Numbers 16:42 - Ohiatonhseratokénti

⁴² Né nó꞉nen kanenhrakwékon sahonteróroke wahonwarihwaiatʼse ne Mahís tánon ne Aaron, wathohtkaraténi tsi tewatóhsehrote niahontiérate tánon wahontkátho notsíkera iohrorókston tánon nètho tehiohaseraswáhthe tsi nónhwe nihénteron ne Roiá꞉ner onhthotáshion.

Numbers 16:42 ပူးပေါင်းရင်းမြစ်များ

Exodus 16:10

Ne Aaron tsi nasakothá꞉raʼse ne ratiʼnakeraʼserakwékon, kahenthaʼkekówa nòkwah niahontiérahʼte, tánon thontahiaʼwénstsi ne tehiokarahiákt kaswatʼthétshera né꞉ne Roiá꞉ner wahaʼthotási tsi iotʼtsáthare.

Exodus 16:7

Nʼoronkène kwáh ensehwatʼkhátho ne tehioʼkaráhiat kaswatʼthétshera tsi nón níres ne Roiá꞉ner. Wahoʼthónteʼne tsi nʼisehwariwahʼkátenʼen tsi nòkwah ne rahónʼa—hen, tsi nòkwah ne rahònʼa, tsoríwa tsi nék khók nʼíi tsi iaʼkeniriwenháwi ne rahoʼrihonhniennhítsheras.”

Exodus 24:16

Tsi natehioʼkaráiakt ne kaswatʼthétshera ne tsi thóh íres ne Roiá꞉ner tsi thontahanonʼtátsnenhte. Né lsraerʼró꞉nons ne kaswatʼthétshera kwáh thóh ní꞉ioht tsi shí꞉ken ne ótsire iotékkha onontakéniaʼte. Nʼotshàta ne iorókthon ne tsi ionontáhere ne iáiak niʼwenniseráke, tánon ne tsaʼtákʼhaton shiʼwenhniseraké꞉haton oʼtshá꞉takon ne Roiá꞉ner thahonáton ne Mahís.

Leviticus 9:23

Ne Mahís tánon ne Aaron atohsehrákon niaháne tsi nónhwe nihénteron ne Roiá꞉ner, tánon nónen shaʼthontanihiákenhne, washakotiʼhiathatérisʼthe nonhkweshón꞉as, tánon ne rahohiathanerakwáhtsheras ne Roiá꞉ner kanenhrakwékon tsi wahakothoʼtháshiaʼse.

Numbers 14:10

Kanakeraserakwékon iontesenhnanónwakʼskwe nahonwatiʼnenhióhiake tsi thaʼníheie, ók thontaiawénhstsi nonhkweshón꞉ʼa wahontkátho ne tehiohaseraswát꞉the né꞉ne tsi nónhwe nihénteron ne Roiá꞉ner thóh é꞉neken tsi watóhserote onhtotáhsi.

Numbers 16:19

Ethòne ne Korah ratiʼkwékon washaʼkohiataró꞉rohke ne ienákere, tánon tsi waʼthatítane tehonwatikánere ne Mahís tánon ne Aaron ne tsi iehiontawehiatákwah natoserákon. Thontahiawénhstsi ne tehiohaseraswátʼthe watsioswátʼthete tsi nónhwe nihénteron ne Roiá꞉ner wahakothotáshien kanenrakwékon ne ienákere,

Numbers 16:43

Ne Mahís tánon ne Aaron thóh niaháne tánon ohénton ne tsi watóhsehrote waʼníthane,

Numbers 20:2

Iáh othènen tekanekaiénthakwe tsi nónhwe nahonthenátaien, shók kíʼ nonhkweshón꞉ás wathonwanatiá꞉taton ne Mahís tánon ne Aaron

Numbers 20:6

Ne Mahís tánon ne Aaron washakonatiatontákwen nonhkweshón꞉ʼas tánon thóh iathí꞉tane tsi iehionhtawehiatákwah natóhsera. Ohontsáke iathiaʼtiákete, tánon ne tehiohaseraswát꞉the ne Roiá꞉ner rahohásera wahakototáshien.