Numbers 17:5 - Ohiatonhseratokénti

⁵ Ethòne ne rahoténhnits ne rihiatharákwen enkaterónhten. Thóh kíʼ ní꞉ioht tsi ténkʼtaste tsi tiókonhte rotirihwakaténhʼen kí꞉ken Israerʼró꞉nons tsi nó꞉kwah ní꞉se.”

Numbers 17:5 ပူးပေါင်းရင်းမြစ်များ

2 Chronicles 26:16

Ók kíʼ nó꞉nen ne Uzziah wahashástsʼtenhne, wahatatʼkówanaʼte, tánon né kíʼ wakarihónhni tsi tahahiátenhne. Wathotiónsten ne Roiá꞉ner Raoní꞉io né tsi iahatáwehiate Nononsatokenhtiʼkówaʼne nahát꞉tsahaʼte ne kanetanóron ne ietsienharáhkwahke nétho kanetanóron ioteríhonte.

Psalms 105:26

Ethóhʼne ne Roiá꞉ner Egypt iahoténieʼte ne rahoná꞉tshera Mahís, skát꞉ne ne Aaron ne nónh꞉ne rohiatará꞉kwen.

Exodus 16:7

Nʼoronkène kwáh ensehwatʼkhátho ne tehioʼkaráhiat kaswatʼthétshera tsi nón níres ne Roiá꞉ner. Wahoʼthónteʼne tsi nʼisehwariwahʼkátenʼen tsi nòkwah ne rahónʼa—hen, tsi nòkwah ne rahònʼa, tsoríwa tsi nék khók nʼíi tsi iaʼkeniriwenháwi ne rahoʼrihonhniennhítsheras.”

Isaiah 11:1

Né thenkarénharon kwáh thóh nón꞉we nènhtewe tsi thóh iotsinahá꞉rote ne Jesse, tánon nonàhte kwáh thóh entewatehiáron nahoterá꞉ke.

Isaiah 13:11

Í꞉i kwáh entréhwaʼte ne tsi ionwenhtsá꞉te ne enkarihónhni ne kariwahét꞉ken, tánon ne rotiriwáneren ne tsi nihotirihwáneren; Ní꞉i kwáh ientsiástsi rononhá꞉ke ne ratináies ne rontatkowanáhtha; tánon èhʼtake enkheiónhni ne iáh tehonatehenseráien ne ratinataká꞉riaʼks.

Isaiah 27:6

Nenhtewenhniseratenionke ne Jacob rahonhake kwáh enkateronhten, Nisrael kwáh enkatsitsionten tánon thenkarenharon, tánon kwáh ne tentkarate ne tsi ionhwenhtsate ne kahiksonhas.

Isaiah 5:24

Né꞉se wahónhni, kwáh tsi ní꞉ioht nótsire tsi watʼtsahátha ne kawá꞉he, tánon ne iohontátʼthen tsi ehʼtàke niewétha ne tsi iotónhkote, káti ne raotithé꞉ra enhiótʼken, tánon ne raotiʼtsítsas thenkáthen tsi ní꞉ioht nokénhra; asèken rohtiʼkenhrataníhon ne raoʼrihonhnienhnítshera ne Sakoiá꞉ner ne ronterí꞉ios ratironhiakeró꞉nons. Ó꞉ni rotikenronhnihon ne raowenhnaokons ne Roiatató꞉kenti Saiá꞉ta ne Israerʼronónke.

Ezekiel 16:41

Kwáh enhontenonhkwénthawe ne tsi sanónhsohthe tánon kwáh ionahtiokowáhnen ne konhnónhkwe enkhontkátho ne sharehwahtátshera. Tenhkóntasthe tsi sariwahiathathónhon tánon tenkhóntasthe tsi nisehʼhiawíhons ne saskarehókonhs.

