Numbers 18:3 - Ohiatonhseratokénti

³ Kwáh enhatirihwaieríʼtsheke tsi nihotihiotenhseró꞉tens ne sonháke tánon tsi nihonaterihwaiénhni tsi nó꞉kwa natóhsehra, ók kwáh kíʼ iáh tehiówenk ne thènen iahatiʼiéna ne iotokéntis tsi nónhwe ne Iotokénti íken ó꞉ni ne ietsienharákwah. Tó꞉ka thóh nenhatí꞉iere, sehwakwékon kíʼ tsi enhietʼtsinonhwariákon.

Numbers 18:3 ပူးပေါင်းရင်းမြစ်များ

Ezekiel 44:13

Iáh tehotiriwahien nahiontiotenhse ne tsi ró꞉thikhares í꞉ken tó꞉ka ó꞉ni nákta niahonʼne nahó꞉ten ne iotokénti nakeriwahke tó꞉ka ó꞉ni niahontháwehiate ne Kwáh Tsionakthatokénti nónhwe. Né kí꞉ken ne kharewahthátshera í꞉ken ne ioteriwahtehasónhas tsi nihonahtseráhnion.

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 1:53

Ók kíʼ ne Levites thóh ákta tsi watóhsehrote enhontenátaien ne naʼhontenhʼnikonhráren, né káti ne tóhsa ónhka ákta nahontháien tánon ahierihónhni nakenakwáhtshera ahotí꞉iente ne tsi ratiʼnakerasehráien ne Israerʼró꞉nons.”

Numbers 16:40

Né káti kí꞉ken nahonwanaronhkáten NʼIsraerʼró꞉nons né꞉ne tsi niháti ne iáh Aaron nónhwe thitonatwatsiríhnon ónenk tsi ientsienharákwahke ní꞉tsien nahonwatsahátaʼse ne kanetanóron ne Roiá꞉ner. Ók tó꞉ka iáh, nonhtiérenk kíʼ enhonwanátonte tsi kíʼ ní꞉ioht ne Korah tánon ne rahonkwetashón꞉ʼas. Akwékon kí꞉ken thóh naháwenhne tsi kíʼ nihoríhonhte ne Roiá꞉ner ne Eleazar rahonháke ne Mahís.

Numbers 18:4

Ónenk tsi skát꞉ke ensehwahióten níse tánon nahatirihwaiérihte tsi nihonaterihwaiénhni tsi nikahiotenhsehráiens ne atohserákon, ók iáh kíʼ ónhka ne iáh tehiakohiotenhserarenhnáhon ne skát꞉ke níse ahisewahióten.

Numbers 18:7

Ók í꞉se tánon ne sehiohʼokónhas iatesewahiátis tsi kwáh akwékon kèn nienhsewáiere tsi nihotiʼhiotenhseró꞉tens ne ratiʼtsihénstatsis ó꞉ni tsi nó꞉kwah ne ietsienharákwa tánon tsi nahoténsons ne kwáh Iotokénti í꞉ken. Kíʼ nahorihoténhsons í꞉se sewahioténhseras íken, tsioríhwa tsi tkwá꞉wi nathatawítshera nahisewatʼtsihenstónhni. Ónhka ne iáh tehiakohiotenhserarenhnáhon ákta niáien ne Iotokéntis í꞉ken kwáh kíʼ enhionhtaʼtenonhwariákon.”

Numbers 3:25

Né ronateriʼhóntaʼkwe tsi nòkwah natóhsehra, né kanónskon tsi nahiotónhake tsi ioteró꞉ron, ó꞉ni náhtste nòkwah tsi ní꞉ioht tsi ioteró꞉ron, tsi ioharénhton ne tsi iehionthaʼwehiaʼtákwa,

Numbers 3:31

Né nènhne ronaterihwaʼiénhniʼne Nahonterihwatsʼtériste Naterihwaʼseronhniátshera Onerókwah, natekwáhra, ne waʼthasehroʼharáhkwa, ne ieʼtsienharákwas, tsi nihonsthaʼsónhas ne ratiʼtsihénstaʼtsis ne tsi Iotokénti Nónhwe, tánon ne ioniatarénhton ne tsi iehionhtawehiatáhkwa ne tsi nónhwe ne Kwáh Tiotoʼkénti íken. Ronhnónha akwékon ronaterihwaiénhniʼne nahonterihwatsʼtériste tsi niwatsʼthánions kí꞉kens.

Numbers 3:36

Né ronhwatiʼhiatharaʼkwáhton nahonterihwatsʼtériste nahoʼnikonharaʼshónhas natóhsehra, ne tewatʼrenhwákwas, kanawahʼathaʼshónhas, tsi kárate, tánon tsi niwatsʼthasónhas. Roʼnónha ronaterihwaiénhni ne tahatʼirihwásnieʼne nahonterihwatsʼtériste tsi niwatsʼthasónhas kí꞉kens.

Numbers 31:30

Né tsi nikáien ne kenhiotiéton nonhkweshón꞉ʼas akówenk, Saiáta ne wísk-niwásenh niháti ratinó꞉tens tsisewahiató꞉tshion tánon kwáh èthon nasehwáien tsi nókwah ne tsionónskwahrons, ne tewahóntes, teiotinakaronhtónʼa, ó꞉ni ne kaiatákeras. Levites né tahieʼtshí꞉hion tsi roʼnónha ronaterihwatsʼteríston ne Roiá꞉ner rahotóhsehra.”

Numbers 4:15

Nó꞉nen ienkáhewe ne tahonshonhnatáhkwenhke, né rahotiʼtiókwa ne Kohath ne entʼthónhne niaʼhiatíhawe ne iotokéntis íkens thóh ne khók kíʼ tsít enhontíhsonhke ne Aaron tánon ne shaʼkohiohʼokónhas tsi ratiʼróroksʼkwe tsi niwatsʼthasónhas. Ne Kohath rahononhkweʼtashón꞉ʼas iáh tehiówenk né thènen iahatiʼiéna ne iotokéntis íkens, thóh kaʼthonenhatí꞉iere enhonhníheie kíʼ. Thóh kíʼ nihotiʼhiotenhseró꞉tens ne Kohath rahotiʼtiókwas nó꞉nen natóhsehra tahonshaʼkonhwanathákwahte.