Numbers 18:7 - Ohiatonhseratokénti

⁷ Ók í꞉se tánon ne sehiohʼokónhas iatesewahiátis tsi kwáh akwékon kèn nienhsewáiere tsi nihotiʼhiotenhseró꞉tens ne ratiʼtsihénstatsis ó꞉ni tsi nó꞉kwah ne ietsienharákwa tánon tsi nahoténsons ne kwáh Iotokénti í꞉ken. Kíʼ nahorihoténhsons í꞉se sewahioténhseras íken, tsioríhwa tsi tkwá꞉wi nathatawítshera nahisewatʼtsihenstónhni. Ónhka ne iáh tehiakohiotenhserarenhnáhon ákta niáien ne Iotokéntis í꞉ken kwáh kíʼ enhionhtaʼtenonhwariákon.”

Numbers 18:7 ပူးပေါင်းရင်းမြစ်များ

Psalms 115:10

Ó tsi sanónshoʼte Aaron, tatsetakwénhak ne Roiá꞉ner! Rahónha ne sakoiénawaʼse tánon rahónha né raonáwenk í꞉ken ne teioniatastákwah.

Exodus 28:1

“Iatsínonk ne iatsíha Aaron tánon ne sakoioʼhokónhas, Nadab, Abihu, Eleazar, tánon Ithamar. Thesehkháshion nonhkweshón꞉has tsi nòkwah ne lsarerʼró꞉nons, né nahónton nahiontióʼtenʼse nahontʼtsihensʼtónhni.

Exodus 29:9

tetsiaʼkwaráhnak tánon tetskenhkwaráhnak. Thóh ní꞉ioht tsi enseriwaníratshe ne Aaron tánon ne sakohiohʼokónhas. Ronʼnónha ó꞉ni tsi nienhontwaʼtsiríne tsi enhiontiótense tsi ratiʼtsihénstatsi enkénhake tsi nènhwe.

Ezekiel 44:15

Ne Ronhnontí꞉io Roiá꞉ner wahénron, “Thí꞉ken rothikháres né nónhwe nihatihiáthare tsi kentárahien ne Levi ne tsi nithonatwatsirínon ne Zadok, ók kíʼ, iahathikónthakwe ioriwahtó꞉ken tsi wahontsiótenhse ne Ononhsatokentiʼkówahne nónen ne ronáhtsiakes Nisraeró꞉nonhs wahonkatʼkarahthéni. Káti nónhwa roʼnónha kíʼ ónenh enhiontsiótenhse tánon entʼthónhne nakʼkénton nahionktátʼtse ne ióreseh tánon né raothinhekwénhsa ne konwanatsatatʼtseháthon katʼtshénenh.

Ezekiel 44:16

Kwáh ronónhaʼkhók enhontháwehiate Nononsatokentiʼkówahne, nahionkateriwatsterísthaʼse ákta naktsienharáhkwake, tánon nahonteriwatstéristhe Nononsatokentiʼkówahne aterénhnaient.

Ezekiel 44:8

Iáh tehonahtienahwáston ne kariwatokénston kariwihiosehokónhas nakenonsatokentiʼkówahne, ók khèʼkok né꞉ne thihononhontsátes wahonwahthirihónten.

Leviticus 16:2

Wahénron, “Tsró꞉ri ne tiathatekénha Aaron thóh né khók né nó꞉nen kwáh tkariwaiéri tsi nenhkaháwiʼke nonàken tsi ioniatarénhton niá꞉re tsi nónh꞉we ne kwáh iotokénti íken, tsioríhwa tsi éhtho nónhwe tsi iotsíkerare nenhkathotási é꞉neken tsi iotenonhthékon ne Ateriwaseronhniátshera Onerókwah. Tó꞉ka enhatewenhnónhti, kwáh kíʼ enhonwanonhwariákon.

Leviticus 7:35

Thóh kíʼ ní꞉ioht ne ká꞉khwa ronwatháti ne Roiá꞉ner né꞉ne Aaron thonwáwi tánon ne rahonekenteronhtsherasónhas ne tewenhnisehrátheʼkwe sahonwatiʼrihwaníratʼtse tsi ratiʼtsihénsthatsi íken.

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 16:40

Né káti kí꞉ken nahonwanaronhkáten NʼIsraerʼró꞉nons né꞉ne tsi niháti ne iáh Aaron nónhwe thitonatwatsiríhnon ónenk tsi ientsienharákwahke ní꞉tsien nahonwatsahátaʼse ne kanetanóron ne Roiá꞉ner. Ók tó꞉ka iáh, nonhtiérenk kíʼ enhonwanátonte tsi kíʼ ní꞉ioht ne Korah tánon ne rahonkwetashón꞉ʼas. Akwékon kí꞉ken thóh naháwenhne tsi kíʼ nihoríhonhte ne Roiá꞉ner ne Eleazar rahonháke ne Mahís.

Numbers 18:20

Ne Roiá꞉ner wahawénhase ne Aaron, “Kwáh iáh thahóten thashiéhna ne kaientátshera nahiotónhon nahonsahiakowenhkónhweke, tánon iáh thahóten ne tsi hionhóntsaien NÍsraerʼró꞉nonke níse thahontaiéson. Í꞉i, ne Watiá꞉ner íken, thók nateshathonhontsóni.”

