5:2

Tó꞉ka iáh thasanikonhrónhni iashéna khahó꞉ten ne sahoiéren iáh tehiotkwéniens, tsi ní꞉ioht ne katshénen iaweheion, iáh kíʼ tesatkwéniens tánon saníkon kwáh tsiniʼiostó꞉re ensátʼtoʼke tsi nashá꞉tiere.

Haggai 2:13

Ethò꞉ne ne Haggai wahèn꞉ron, “Tókaʼ shí꞉ken ónhkak teiakoiatátson iaʼeié꞉na ne iotokénhti í꞉ken ne iotokénhti watsiotióntane ken?” Ne ratsihénstatsis watharihwaʼserá꞉ko, “Hen watsiotióntane.”

Numbers 19:16

Né nónhkak iahontatiéna ne hionhthatenonhwariákon khès ne thikénhak tsi wahaʼéh꞉heie náhtste nónhwe khès ne ónhkak iahieiéna nónhkwe akóstsien khès natʼtshatónkwah, watsiakohiatátshonhne kíʼ né꞉ne tsáta nónhta nikaríhwes.

Numbers 31:19

Ónen kíʼ tsi ní꞉tson ne onhkák ietʼtsinonhwariákon khès ne kén iesehwaiéren nohierónhtha ónenk kíʼ tsi áhtste natosehrákon ensewenhterón꞉take né꞉ne tsáta nónhta nikaríhwes.

Numbers 5:2

“Sehró꞉ri nonhkweshón꞉ʼas NÍsraerʼró꞉nonke nahionhtaʼtsiatí꞉nekenhwe ne tsi watená꞉taien onhkweʼtakwékon ne iotennrákteron nakonhéhonkne hiakónh꞉rare—tánon onhkweʼtakwékon nónhka ne iáh tehiakotʼkwéniens né꞉ne iehiakoiénen naʼwenhehiónhta.

Numbers 6:6

Shaʼnónkwis sèh nónhwe niwenéstha tsi tshiaʼtonhnaránis ne Rawenni꞉io, tánon né kíʼ aoríhwa iáh tehiówenk ne thashaʼtatiatáʼtshonhste ne ákta niá꞉se ne awenʼhieiónta, iekaníhare né ianíha akénhake khès ne shaʼnisténha, tsaʼtatekénha, tsiatenosénha.

Numbers 9:10

nashaʼkoróhri nonhkweshón꞉ʼas NÍsraerʼró꞉nonke, “Nó꞉nen nónhkak tsi nítsion khès tsi niensewatʼwatsírihne ne tsi iáh tesewatʼkwéniens né tsi iesewaʼiénen noierónhta khès naínonh nióre niesehwénon tsi tesewatʼthahákwen, ók shé꞉kon kíʼ í꞉shewere nahiseʼwenhtanó꞉ronsʼte ne èhneken watohetstákwah,

Numbers 9:6

Ók thó꞉ka kíʼ niháti ne kwáh shiʼhioriwakáion iáh tehonatʼkwénienskwe tsioríhwa tsi kèn niehotiʼiéren naweheiónhtha, tánon káti iáh tehiotónhon né꞉ne ahonaterihwahtentiáʼtonke ne èhnekenh watohetstákwah né꞉ne wenhniseráteʼkwe. Mahís tánon Aaron tsítʼnes niahónhne

Acts 21:26

Sók kíʼ ne Kór tsi sahiórenʼne iaʼsakohiaténhawe ne ronnónkwes wahateriwaténtsiaʼte skátʼke sahonthonnakanónni. Ehʼthóhʼne Ononsatokentíke iahatáwehiate iaharíwaien tohsékon niwenniseráke iotaténron nahonsahionthonnakanónni, etʼthóhne nah tatewenniʼiótsera enhonwathítatʼtse ne sathihiatát꞉tion.

Acts 21:27

Nók kwáh ónen thówah sahontók꞉ten ne tsiátak niwenniseráke, tóhkaʼra niháti ne Sitaeró꞉nons nehne nahontonwentsiáke ne Asia nónwe nithonéʼnon wahonwáken ne Kór thóh kanónskon Nononsatokentíke. Kwáh onkwetakwékon tsi wahsakothitsirónnien tánon wahonwaiéna ne Kór.

Romans 5:12

Kariwaneren tsawenon tsi ionwentsiate neh꞉ne saiatak khók rorihonʼni꞉on, tánon ne rahoriwanerahaktsera tsioha ne kenhéion. Tsi ehniʼiawenhen, kenhéion watewareni ne kwáh tsi niateiakahontsiake ne iorihon꞉ni tsi kwáh iateionkwetake iakoriwaneren.

2 Corinthians 6:17

Roiá꞉ner ó꞉ni rá꞉ton: “Ietshiiátkawh tánon é꞉ren í꞉sewet, tóhsa ken niasewá꞉ier ne nahò꞉ten iáh teiotkwéniens. Thó꞉ne enskwaié꞉na,

Ephesians 2:1

Tsi nithisènon kwáh tsi shíken ní꞉ioht nahisenhéion tioríwa tsi iáh tesatewenʼnarákwakwe tánon waseriwánerake.

Hebrews 9:14

Tsi kwáh kí꞉ken orihwí꞉io íken, tohʼniwéso tsi sénha karihwahkwahtákwas ne Kerístos raonekwénsa! Thóh nónwe ne ionnheónwe kashatsʼténsera raónha iahatatátʼkaʼwe né꞉ne ahontakarihwahiérike ne karonhiakénshera raohénton ne Rawenni꞉io. Né raonekwénsa né entionkweriashaserón꞉ni tsi nòkwa ne iáh thènen thekarihwásthas tsi nikarihótenne, ne káti nahónton atsitewaiótense ne ronnheón꞉we Ní꞉io.