Numbers 16:46 - Ohiatonhseratokénti

⁴⁶ tánon ne Mahís wahawénhase ne Aaron, “Iahásaf ne sónhtak waʼtsironhtákwa, wísk niwaswénhtake séhtha né꞉ne ietsienharakwáhke sráko, tánon kanetanó꞉ron sèh roséhron noswénhtas. Ethòne iatesasteríhen tsi thónʼnes nonhkweshón꞉ʼas niaháse tánon ne saterihwaténhtsiat ne orihwakahionhnéha tsionhʼthonhnakanonhnitákwah ne rahotirihwáke. Tesasteríhen! Ne Roiá꞉ner rahonakwáhtshera ónenk tsiotásawe tánon ne kannratarihnétsheras ónenk thontásawen.”

Numbers 16:46 ပူးပေါင်းရင်းမြစ်များ

1 Chronicles 27:24

Né Joab, né ronisténha né꞉ne Zeruiah ionhtáʼtsiats, tahatáshawenh washakosenhnarónhnion, ók iáh kíʼ tsehó꞉son. Né Rawenni꞉io waharéwaʼte Nisraeʼró꞉nonke tsioríhwa tsi rahtisenhnaró꞉roks, ká꞉ti iáh nonwénhton tseiawené꞉on thóh nahatíhake né Ronnontí꞉iokwe Táwit né tkarihwaiéri akahiátonhke.

Psalms 106:29

Sahonwaʼnakwísa ne Roiá꞉ner né tsi nihatiweienó꞉tenhs, tánon waʼtewaʼthentʼraré꞉ni tsi natehóntere.

Psalms 141:2

Satóntat tséna nakaterénhnaient né shón꞉niat tsi ní꞉ioht ne wenhnekerákon wakahtsienkwahronniatákwen ne sahénton, tánon ó꞉ni ashé꞉na tsi niwakanenhtsaʼkaratáton tsi niwakaterénhnaien tsi ní꞉ioht tsi tsénas nokarasné꞉ha iontsienkwahronhniáta ne sahénton.

Leviticus 10:6

Ethòne ne Mahís washakawénhase Aaron tánon ne shaʼkohiohokónhas Eleazar tánon ne Ithamar, “Tó꞉sa ne iáh thaʼhisehwatkhorothíʼen tó꞉ka ó꞉ni nahisehwaʼraʼtsiónko ne sehwatʼtserónhnia nahisheʼwénestʼte nahisewatʼtsiónhnionhke. Tó꞉ka thóh nensehwá꞉iere, kwáh kíʼ enshewénheʼie, tánon ne Roiá꞉ner kwáh kanakeraserakwékon tsi enshaʼkonákwahse. Ók ratikwékon ne roná꞉tsiakes Nisraerʼró꞉nons enwáton né nahontsiónhnion tsi nòkwah kíʼ kén kenhéiat tsioríhwa tsi ótsire thóh naká꞉sa ne tsi Roiá꞉ner thotʼtsiratheniéton.

Leviticus 9:24

Thonthaiaʼwénhstsi ne Roiá꞉ner ótsire tahathénieʼte, tánon onhthónhte ne watéskonte tánon ne iorèsenhs nahoténsons ne ietsienharákwahke. Nó꞉nen nonhkweshón꞉a sahontkátho, ratikwékon watotihénreʼthe tánon wathontʼtsákeʼte tsiahatiʼkonhsaiénthaʼne nonhontsáke.

Habakkuk 3:5

Raohénton iehateniétha ne kanratarinétsheras, tánon ne kenhé꞉ion thót oná꞉ken í꞉we.

Malachi 1:11

Aseʼkénh kwáh tsi nentkarahkwínekenʼne tsi nienhskaráhkwenʼne tsi tshennowá꞉nen ne tsi ienakerénion ne ronnonhontsaʼkehró꞉nonʼs, tánon kwáh tsik nonwé꞉sonʼs tsi enieienʼkwarotónnion nakhsèn꞉nakon, aseʼkènh nakhsèn꞉na tsi kahsennowá꞉nen í꞉ken ne tsi ratinakerénionʼs ne ronnonhontsaʼkehró꞉nonʼs, Rá꞉ton ne Sakoiá꞉ner ne ratironhiaʼkehró꞉nonʼs.

Numbers 1:53

Ók kíʼ ne Levites thóh ákta tsi watóhsehrote enhontenátaien ne naʼhontenhʼnikonhráren, né káti ne tóhsa ónhka ákta nahontháien tánon ahierihónhni nakenakwáhtshera ahotí꞉iente ne tsi ratiʼnakerasehráien ne Israerʼró꞉nons.”

Numbers 11:33

Tsikʼshé꞉kon wéso rotiwáraien nahónhneke, ne Roiá꞉ner wateshaʼkoteriatíkon nonhkweshón꞉ʼas tánon ne warónhniate nahotinráhtarihnhe.

Numbers 18:5

Í꞉se tánon ne sehiohʼokónhas iatesewahiátis ónenk tsi ensewarihwaiérihte tsi nihioterihwaiénhni tsi nónhwe ne Iotokénti í꞉ken tánon ne ietsienharakwáhke, né káti nakenakwahtshérha ne tó꞉sa shé꞉kon ahonsahotíraʼne nonhkweshón꞉ʼas NÍsraerʼró꞉nonke.

Numbers 25:13

Rahónha tánon tsi nienhatwatsírihne tsi enhiorihwatokénhake tsi ratiʼtsihénstatsis enkénhake, tsioríhwa tsi iáh teshakotakatstáton ónhka ne akóren akénhake tsi nòkwah ní꞉i tánon taháhawe nahonsakanikonhrénhʼen nonhkweshón꞉ʼas akorihwanerahák꞉tshera.”

Numbers 25:8

washakósehre ne rónhkwe tánon ne iónhkwe natohsehrákon niehonénon, tánon tenitsáron washakóhase. Thóh kíʼ ní꞉ioht ne kannratarihnhétshera tsi tenhkátane tsi nihiakowénhthos NʼIsraerʼró꞉nons,

Numbers 8:19

tánon Aaron tánon ne sakohiohʼokónhas wakheʼrihónten nashaʼkonatenhnikonhráren ne Levites, né꞉ne NʼIsraerʼró꞉nons rahonathatawítsheras, né natohsehrákon ahotihióten né Israerʼró꞉nons rahotirihwáke tánon nahontahonwátiʼne NʼIsraerʼró꞉nons tsi nókwah ne kariwaiesátsheras nenhotíienthe tó꞉ka sóhtsi ákta nentʼthónne tsi nónhwe né kwáh Iotenatatokénti íken.”

Deuteronomy 9:22

“Káti ó꞉ni tsisewanakonhní꞉hon ne Roiá꞉ner sewaNí꞉io ne Taberah, Massah, tánon Kibroth ne Hattaavah shí꞉tisewes.