Numbers 18:3

Kwáh enhatirihwaieríʼtsheke tsi nihotihiotenhseró꞉tens ne sonháke tánon tsi nihonaterihwaiénhni tsi nó꞉kwa natóhsehra, ók kwáh kíʼ iáh tehiówenk ne thènen iahatiʼiéna ne iotokéntis tsi nónhwe ne Iotokénti íken ó꞉ni ne ietsienharákwah. Tó꞉ka thóh nenhatí꞉iere, sehwakwékon kíʼ tsi enhietʼtsinonhwariákon.

Numbers 3:10

Níse ónenk tsi Aaron entshiataráko tánon ne sakohiohoʼkónhas nahotiʼhióten tsi nihonaʼterihwaiénhni ne ratiʼtsihénstatsis; nónhka nakóren ahionteʼniénten né naiéhiere ónenk kíʼ tsi enhiontaʼtenonhwariákon.”

Numbers 3:38

Ne Mahís tánon ne Aaron ó꞉ni ne sakotiʼhioʼokónhas ohénton ne tsi watóhsehrote né nónhwe nenhontenáʼtaien né꞉ne tsitʼkarakwínekens nòkwahti. Né nènhne roʼnaterihwaiénhni nahonterihwatsʼtériste tsi niʼhioterihwaʼtiéren tsi nónhwe ne Iotokénhti íken né nonhkweshón꞉ʼas NÍsraerʼró꞉nonke akorihwáke. Nónhka akóren nahionʼteniénten né nahiéiere kwáh kíʼ enhionhthaʼtenonhwariákon.

Matthew 10:8

Saietsitsient nʼiakononȣak tanionni oni ne iakoststaȣis, Saietsiionnhet nʼiakaȣenheion; iesentenraton, Sasetenrat ki.

John 3:27

Tontahenron ne Saȣatis: iahse othenon tahakȣeni ne ronkȣe neiah Karonhiake tahontahonȣatennietasere.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

Deuteronomy 18:2

Iáh tehiówenk ne thé꞉nnen ahononhontsaiéntake, tsi ne ní꞉ioht ne ronatià꞉kes kentióhkwas; ne rahonáwenk né꞉nenhne rahotihiathakenhátshera tsi Roiá꞉ner rahotsihenstaʼshón꞉as í꞉ken, tsi ki nihorahrátston ne Roiá꞉ner.

Hebrews 5:4

Iáh ónhka ne iatehaiáti nahatateráhkwahshe ne kakweniensthátshera nahatsihenstowahnénhahke. Kwáh iekénhak tsi Rawenni꞉io enhonáton nètho rónkwe nahatsihenstowáhnah—kwáh tsi niiawén꞉en ne Aaron.

Joshua 18:7

Ne Levites, ethosà꞉ne, iáh nénhne thé꞉nen thatehonathénhtion nahathiienà꞉seron nonhóntsas tsi ní꞉ioht ne sewatiákes, tiorì꞉wa né꞉ne tehonathéntion nahonwahiò꞉tenhse ne Roiá꞉ner tsi rotikhá꞉res akénhake. Tánon ki ó꞉ni, ne rahotitióhkwas ne Gad, Reuben, tánon ne tsitkarahkwí꞉nekens nokwá꞉ti ne Manasseh ó꞉nenk nénhne rothiienà꞉serons tsi naʼtehonathèn꞉tsons né꞉ne tsitkarahkwí꞉nekens nokwá꞉ti ne Jordan, né꞉ne Mahís, né Roiá꞉ner rahonhátshera, teshakowí꞉hon.”

1 Tiér 5:2

naseiatennikonráren ne kentiókwa tsi niʼientiokwáwi ne Rawenni꞉io tánon kwáh thoʼnaisanikonrohténhake tsi ahseiatennikonráren, kwáh tsi naʼtehontonwentió꞉ni ne Rawenni꞉io neh náshere, tánon tóhsaʼ ne iáh thoʼtaisanikonróhten. Sahióten ne sahioténsera, iáh tóhkaʼken ne tsi satʼkarhiákse, nók neh tsi kwáh thóh nithesaskáneks naisahióten.

1 Tiér 5:3

Tóhsa satheniénten nahontaseniarótaroke tsi nikáien ne ronwatináʼon naʼiesatennikonráren, nók neh kíʼ naiesanakéren tsi nisewehienní꞉io tsi nókwa ne kentiókwa.

1 Samuel 2:28

Í꞉ih waʼhiʼiataráko thóh nón꞉we ne tékeniʼiawénhre nihotiʼtarákes ne Israerʼró꞉nons neh natʼtsihénstatsi ahá꞉ton, thóh iaharatʼténstake tsi ietsienharákwahke, nahatʼtsaháhtaʼke wenhnekerá꞉khon, ahteniʼión꞉ta ahatʼtserónhniaʼte nakʼkhénton; tánon tekheiá꞉wi ne raoʼtiwá꞉tsire ne ietsishotʼthonkonkénha akwé꞉kon tsi aiontʼtátʼtie ne notsirá꞉ke nahontahatíhaʼwe ne Israerʼró꞉nons.