Numbers 18:4 - Ohiatonhseratokénti

⁴ Ónenk tsi skát꞉ke ensehwahióten níse tánon nahatirihwaiérihte tsi nihonaterihwaiénhni tsi nikahiotenhsehráiens ne atohserákon, ók iáh kíʼ ónhka ne iáh tehiakohiotenhserarenhnáhon ne skát꞉ke níse ahisewahióten.

Numbers 18:4 ပူးပေါင်းရင်းမြစ်များ

Ezekiel 44:14

Né ensehkhehioténsehronh ne iáh tehothihiotenserenhnáhon nakahioténhen Nononsatokentiʼkówahne.”

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 1:53

Ók kíʼ ne Levites thóh ákta tsi watóhsehrote enhontenátaien ne naʼhontenhʼnikonhráren, né káti ne tóhsa ónhka ákta nahontháien tánon ahierihónhni nakenakwáhtshera ahotí꞉iente ne tsi ratiʼnakerasehráien ne Israerʼró꞉nons.”

Numbers 18:3

Kwáh enhatirihwaieríʼtsheke tsi nihotihiotenhseró꞉tens ne sonháke tánon tsi nihonaterihwaiénhni tsi nó꞉kwa natóhsehra, ók kwáh kíʼ iáh tehiówenk ne thènen iahatiʼiéna ne iotokéntis tsi nónhwe ne Iotokénti íken ó꞉ni ne ietsienharákwah. Tó꞉ka thóh nenhatí꞉iere, sehwakwékon kíʼ tsi enhietʼtsinonhwariákon.

Numbers 18:5

Í꞉se tánon ne sehiohʼokónhas iatesewahiátis ónenk tsi ensewarihwaiérihte tsi nihioterihwaiénhni tsi nónhwe ne Iotokénti í꞉ken tánon ne ietsienharakwáhke, né káti nakenakwahtshérha ne tó꞉sa shé꞉kon ahonsahotíraʼne nonhkweshón꞉ʼas NÍsraerʼró꞉nonke.

Numbers 3:10

Níse ónenk tsi Aaron entshiataráko tánon ne sakohiohoʼkónhas nahotiʼhióten tsi nihonaʼterihwaiénhni ne ratiʼtsihénstatsis; nónhka nakóren ahionteʼniénten né naiéhiere ónenk kíʼ tsi enhiontaʼtenonhwariákon.”

Numbers 31:30

Né tsi nikáien ne kenhiotiéton nonhkweshón꞉ʼas akówenk, Saiáta ne wísk-niwásenh niháti ratinó꞉tens tsisewahiató꞉tshion tánon kwáh èthon nasehwáien tsi nókwah ne tsionónskwahrons, ne tewahóntes, teiotinakaronhtónʼa, ó꞉ni ne kaiatákeras. Levites né tahieʼtshí꞉hion tsi roʼnónha ronaterihwatsʼteríston ne Roiá꞉ner rahotóhsehra.”

Numbers 8:26

Ethòne, enwáton nashakotiʼiénawase né꞉ne sahaʼtihiátha Levites tsi ahotiʼióten tsi nihonaterihwaiénhni ne rahotihioténhsera natohsehrákon, ók iáh kíʼ tehiówenk ne thènnen ahonterihwaténtsiaʼte ne iatehatiʼhiáti. Thóh kí꞉ken ní꞉ioht tsi ensehianerenhsehrónhnien tsi nihotiʼhiotenhsehró꞉tens ne Levites.”

1 Samuel 6:19

Tsi nithotwatsirí꞉non ne Jeconiah kwáh iáh skátne tehonaʼtonnáhere nónkweʼókons ne Beth Shemesh nó꞉nenh tenhontátken tánon washaʼkononwaʼrhiákon tó꞉ka ní꞉hati nonkweʼókons ne Beth Shemesh, tsioríwa tsi iahontkehtó꞉ten raoʼneró꞉kwakon ne Roiá꞉ner; tánon waʼshakononwarhiákon wísk niwáhsen niwenhniawehetsherásen tánon tsá꞉ta niwáhsen niháti ronhnón꞉kwe. Nonkweʼókons wahontsónnion tsioríwa ne Roiá꞉ner tsi naʼthatenonhianíton washakowéntho nonkweʼókons.