Numbers 16:40 - Ohiatonhseratokénti

⁴⁰ Né káti kí꞉ken nahonwanaronhkáten NʼIsraerʼró꞉nons né꞉ne tsi niháti ne iáh Aaron nónhwe thitonatwatsiríhnon ónenk tsi ientsienharákwahke ní꞉tsien nahonwatsahátaʼse ne kanetanóron ne Roiá꞉ner. Ók tó꞉ka iáh, nonhtiérenk kíʼ enhonwanátonte tsi kíʼ ní꞉ioht ne Korah tánon ne rahonkwetashón꞉ʼas. Akwékon kí꞉ken thóh naháwenhne tsi kíʼ nihoríhonhte ne Roiá꞉ner ne Eleazar rahonháke ne Mahís.

Numbers 16:40 ပူးပေါင်းရင်းမြစ်များ

Psalms 115:10

Ó tsi sanónshoʼte Aaron, tatsetakwénhak ne Roiá꞉ner! Rahónha ne sakoiénawaʼse tánon rahónha né raonáwenk í꞉ken ne teioniatastákwah.

Ezekiel 40:46

Tánon ne ó꞉ia hionákthaien ne othoréke niehiotseráhton né nènhʼne ne rokháres rahtienthá꞉kwa né tehariwásniese ne ietienharáhkwa. Rathikwékon ne rothikháres né꞉ne Zadok nonh nithonatwahtsirínon; roʼnonhakʼkhók ne tsi rahthihiátare ne kenhtharákon ne Levi ronhwathiriwáhwis niahónʼne rahohénton ne Roiá꞉ner nahonwahiótenseh.

Ezekiel 43:19

Thiʼken rothikháres ne rathihiátare tsi rothitárahien ne Levi tsi ronónha thóh nithonatwatsirínonh né Zadok ronónhakʼkok rothiríhwaien nakʼkhénton nahontahónʼne nahiontsiótenhse. Í꞉i ne Wakenonhtí꞉io Watiá꞉ner, katénhnas kí꞉ken. Kwáh ensehnáskon ne ken nithohiónha tionónhskwaron rátsinn.

Leviticus 22:10

“Ne khók ne ratsihénstatsi rahowátsire enwáton ne thènen ahónneke ne iotokéntis iewatkáwen; iáh kíʼ ónhka nakórenh thahónton ne thènen ahónhneke—iekaníhare nónhkak skát꞉ke ahatiterónhtake tó꞉ka ó꞉ni ne rahónha ronhwahiótenhse.

Numbers 1:51

Né nónen tenhtsiʼsewanáʼthakwe, ne Levites ronhnónha enshonʼtohsheraʼríhsi tánon enshonʼtohsehró꞉ten ne á꞉se tsi nónhwe ientsiʼtewaʼtenátaien. Nónkha akó꞉ren nákta nahontáhien tsi waʼtohsehróte kwáh kíʼ enhionthaʼtenonhwariákon.

Numbers 16:39

Káti ne Eleazar ne ratsihénstatsi íken iaháhawe ne watsironhtákwas onhtakʼsónhas tánon wahaténhnane nahontʼwasónhniate ne ahonhnónhniate ne tsienharákwah ahonteróhroksʼte.

Numbers 3:10

Níse ónenk tsi Aaron entshiataráko tánon ne sakohiohoʼkónhas nahotiʼhióten tsi nihonaʼterihwaiénhni ne ratiʼtsihénstatsis; nónhka nakóren ahionteʼniénten né naiéhiere ónenk kíʼ tsi enhiontaʼtenonhwariákon.”

Numbers 3:38

Ne Mahís tánon ne Aaron ó꞉ni ne sakotiʼhioʼokónhas ohénton ne tsi watóhsehrote né nónhwe nenhontenáʼtaien né꞉ne tsitʼkarakwínekens nòkwahti. Né nènhne roʼnaterihwaiénhni nahonterihwatsʼtériste tsi niʼhioterihwaʼtiéren tsi nónhwe ne Iotokénhti íken né nonhkweshón꞉ʼas NÍsraerʼró꞉nonke akorihwáke. Nónhka akóren nahionʼteniénten né nahiéiere kwáh kíʼ enhionhthaʼtenonhwariákon.

Hebrews 5:4

Iáh ónhka ne iatehaiáti nahatateráhkwahshe ne kakweniensthátshera nahatsihenstowahnénhahke. Kwáh iekénhak tsi Rawenni꞉io enhonáton nètho rónkwe nahatsihenstowáhnah—kwáh tsi niiawén꞉en ne Aaron.

Joshua 4:7

tánon kwáh ensehró꞉ri né꞉tho kaniataratátie ne Jordan wakká꞉taʼne tsi watnekí꞉ne ne nó꞉nen ne Roiá꞉ner Roneró꞉kwa Naterihwaʼseronhniá꞉tshera thóh í꞉wah watkaniaʼtarihiáke. Kí꞉ken onenhiaʼsón꞉as kwáh tió꞉konte tsi enhiakawehiarakweníheke nonhkweshón꞉as Nisraerʼró꞉nonhke tsi nihiawénhen ne ken nón꞉we.”

Jude 1:11

Tsi natehonaterientawenréhʼon! Ne wahathisere tsi nihoiéren ne Cain. Owísta wakarihón꞉ni tsi thóh nokwáh niahonʼne tsi natehoterientawenrhéon ne Balaam. Wathatirihoróke tsi ní꞉ioht tsi tehorihóron ne Korah, tánon tsi nioiatawénhen wahonwanáthonte.