Ezekiel 23:27

Kwáh ténkʼthasʼte ne saskanétʼtsheras tánon ne ioteriwahtehasónhas tsi nitsatseráhnion tsi náhe Egypt nónhwe iéseskwe. Iáh shé꞉kon tahonshasehiatkáto ne kahiathonnisónhas iáh ó꞉ni shé꞉kon tahonshasehianonhthónhnionwe ne Egypt.”

Hosea 14:5

Kwáh thóh nenhtiatothénhake kwáh né꞉ne iohawé꞉ien ahonhà꞉ke ne Israel; kwáh thenhatsitsanékare tsi ní꞉ioht ne katsitsará꞉kens, kwáh enhioteréshonkes tsi ní꞉ioht tsi ioronhtó꞉tons ne Lebanon nón꞉we.

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 11:1

Nonhkweshón꞉ʼas tahontáshawen wahonwatrihwakatatʼtse ne Roiá꞉ner tsi niwenhtorá:tsie. Nó꞉nen ne Roiá꞉ner shaʼsakotʼthónteʼne, wahotenakwaserónhnien tánon ótsire thaʼsakoteniéten nonhkweshón꞉ʼa. Wahakotiatáʼtsahahte tsi ratinákere tánon wakarihwá꞉tonte tsi iehiótʼte ne tsi roʼnahnátaien.

Numbers 16:11

Né nó꞉nen entsiʼsewarihwá꞉kwaʼse ne Aaron, kwáh seh Roiá꞉ner tsi sewarihwakwénhnis nètho níse tánon ne ietsinonhterá꞉ties iáh tesewatewenhnarákwa.”

Numbers 16:5

Ethóne wahawénhase ne Korah tánon ne ronhwanonhteráties, “Ohronhkeʼnéha ne Roiá꞉ner enshonkwahnatónhase ónhka né rahónha rahonkwetashón꞉ás íken; né kíʼ ne, shakoiatarákwen íken, ákta ne ientsienharákwahke nónhwe natenhontátʼken.

Numbers 17:10

Ne Roiá꞉ner wahawénhase ne Mahís, “Ne Aaron rahoténhnits thóh hionhsháʼtien ohénton tsi kaneró꞉kwahien naterihwaseronhniátshera í꞉wa. Tsi enwateweienhtónhake né nahiakothokáten ne tehatinenhraríhtha Israerʼró꞉nons tsi kwáh enhonhníheie tó꞉ka iáh tehóntkawane tsi nihatirihwakátats.”

Numbers 17:6

Káti ne Mahís waʼshakowénhnaraʼne NʼIsraerʼró꞉nons, tánon satiʼhiatáʼtshons ne sakotihenténhse wahonwatenhnítsheron, sewatenhnítshera ne shotiʼtiókwas, tékeni-iawénhre níkon norihwakwékon, tánon ne Aaron rahoténhnits iathatí꞉ieste.

Numbers 17:8

Nó꞉ia sahiórenhne, nó꞉nen ne Mahís atohsehrákon niaháre, wahatkátho ne Aaron rahoténhnits né Levites rahonaténhnits íken, ioteronhtháhon. Ioskwehionhtáhon, tehiotsitsanekáron, tánon ne iahónton ne iehioʼshokwaieríhon Almonds!

1 Corinthians 10:10

Iáh tehiówenk nahitewahriwahkátathe, tsi né nihotiʼiéren ne ronáhtiakes—tánon ne Kenhéion Raronhiakerónon wahsakóthonthe.

Joshua 4:7

tánon kwáh ensehró꞉ri né꞉tho kaniataratátie ne Jordan wakká꞉taʼne tsi watnekí꞉ne ne nó꞉nen ne Roiá꞉ner Roneró꞉kwa Naterihwaʼseronhniá꞉tshera thóh í꞉wah watkaniaʼtarihiáke. Kí꞉ken onenhiaʼsón꞉as kwáh tió꞉konte tsi enhiakawehiarakweníheke nonhkweshón꞉as Nisraerʼró꞉nonhke tsi nihiawénhen ne ken nón꞉we.”